৭ ছেপ্টেম্বৰত বিৰল চন্দ্ৰগ্ৰহণ! ভাৰতত কেতিয়া দৃশ্যমান হ’ব?

২০২৫ চনৰ দ্বিতীয়টো চন্দ্ৰগ্ৰহণ ৭ ছেপ্টেম্বৰ দেওবাৰে হ’ব।এয়া হ’ব সম্পূৰ্ণ চন্দ্ৰগ্ৰহণ। এই চন্দ্ৰগ্ৰহণ ভাদ মাহৰ শুক্ল পূৰ্ণিমাৰ দিনা হব। এই চন্দ্ৰগ্ৰহণৰ সময়ত চন্দ্ৰটো পৃথিৱীৰ ছাঁত সম্পূৰ্ণৰূপে লুকাই থাকিব। এই সময়ত যেতিয়া সূৰ্যৰ পোহৰ পৃথিৱীৰ বায়ুমণ্ডলৰ লগত সংঘৰ্ষ হৈ চন্দ্ৰৰ ওপৰত পৰে তেতিয়া চন্দ্ৰৰ সেই অংশটোহে জিলিকি উঠে। ইয়াৰ কাৰণে চন্দ্ৰ ৰঙা দেখা যায়, যাক ব্লাড মুন বোলা হয়।

হিন্দু ধৰ্মত গ্ৰহণ কেৱল জ্যোতিৰ্বিজ্ঞানৰ পৰিঘটনা নহয়, ধৰ্মীয় আৰু আধ্যাত্মিক দৃষ্টিকোণৰ পৰা ইয়াক অত্যন্ত গুৰুত্বপূৰ্ণ বুলি গণ্য কৰা হয়। যেতিয়াই চন্দ্ৰগ্ৰহণ হয় তেতিয়াই তাৰ লগত সুতকৰ এটা সময়ো জড়িত হৈ থাকে। এই সময়ছোৱাত পূজাৰ পৰা খাদ্যলৈকে বহুতো নিয়ম কঠোৰ হৈ পৰে। বিশেষকৈ খাদ্য সামগ্ৰীত বিশেষ সাৱধানতা অৱলম্বন কৰাৰ পৰম্পৰা আছে। বিশ্বাস কৰা হয় যে এনে কৰিলে গ্ৰহণকালৰ ঋণাত্মক শক্তি আৰু অণুজীৱই খাদ্যৰ ওপৰত কোনো প্ৰভাৱ নপৰে।

ভাৰতত গ্ৰহণৰ সময়

২০২৫ চনৰ সম্পূৰ্ণ চন্দ্ৰগ্ৰহণ ভাৰতত দেখা পোৱা যায়। নতুন দিল্লীৰ সময় অনুসৰি নিশা ৯:৫৮ বজাৰ পৰা আৰম্ভ হ’ব আৰু ৭-৮ ছেপ্টেম্বৰৰ মাজনিশা নিশা ১:২৬ বজাত চন্দ্ৰগ্ৰহণৰ অন্ত পৰিব। ভাৰতত সূৰ্যগ্ৰহণৰ মুঠ সময় ৩ ঘন্টা ২৮ মিনিট ২ ছেকেণ্ড।আংশিক গ্ৰহণৰ সময়সীমা – ০৩ ঘন্টা ২৮ মিনিট ০২ ছেকেণ্ড।

পৃথিৱীত ক’ত দেখা যাব?

অহা ৭ ছেপ্টেম্বৰত হ’বলগীয়া এই চন্দ্ৰগ্ৰহণ এছিয়া, পূব আফ্ৰিকা, অষ্ট্ৰেলিয়া আৰু ইউৰোপৰ বেছিভাগ অঞ্চলৰ পৰা দেখা পোৱা যাব। লগতে ছিংগাপুৰ, ছিডনী, মেলবৰ্ণ, ডুবাই, লণ্ডন, টকিঅ’ আৰু কেপ টাউন কিছুমান জনপ্ৰিয় চহৰ য’ত সম্পূৰ্ণ চন্দ্ৰগ্ৰহণ দেখা যাব। উত্তৰ আমেৰিকা আৰু দক্ষিণ আমেৰিকাৰ বেছিভাগ ঠাইৰ পৰা এই চন্দ্ৰগ্ৰহণ দেখা নাযায়।

ভাৰতত ক’ত দেখা যাব চন্দ্ৰগ্ৰহণ?

নতুন দিল্লী, মুম্বাই, কলকাতা, চেন্নাই, বেংগালুৰু, হায়দৰাবাদ, আহমেদাবাদ, জয়পুৰ, লক্ষ্ণৌত চন্দ্ৰগ্ৰহণ দেখা যাব।

লগতে পঢ়ক: দুৰ্লভ সংযোগ, শনি দেৱৰ কৃপাত এই ৪ ৰাশিৰ জিলিকি উঠিব ভাগ্য!

(অস্বীকাৰ: এই বাতৰিত দিয়া তথ্যসমূহ ধৰ্মীয় বিশ্বাস আৰু সাধাৰণ তথ্যৰ ওপৰত ভিত্তি কৰি কৰা হৈছে। TV9 অসমে এই কথা নিশ্চিত কৰা নাই।)