ইংলেণ্ডমুখী ভাৰতীয় দলত আই পি এলৰ বিশেষ ভূমিকা!

আগন্তুক ইংলেণ্ড ভ্ৰমণৰ টেষ্ট শৃংখলাৰ বাবে শনিবাৰে ঘোষণা কৰা হৈছে ভাৰতীয় দল। এই শৃংখলাত প্ৰথমবাৰৰ বাবে ভাৰতীয় টেষ্ট দলক নেতৃত্ব দিব শুভমন গিলে।

আই পি এল ২০২৫ৰ মাজতে এই দলটো ঘোষণা কৰা হৈছে আৰু দলটোত নিৰ্বাচিত হোৱা প্ৰায় সকলো খেলুৱৈয়েই বিভিন্ন ফ্ৰেঞ্চাইজিৰ অংশ।

অভিমন্যু ইশ্বৰনৰ বাহিৰে ঘোষিত দলটোৰ বাকী ১৭ জন খেলুৱৈ আই পি এল দলৰ সদস্য। পিছে কোন দলৰ সৰ্বাধিক খেলুৱৈয়ে সুযোগ পাইছে ভাৰতীয় দলত?

টেষ্ট দলৰ নৱনিৰ্বাচিত অধিনায়ক শুভমন গিলৰ দল গুজৰাট টাইটানছ এইক্ষেত্ৰত শীৰ্ষত আছে। দলটোৰ ৫ জন খেলুৱৈ ভাৰতীয় দলৰ অংশ।

আনহাতে দিল্লী কেপিটেলছৰ কে এল ৰাহুল, কৰুণ নায়াৰ, কুলদীপ যাদৱ আৰু লক্ষ্ণৌ চুপাৰ জায়েণ্টছৰ ঋষভ পণ্ট, আকাশ দীপ, শ্বাৰ্দুল ঠাকুৰে সুযোগ পাইছে দলত।

একেদৰে ৰাজস্থান ৰয়েলছৰ ২ জন, মুম্বাই ইণ্ডিয়ানছ, পঞ্জাৱ কিংছ, চেন্নাই ছুপাৰ কিংছ আৰু ছানৰাইজাৰ্ছ হায়দৰাবাদৰ ১ জনকৈ খেলুৱৈ আছে এই দলত।