Assamese News Photo Gallery > former aasu leader sankarjyoti baruah saya ihe will not join BJP today see in details

আজি বিজেপিত যোগদান কৰিব নেকি শংকৰজ্যোতি বৰুৱাই? নিজেই জনালো সকলো…

Published:

29 Aug 2025 08:04 AM

বৰ্তমান অসমত আছে কেন্দ্ৰীয় গৃহমন্ত্ৰী অমিত শ্বাহ। এনে অৱস্থাত বহুতে দাবী কৰিছে যে শ্বাহৰ উপস্থিতিত বিজেপিত যোগদান কৰিব পাৰে প্ৰাক্তন আছু নেতা শংকৰজ্যোতি বৰুৱাই।

বিজেপিত যোগদান কৰিব নেকি সদৌ অসম ছাত্ৰ সন্থাৰ প্ৰাক্তন সাধাৰণ সম্পাদক শংকৰজ্যোতি বৰুৱাই? বিগত কেইটামান দিনৰ পৰা এই প্ৰশ্নসমূহ মানুহৰ মাজত উত্থাপন হৈ আহিছে। বহুতে দাবী কৰিছে যে, আছু ত্যাগ কৰাৰ পাছতে বৰুৱাই বিজেপিত যোগদানৰ পৰিকল্পনা কৰিছে।

2 / 5

ইয়াৰ মাজতে খবৰ ওলাইছে যে আজি বিজেপিত যোগদান কৰিব শংকৰজ্যোতি বৰুৱাই। কেন্দ্ৰীয় গৃহমন্ত্ৰী অমিত শ্বাহৰ উপস্থিতিত হ'ব পাৰে এই যোগদান কাৰ্যসূচী। পিছে এই দাবী কিমান সঁচা?

3 / 5

ৰাজ্যত এই সন্দৰ্ভত চলি থকা চৰ্চাৰ মাজতে স্পষ্টীকৰণ দিছে শংকৰজ্যোতি বৰুৱাই। তেওঁ জনাইছে যে আজি তেওঁ বিজেপিত যোগদান নকৰে বা ইয়াৰ কোনো পৰিকল্পনা নাই। এই বিষয়ে অৱগত নহয় বুলি জনাই তেওঁ।

4 / 5

সামাজিক মাধ্যমত বৰুৱাই লিখে যে- "কিছু সময়ৰ আগতে দুই-এটা সংবাদ মাধ্যমত বাতৰি প্ৰচাৰ হোৱা পৰিলক্ষিত হৈছে যে মই কালিলৈ বিজেপিত যোগদান কৰিম। এই বিষয়ে মই একেবাৰে অবগত নহয় আৰু কালিলৈ যোগদান কৰাৰ কোনো পৰিকল্পনা নাই"।

5 / 5

উল্লেখ্য যে, দীৰ্ঘদিন ধৰি অভিযোগ উত্থাপন হৈছে যে বিজেপিৰ সৈতে কথা-বতৰা চলি আছে শংকৰজ্যোতি বৰুৱাৰ। তেনেক্ষেত্ৰত বহুতে দাবী কৰিছে যে মুখ্যমন্ত্ৰী হিমন্ত বিশ্ব শৰ্মাৰ সেউজ সংকেত লাভৰ পাছতে তেওঁ দলটোত যোগদান কৰিব পাৰে। অৱশ্যে এয়া জল্পনা-কল্পনা মাত্ৰ। ভৱিষ্যতে শংকৰজ্যোতিয়ে কি সিদ্ধান্ত লয় সেয়া হ'ব লক্ষণীয়।

অসম বিজেপি ৰাজনীতি