কেন্দ্ৰীয় মন্ত্ৰী নীতিন গাডকাৰীৰ সৈতে মুখ্যমন্ত্ৰীৰ বৈঠক, ৰাজ্যৰ ৰাষ্ট্ৰীয় ঘাইপথ প্ৰকল্প সন্দৰ্ভত বিস্তৃত আলোচনা …

অসমৰ  অসমৰ পথ যোগাযোগ ব্যৱস্থা অধিক সুদৃঢ় আৰু বিস্তৃত কৰাৰ বাবে ৰাষ্ট্ৰীয় ঘাইপথ প্ৰকল্প সন্দৰ্ভত আলোচনাত মিলিত হয় মুখ্যমন্ত্ৰী ড০ হিমন্ত বিশ্ব শৰ্মা আৰু কেন্দ্ৰীয় মন্ত্ৰী নীতিন গাডকাৰী । এই বৈঠকে প্ৰধানমন্ত্ৰী মোদীৰ বিকশিত ভাৰতৰ পদক্ষেপৰ সৈতে সংগতি ৰাখি এখন উন্নত অসমৰ দৃষ্টিভংগীক প্ৰদৰ্শন কৰিছে।

কেন্দ্ৰীয় মন্ত্ৰী নীতিন গাডকাৰীৰ সৈতে মুখ্যমন্ত্ৰীৰ বৈঠক, ৰাজ্যৰ ৰাষ্ট্ৰীয় ঘাইপথ প্ৰকল্প সন্দৰ্ভত বিস্তৃত আলোচনা ...

কেন্দ্ৰীয় মন্ত্ৰী নীতিন গাডকাৰীৰ সৈতে মুখ্যমন্ত্ৰীৰ বৈঠক

Published: 

25 May 2025 14:54 PM

অসমৰ মুখ্যমন্ত্ৰী হিমন্ত বিশ্ব শৰ্মা আৰু কেন্দ্ৰীয় পথ পৰিবহণ আৰু ঘাইপথ মন্ত্ৰী নীতিন গাডকাৰীয়ে ৰাজ্যত চলি থকা বিভিন্ন ৰাষ্ট্ৰীয় ঘাইপথ (ৰাষ্ট্ৰীয় ঘাইপথ) প্ৰকল্প সন্দৰ্ভত এক আলোচনাত মিলিত হয়। ২৪ মে’ত গাডকাৰীৰ বাসগৃহত অনুষ্ঠিত হোৱা বৈঠকত দুয়োগৰাকী নেতাই অসমত চলি থকা ৰাষ্ট্ৰীয় ঘাইপথ প্ৰকল্প সন্দৰ্ভত আলোচনা কৰাৰ লগতে সমগ্ৰ ৰাজ্যৰ পথ যোগাযোগ নেটৱৰ্কক অধিক শক্তিশালী কৰাৰ উপায় বিচাৰি উলিয়ায়। এই বৈঠকত চলি থকা কেইবাটাও গুৰুত্বপূৰ্ণ পথ প্ৰকল্পৰ লগতে নতুন প্ৰকল্পৰ বিযয়েও আলোচনা কৰা হয়।

ব্ৰহ্মপুত্ৰৰ ওপৰত যোৰহাট-মাজুলীৰ দলংখনৰ নিবিদা প্ৰস্তুত কৰাৰ বাবে কেন্দ্ৰীয় মন্ত্ৰী গাডকাৰীক ধন্যবাদ জ্ঞাপন কৰে মুখ্যমন্ত্ৰী শৰ্মাই। বৈঠকত অসমৰ মুখ্যমন্ত্ৰীৰ প্ৰধান সম্পাদক কে কে দ্বিবেদী আৰু নতুন দিল্লীৰ অসম ভৱনৰ আৱাসী আয়ুক্ত কবিতা পদ্মনাভন উপস্থিত থাকে। এই বৈঠক সন্দৰ্ভত চিএমঅ’ অসমে সামাজিক মাধ্যমত পোষ্ট কৰি কয় যে, ” মুখ্যমন্ত্ৰী ড° হিমন্ত বিশ্ব শৰ্মাই আজি মাননীয় কেন্দ্ৰীয় মন্ত্ৰী শ্ৰীনীতিন গাডকাৰীৰ সৈতে নতুন দিল্লীত এক সৌজন্যমূলক সাক্ষাতত মিলিত হয়।”

লগতে লিখিছে, “এই সাক্ষাতৰ সময়ছোৱাত অসমত চলি থকা পথ আন্ত:গাঁথনিমূলক প্রকল্পসমূহৰ বিষয়ে আলোচনা কৰা হয় আৰু ৰাজ্যখনৰ সংযোগ আৰু উন্নয়নক অধিক গতিশীল কৰাৰ বিষয়সমূহত গুৰুত্ব দিয়া হয়।”
এই সন্দৰ্ভত সামাজিক মাধ্যমত শ্বেয়াৰ কৰা পোষ্টত মুখ্যমন্ত্ৰীয়ে লিখিছে, “কেন্দ্রীয় পথ পৰিবহণ মন্ত্ৰী শ্ৰীনীতিন গাডকাৰী ডাঙৰীয়াৰ সৈতে আজি সাক্ষাতত মিলিত হৈ যোৰহাট-মাজুলী দলঙৰ পুনৰ নিবিদা প্ৰস্তুত কৰাৰ মন্ত্ৰ্যালয়ৰ সিদ্ধান্তৰ বাবে ধন্যবাদ জ্ঞাপন কৰোঁ৷ লগতে যোৰহাট-ডিব্ৰুগড় ৰাষ্ট্ৰীয় ঘাইপথ অংশৰ অগ্ৰগতিৰ বিষয়ে বিশেষভাৱে আলোচনা কৰোঁ। চলিত পথ আন্ত:গাঁথনি উন্নয়নমূলক প্ৰকল্পসমূহক শীঘ্ৰে সম্পূৰ্ণ কৰি অসমৰ পথ যোগাযোগ ব্যৱস্থা অধিক সুদৃঢ় আৰু বিস্তৃত কৰাৰ দিশে একগোটে কাম কৰাৰ দায়বদ্ধতাই আজিৰ আলোচনাৰ প্ৰকাশ্যভাৱে মূল বিষয় আছিল।”

ইফালে নতুন দিল্লীত অনুষ্ঠিত হোৱা নিটি আয়োগৰ দশম শাসক পৰিষদৰ বৈঠকত ‘’Viksit Rajya for Viksit Bharat @2047 ’ বিষয়ত  ভাষণ দি মুখ্যমন্ত্ৰী শৰ্মাই কয়, “বিকশিত অসমৰ সাধনা আমাৰ জনসাধাৰণৰ এক দীৰ্ঘদিনীয়া আকাংক্ষা । প্ৰধানমন্ত্ৰীৰ বিকশিত ভাৰতৰ দৃষ্টিভংগীয়ে সেই আকাংক্ষাক বাস্তৱলৈ ৰূপান্তৰিত কৰাৰ লগতে এখন সমৃদ্ধিশালী অসমৰ চহকী উত্তৰাধিকাৰীক পুনৰ উদ্ধাৰ আৰু সজীৱ কৰাৰ এক সুযোগ প্ৰদান কৰিছে।”

অধিনায়ক হৈয়ে গিলে কৰিল নেকি স্বজন-তোষণ! এনে কাৰণত হৈছে চৰ্চা…
ক্ৰিকেট কেৰিয়াৰৰ লগতে অৰ্থনৈতিক দিশতো দ্ৰুত বিকাশ গিলৰ, আছে ইমান টকাৰ সম্পত্তি
আপোনাৰো নিশা ভালকৈ টোপনি নাহে নেকি? তেন্তে কৰক এই কাম...
উজ্বল আৰু ধুনীয়া ছালৰ বাবে এনেকৈ ব্যৱহাৰ কৰক বিলাহী...