Zubeen garg: চকু মেলা, সাৰ পোৱা...জুবিনক শেষবাৰৰ বাবে চাবলৈ সৰুসজাইত লাখ লাখ অনুৰাগী... | Zubeen garg tribute ceremony at sarusajai see all photo details in assamese Assam news - Assam Tv9

Zubeen garg: চকু মেলা, সাৰ পোৱা…জুবিনক শেষবাৰৰ বাবে চাবলৈ সৰুসজাইত লাখ লাখ অনুৰাগী…

Published: 

21 Sep 2025 19:45 PM

Zubeen garg death: সকলোফালে এতিয়া এটাই চৰ্চা, মৰমৰ জুবিন আৰু নাই। জুবিনক হেৰুৱাই ভাগৰি পৰিছে লাখ লাখ অনুৰাগী। অসমীয়াই দেখিছে আচৰিত দৃশ্য। যি দৃশ্য বহু বছৰলৈ নেদেখিব অসমে।

1 / 5ছিংগাপুৰৰ পৰা নিথৰ হৈ উভতিল সকলোৰে মৰমৰ জুবিন গাৰ্গ। ২১ ছেপ্টেম্বৰৰ পুৱা গুৱাহাটীত উপস্থিত হয় জুবিন গাৰ্গৰ পাৰ্থৱ শৰীৰ। তাৰ পাছতে জুবিনৰ মৃতদেহ প্ৰথমে কাহিলীপাৰাৰ বাসগৃহলৈ আৰু পাছত সৰুসজালৈ লৈ যোৱা হয়।

ছিংগাপুৰৰ পৰা নিথৰ হৈ উভতিল সকলোৰে মৰমৰ জুবিন গাৰ্গ। ২১ ছেপ্টেম্বৰৰ পুৱা গুৱাহাটীত উপস্থিত হয় জুবিন গাৰ্গৰ পাৰ্থৱ শৰীৰ। তাৰ পাছতে জুবিনৰ মৃতদেহ প্ৰথমে কাহিলীপাৰাৰ বাসগৃহলৈ আৰু পাছত সৰুসজালৈ লৈ যোৱা হয়।

2 / 5

জুবিনক চাবলৈ লাখ লাখ অনুৰাগীয়ে ভিৰ কৰিছে সৰুসজাই। বহুতে কালিৰ পৰা বহুতে আজি পুৱাৰ পৰা ৰৈ আছে হেঁপাহৰ শিল্পী জুবিন গাৰ্গৰ শেষ দৰ্শনৰ বাবে। লাখ লাখ অনুৰাগীয়ে অশ্ৰুসিক্ত নয়নেৰে শ্ৰদ্ধাঞ্জলি জ্ঞাপন কৰিছে জুবিন গাৰ্গক।

3 / 5

দেওবাৰে ওৰে ৰাতি জুবিনক শ্ৰদ্ধাঞ্জলি জ্ঞাপন কৰিব পাৰিব ৰাইজে। কাইলৈৰ দিনটোতো জুবিনৰ নশ্বৰ দেহ ৰখা হ'ব সৰুসজাইত। উল্লেখ্য যে, আজি প্ৰায় ৮-৯ লাখ লোকে গুৱাহাটীত ভিৰ কৰে। অসমৰ বিভিন্ন প্ৰান্তৰ পৰা এই লোকসকল আহি ভিৰ কৰিছে গুৱাহাটী। সকলোৰে এটাই লক্ষ্য, ওচৰৰ পৰা জুবিনক শেষ শ্ৰদ্ধা জনোৱা।

4 / 5

জুবিনক হেৰুৱাই আজি সমগ্ৰ অসমে কান্দিছে। জুবিনৰ ইচ্ছা অনুসৰি আজি সমগ্ৰ অসমীয়াই গাইছে মায়াবিনী ৰাতিৰ বুকুত। সৰুসজাইত বহু অনুৰাগী কান্দি কান্দি ঢলি পৰিছে। বহুতক হাস্পাতালত ভৰ্তি কৰোৱা হৈছে। দিন-নিশা একাকাৰ কৰি সকলোৱে অপেক্ষা কৰিছে। পাহৰি গৈছে ভোক-পিয়াহ।

5 / 5

অসমৰ এই দৃশ্যই সমগ্ৰ বিশ্বৰ যেন দৃষ্টি কাঢ়িছে। কেৱল ৰাজ্যতেই নহয়, দেশৰ বিভিন্ন প্ৰান্তত আজি চলিছে জুবিনক লৈ আলোচনা। জুবিনৰ প্ৰতি অসমৰ মানুহৰ প্ৰেম, শ্ৰদ্ধা দেখি তবধ মানিছে সকলোয়ে। জুবিনে যেন দেখুৱাই থৈ গ'ল তেওঁৰ প্ৰাপ্তি। জুবিনৰ প্ৰাপ্তি এই মানুহখিনি, জুবিনৰ প্ৰান্তি এই লাখ লাখ মানুহৰ হৃদয়।

যকৃত সুস্থ ৰাখিবলৈ খাওক এইসমূহ খাদ্য! জনালে চিকিৎসকে...
প্ৰস্ৰাৱৰ লগত তেজ ওলোৱাটো কি ৰোগৰ লক্ষণ? জানক...
ৰাতি ফল খোৱাটো উচিত নে? জানক চিকিৎসকৰ পৰা...
নৰসিংহৰ পাতে উজ্জ্বল কৰিব আপোনাৰ ছাল, জানক কিদৰে কৰিব ব্যৱহাৰ