Fortress on Wheels: বিমানত উঠিবলৈ ভয় কৰে নেকি উত্তৰ কোৰিয়াৰ প্ৰতাপী শাসক কিম জং উনে?

বিমানত উঠিবলৈ ভয় কৰে নেকি কিম জং উনে?

বিমান নহয়, উত্তৰ কোৰিয়াৰ নেতা কিম জং উনে বিদেশ ভ্ৰমণত ৰে’ল ব্যৱহাৰ কৰে। বহুতে ভাবে যে তেওঁ হয়তো বিমানত ভয় কৰে, যাৰ ৰে’লযোগে যাত্ৰা কৰাটো পছন্দ কৰে। কিন্তু কিমৰ এই ৰে’লত যোৱাৰ প্ৰকৃত কাৰণ হ’ল নিৰাপত্তা, ঐতিহ্য আৰু বিলাসিতা।

কিমৰ এই বিশেষ ৰে’লখনৰ নাম ‘দ্য ছান ট্ৰেইন’। এইখন কোনো সাধাৰণ ৰে’ল নহয়। ক’ব পাৰি যে ই এক চলন্ত দুৰ্গ। ইয়াৰ ডবাবোৰ বুলেটপ্ৰুফ, য’ত ইয়াত গধুৰ অস্ত্ৰও আছে। নিৰাপত্তাৰ বাবে ৰে’লৰ গতিবেগ প্ৰতি ঘণ্টাত মাত্ৰ ৬০ কিলোমিটাৰ। নিৰাপত্তাৰ উপৰিও ই কিমৰ মোবাইল অফিচ আৰু ৰাজপ্ৰসাদ।

কিম জং উনৰ পিতৃ কিম জং ইলে এই ৰে’লখন ব্যৱহাৰৰ আৰম্ভ কৰিছিল। কোৱা হয় যে তেওঁ উৰাজাহাজত উঠিবলৈ ভয় কৰিছিল। যদিও কিম জং উনে উৰাজাহাজত উঠিবলৈ ভয় নকৰে, তথাপিও ৰাছিয়া বা চীনৰ দৰে গুৰুত্বপূৰ্ণ দেশ ভ্ৰমণত এই ৰে’লত উঠি যাবলৈ পছন্দ কৰে। আনহাতে এই ৰে’লখনো কিম বংশৰ শাসনৰ পৰম্পৰাৰ প্ৰতীক।

এই ৰে’লৰ ভিতৰত বিলাসী ব্যৱস্থা আছে বুলি কোৱা হয়। ফৰাচী ৱাইনৰ পৰা আৰম্ভ কৰি বিভিন্ন দেশৰ শ্ৰেষ্ঠ খাদ্য পৰিবেশন কৰা হয়। আনকি এই ৰে’লখনত কিমৰ নিজা বুলেটপ্ৰুফ লিমুজিন যেনে মাৰ্চিডিজ বা পুটিনে উপহাৰ দিয়া অ’ৰা চেনেট কঢ়িয়াই নিবলৈও সুকীয়া ঠাই আছে।

আচলতে এই ৰে’লখন কিমৰ ক্ষমতা, গোপনীয়তা আৰু বিশ্বৰ মঞ্চত নিজকে শক্তিশালী হিচাপে আগুৱাই যোৱাৰ প্ৰতীক।