19 Sep 2025 | 08:06 PM
জুবিনৰ সুৰীয়া যাত্ৰা ছিংগাপুৰত অন্ত পৰে। জুবিনৰ গায়নশৈলী তথা পৰিৱেশনশৈলীয়ে সকলোকে মুগ্ধ কৰিছিল ।বৃহস্পতিবাৰে শেষৰ বাবে সংগীত পৰিৱেশন কৰে জুবিনে। জুবিন গাৰ্গৰ মৃত্যু অসমৰ সাংস্কৃতিক জগতৰ বাবে অপূৰণীয় ক্ষতি ৷
জুবিন গাৰ্গৰ মৃত্যুৰ পিছতে কান্দোনত ভাগি পৰিছে পত্নী গৰিমা শইকীয়া গাৰ্গৰ লগতে অনুৰাগীসকল। কোটি অনুৰাগীক কন্দুৱাই সাগৰৰ তলিতে হেৰাই গ'ল হাৰ্টথ্ৰ'ব জুবিন গাৰ্গ।
কাইলৈ অসমলৈ অনা হ'ব জুবিন গাৰ্গৰ নশ্বৰ দেহ। ৰাজহুৱাভাৱে কাইলৈ জুবিনক অন্তিম শ্ৰদ্ধাঞ্জলি জনাব অজস্ৰ জ্ঞানমুগ্ধই। চাৰি দশক ধৰি সংগীত জগতক মোহাচ্ছন্ন কৰি ৰাখিছিল জুবিন গাৰ্গে।
জুবিনৰ মৃত্যুৰ পিছত সামাজিক মাধ্যমত ভাইৰেল হৈ আছে এটা বিশেষ ভিডিঅ'। য'ত জুবিনে কৈছিল মোৰ মৃত্যু হলে 'মায়াবিনী ৰাতিৰ বুকু' গীতটো সকলোৱে বজাব।
২০১৯ চনতে জুবিন গাৰ্গে কৈছিল মই মৰিলে সকলোৱে গাব মায়াবিনী ৰাতিৰ বুকুত... এতিয়া প্ৰতিজন অনুৰাগীয়ে এই ভিডিঅটো শ্বেয়াৰ কৰিছে আৰু শোক প্ৰকাশ কৰিছে।
