বতাহত উৰিছে টকা, সুখৰ সীমা নাই জনতাৰ… কিন্তু ক’ত?

বতাহত উৰিছে টকা, সুখৰ সীমা নাই জনতাৰ

আমেৰিকাৰ ডেট্ৰাইটত চহৰত এজন ব্যক্তিৰ অন্ত্যেষ্টিক্ৰিয়াৰ সময়ত হঠাতে হেলিকপ্টাৰ এখনৰ পৰা টকাৰ বৰষুণ হ’বলৈ ধৰিলে। ইয়াত প্ৰায় ৫ হাজাৰ ডলাৰ বৰষুণ হৈছিল যিটো ভাৰতীয় মুদ্ৰাত প্ৰায় ৪ লাখ ৩০ হাজাৰ টকা। এই টকা নিবলৈ দৌৰি আহি সকলো। হঠাতে টকা পাই আনন্দত আত্মহাৰা সকলো।

আপুনি হয়তো চিনেমাত আকাশৰ পৰা ধনৰ বৰষুণ হোৱা দেখিছে, যদি সঁচাকৈ তেনে হয় আপোনাৰ বাৰু কেনেকুৱা লাগিব? কিন্তু তেনেই এক ঘটনা পোহৰলৈ আহিছে। আমেৰিকাৰ ডেট্ৰাইটৰ গ্ৰেটিঅ’ট এভিনিউ কান’ৰ ৰাস্তাত ঘটিছিল। আচলতে তাত গাড়ী ধোৱা কোম্পানীৰ মালিক ডেৰেল থমাছক অন্তিম বিদায় দিয়া হৈছিল। তেওঁৰ মৃত্যুত শোক প্ৰকাশ কৰিবলৈ বহু লোক একগোট হৈছিল। সেই সময়ত হঠাৎ হেলিকপ্টাৰ এখনৰ পৰা গোলাপৰ পাহিৰ সৈতে নোটৰ বৰষুণ হ’বলৈ ধৰিলে।

৪.৩০ লাখ টকাৰ বৰষুণ

ডেৰেল থমাছৰ বয়স আছিল ৫৮ বছৰ আৰু তেওঁ এটা গাড়ী ধোৱা কোম্পানী চলাইছিল। তেওঁৰ মৃত্যুৰ কাৰণ আছিল এলঝেইমাৰ। মৃত্যুৰ আগতে তেওঁ ইচ্ছা প্ৰকাশ কৰিছিল যে যেতিয়া তেওঁৰ অন্ত্যেষ্টিক্ৰিয়া হ’ব তেতিয়া আকাশৰ পৰা ধনৰ বৰষুণ কৰিব লাগিব। গতিকে, তেওঁৰ অন্ত্যেষ্টিক্ৰিয়াৰ সময়ত হেলিকপ্টাৰ এখনৰ পৰা নগদ ধন পেলাই দিয়া হৈছিল। ইয়াৰ পৰিমাণ প্ৰায় ৫ হাজাৰ ডলাৰ বুলি কোৱা হৈছে, যিটো ভাৰতীয় টকাত প্ৰায় ৪ লাখ ৩০ হাজাৰ টকা।