অধিক দামী হ’ব IPL ৰ টিকট! ১০০০ টকাৰ সলনি ভৰিব লাগিব ১৪০০ টকা…
আই পি এলত ৪০ শতাংশ জি এছ টি আৰোপ কৰিছে কেন্দ্ৰই। ইয়াৰ পাছতে এতিয়া দাম বৃদ্ধি হ'ব আই পি এল মেচৰ টিকটৰ। পূৰ্বতকৈ অধিক মূল্য ভৰিব লাগিব অনুৰাগীয়ে।
আই পি এল প্ৰেমীৰ বাবে দুখবৰ। যদি আপুনি আই পি এলৰ খেল উপভোগ কৰি ভাল পাই বা অনুৰাগী তেন্তে এই খবৰ আপোনাৰ বাবে হ’ব পাৰে বেয়া। কিয়নো শেহতীয়াকৈ চৰকাৰে আই পি এলৰ টিকটৰ ক্ষেত্ৰত ডাঙৰ সিদ্ধান্ত গ্ৰহণ কৰিছে। যাৰ পাছতে এতিয়া আপুনি আই পি এলৰ খেল উপভোগ কৰিবলৈ অধিক ধন খৰচ কৰিব লাগিব। আগন্তুক সময়ত অধিক দামী হ’ব আই পি এলৰ টিকট।
শেহতীয়াকৈ অনুষ্ঠিত হোৱা জি এছ টি পৰিষদৰ বৈঠকত এই সিদ্ধান্ত গ্ৰহণ কৰে কেন্দ্ৰই। তথ্য অনুসৰি আই পি এলৰ টিকটত এতিয়ালৈকে আছিল ২৮ শতাংশ জি এছ টি। কিন্তু এতিয়া ইয়াৰ পৰিমাণ ৪০ শতাংশলৈ বৃদ্ধি কৰা হৈছে। অৰ্থাৎ যদি আই পি এল টিকটৰ প্ৰাৰম্ভিক মূল্য ১০০০ টকা হয় তেন্তে এতিয়াৰ জি এছ টিৰ হিচাপত আপুনি দিব লাগিব ১২০০ টকা। কিন্তু নতুনকৈ ঘোষণা কৰা জি এছ টি অনুসৰি ইয়াৰ মূল্য হ’ব ১৪০০ টকা।
Latest Videos
মুম্বাইত বিস্ফোৰণৰ ভাবুকিৰ পৰা কংগ্ৰেছৰ বৈঠকলৈ দিনটোৰ শীৰ্ষ খবৰ
বিটিছিত কংগ্ৰেছৰ অস্তিত্ব আছেনে? কি কয় দুই বিধায়কে?
জয়-বীৰু নহয়, এইবাৰ ‘গব্বৰ’ৰ সমুখত ইডিৰ বিপদ! এই গোচৰত কৰিলে তলব
ট্ৰাম্পক গুৰুত্ব নিদিয়াকৈ ৰাছিয়াৰ পৰা তেল ক্ৰয় কৰিছে ভাৰতে
