২০২৬ত ৰাহুৰ অৱস্থানে ভাগ্য সলনি কৰিব এই ৩ ৰাশিৰ, দূৰ হ’ব আৰ্থিক সমস্যা

প্ৰতিনিধিত্বমূলক ছবি

নতুন বৰ্ষ ২০২৬ক লৈ জ্যোতিষীসকলে নানা ভৱিষ্যদ্বাণী কৰিছে। বৈদিক জ্যোতিষ শাস্ত্ৰ অনুসৰি, ৰাহু হ’ল ৰহস্য, পৰিৱৰ্তন আৰু আকস্মিক লাভৰ কাৰক গ্ৰহ। ২০২৬ বৰ্ষত ৰাহুৰ গতি অত্যন্ত গুৰুত্বপূৰ্ণ হ’ব, কাৰণ এই সময়ছোৱাত ৰাহুৱে নিজৰ নক্ষত্ৰ শতভিষাত অৱস্থান কৰিব। ২০২৬ চনৰ আৰম্ভণিৰ পৰা ২ আগষ্ট ২০২৬লৈ ৰাহু এই নক্ষত্ৰতে থাকিব। যিহেতু শতভিষা ৰাহুৰ নিজা নক্ষত্ৰ, সেয়েহে এই সময়ত ৰাহুৰ শক্তি বহুগুণে বৃদ্ধি পাব। ৰাহুৰ এই অৱস্থানৰ ফলত কেইটামান ৰাশিয়ে যথেষ্ট লাভৰ মুখ দেখিব।

জ্যোতিষীসকলে উল্লেখ কৰা মতে নিজ নক্ষত্ৰত ৰাহুৰ অৱস্থানৰ দ্বাৰা তিনিটা ৰাশিৰ লোকসকল বিশেষভাৱে লাভান্বিত হ’ব। আৰ্থিক আৰু কেৰিয়াৰৰ দিশত এই তিনি ৰাশিৰ লোকসকলে যথেষ্ট সফলতা লাভ কৰিব। জানো আহক এই সৌভাগ্যশালী ৰাশি ৩টাৰ বিষয়ে-

তুলা ৰাশি

তুলা ৰাশিৰ বাবে ৰাহুৰ এই অৱস্থান বিশেষভাৱে ফলদায়ক হ’ব। ভাগ্যৰ পূৰ্ণ সহযোগিতা লাভ কৰিব, যাৰ ফলত ব্যক্তিত্ব অধিক শক্তিশালী হ’ব। শিক্ষাৰ্থীসকলে প্ৰতিযোগিতামূলক পৰীক্ষাত সুফল লাভ কৰিব। পূৰ্বৰ বিনিয়োগৰ পৰা লাভ হোৱাৰ সম্ভাৱনা আছে। সমাজত সন্মান বৃদ্ধি পাব আৰু দীৰ্ঘদিন ধৰি কৰি থকা পৰিশ্ৰমৰ ফল পাবলৈ আৰম্ভ কৰিব।

মকৰ ৰাশি

মকৰ ৰাশিৰ জাতকসকলৰ কেৰিয়াৰ আৰু সামাজিক জীৱনত এই গতিয়ে ইতিবাচক পৰিৱৰ্তন আনিব। ৰাহুৰ কৃপাত আপুনি হঠাতে মান-সন্মান আৰু সমাজত এক নতুন পৰিচয় লাভ কৰিবলৈ সক্ষম হ’ব। চাকৰিয়ালসকলৰ পদোন্নতি বা নতুন দায়িত্ব লাভৰ সম্ভাৱনা আছে। ৰাজনীতি, প্ৰযুক্তি, মিডিয়া আৰু গৱেষণাৰ সৈতে জড়িত লোকসকলৰ বাবে এই সময়ছোৱা বৰদান স্বৰূপ।

মীন ৰাশি

মীন ৰাশিৰ জাতকসকলৰ বাবে ৰাহুৰ এই অৱস্থান অতি শুভ হ’ব। আমদানি-ৰপ্তানি আৰু অনলাইন ব্যৱসায়ত বিশেষ উন্নতি হ’ব। হঠাতে ধন লাভৰ যোগ আছে। যিসকলে বিদেশলৈ যোৱাৰ পৰিকল্পনা কৰিছে, তেওঁলোকে সফলতাৰ মুখ দেখিব। খৰচ বৃদ্ধি পালেও আয়ৰ উৎস বৃদ্ধি পোৱাৰ ফলত আৰ্থিক ভাৰসাম্য অটুট থাকিব।