Ajit Pawar’s Net Worth: বিমান দুৰ্ঘটনাত কৰুণ মৃত্যু! অজিত পাৱাৰে কিমান ধন-সম্পত্তি এৰি থৈ গ’ল?

অজিত পাৱাৰ

আজি পুৱা সংঘটিত এক বিমান দুৰ্ঘটনাত মৃত্যুক সাৱটিলে মহাৰাষ্ট্ৰৰ উপ-মুখ্যমন্ত্ৰী অজিত পাৱাৰে। মহাৰাষ্ট্ৰৰ বাৰামাটিত অৱতৰণৰ সময়ত দুৰ্ঘটনাগ্ৰস্ত হয় তেওঁৰ বিমানখন। দুৰ্ঘটনাগ্ৰস্ত বিমানখনত থকা ৫জনকৈ লোক নিহত হয়। বহু বছৰ ধৰি ৰাজনীতিত সক্ৰিয় হৈ আছিল অজিত পাৱাৰ। কিন্তু তেওঁৰ নেট ৱৰ্থ কিমান জানেনে?

জানিব পৰা মতে, দুৰ্ঘটনাগ্ৰস্ত বিমানখনত মুঠ পাঁচজন লোক আছিল। ভালকৈ দেখা নোপোৱাৰ বাবে সংঘটিত হয় এই দুৰ্ঘটনা। ভয়ংকৰ দুৰ্ঘটনাটো সংঘটিত হোৱাৰ পিছতে অঞ্চলটো ধোঁৱাই আগুৰি ধৰে। আজি পুৱা বিশেষ বিমানেৰে মুম্বাইৰ পৰা বাৰামাটি অভিমুখে গৈছিল অজিত পাৱাৰ। বৰামাটিত জিলা পৰিষদ নিৰ্বাচনৰ প্ৰচাৰ সভা অনুষ্ঠিত কৰাৰ কথা আছিল। আজি বৰামাটি তহচিলৰ বিভিন্ন অঞ্চলত মুঠ চাৰিখন জিলা পৰিষদৰ নিৰ্বাচনী সভা অনুষ্ঠিত হোৱাৰ কথা। বিমানখনত অজিত পাৱাৰৰ সৈতে তেওঁৰ নিৰাপত্তাৰক্ষী আৰু ব্যক্তিগত সহায়ক আছিল। দুৰ্ঘটনাটোৰ খবৰ পোৱাৰ লগে লগে অজিত পাৱাৰৰ কাৰ্যকৰ্তা আৰু ঘনিষ্ঠ সহযোগীসকল ততাতৈয়াকৈ ঘটনাস্থলীত উপস্থিত হয়।

অজিত পাৱাৰৰ নেট ৱৰ্থ

মহাৰাষ্ট্ৰৰ ৰাজনীতিৰ বিশিষ্ট ব্যক্তি অজিত পাৱাৰৰ ধন-সম্পত্তিৰ বাবে প্ৰায়ে বাতৰিৰ শিৰোনামত থাকে। শেহতীয়াকৈ নিৰ্বাচনী শপতনামা অনুসৰি তেওঁৰ মুঠ সম্পত্তি ১২৪.৫৫ কোটি টকা। অজিত পাৱাৰৰ সম্পত্তিৰ ভিতৰত আছে ঘৰ, মাটি, কৃষিভূমি, আৰ্থিক বিনিয়োগ, আৰু অন্যান্য সম্পত্তি। ২০২৪ চনৰ মহাৰাষ্ট্ৰ বিধানসভা নিৰ্বাচনৰ শপতনামাত তেওঁ ৮ কোটি তকৈ অধিক মূল্যৰ স্থাৱৰ সম্পত্তি আৰু ৩৭ কোটিতকৈ অধিক মূল্যৰ স্থাৱৰ সম্পত্তি থকাৰ কথা উল্লেখ কৰিছিল।

২০ নৱেম্বৰৰ নিৰ্বাচনৰ বাবে পুনে জিলাৰ আসনৰ পৰা মনোনয়ন পত্ৰৰ সৈতে তেওঁ দাখিল কৰা শপতনামা অনুসৰি অজিত পাৱাৰৰ দুখন গাড়ী – টয়োটা কেম্ৰী, হোণ্ডা চি আৰ ভি — এখন ট্ৰেক্টৰ, ৰূপৰ সামগ্ৰী, এফ ডি, শ্বেয়াৰ আৰু বণ্ড আদি আছে। তেওঁৰ পত্নী সুনেত্ৰ পাৱাৰ ৰাজ্যসভাৰ সদস্যৰ ১৪.৫৭ কোটি টকাৰ স্থাৱৰ সম্পত্তিৰ মালিক হোৱাৰ বিপৰীতে তেওঁৰ নামত থকা স্থাৱৰ সম্পত্তিৰ মূল্য ৫৮.৩৯ কোটি টকা বুলি নথিখনত ​​উল্লেখ কৰা হৈছে।

পৰিয়ালৰ সম্পত্তি আৰু অতীত

বৰ্তমান ৰাজ্যসভাৰ সাংসদ অজিত পাৱাৰৰ পত্নী সুনেত্ৰ পাৱাৰেও উল্লেখযোগ্য সম্পত্তি ঘোষণা কৰিছে। তেওঁৰ ১৪.৫ কোটিতকৈ অধিক মূল্যৰ স্থাৱৰ সম্পত্তি আৰু প্ৰায় ৫৮.৪ কোটি টকা মূল্যৰ স্থাৱৰ সম্পত্তি আছে। ২০২১ চনত বেনামী সম্পত্তিৰ তদন্তৰ অংশ হিচাপে কৰ কৰ্তৃপক্ষই অজিত পাৱাৰ আৰু তেওঁৰ পৰিয়ালৰ প্ৰায় ১০০০ কোটি টকাৰ সম্পত্তি জব্দ কৰিছিল। কিন্তু ২০২৪ চনত আপীল ন্যায়াধিকৰণে প্ৰমাণৰ অভাৱৰ কথা উল্লেখ কৰি তেওঁক গোচৰৰ পৰা মুক্ত কৰি জব্দ কৰা সম্পত্তি ঘূৰাই দিয়াৰ নিৰ্দেশ দিয়ে।