শীতকালত দেখা দিয়া উচ্চ ৰক্তচাপৰ প্ৰাৰম্ভিক লক্ষণবোৰ কি কি? নিয়ন্ত্ৰণৰ উপায় জানক
শীতকালত উচ্চ ৰক্তচাপৰ লক্ষণ চিনাক্ত কৰাটো অতি প্ৰয়োজন, যাতে হাৰ্ট এটেক, ষ্ট্ৰোক, বৃক্কৰ সমস্যাৰ দৰে জটিলতাৰ পৰা হাত সাৰিব পাৰি। ইয়াৰ লক্ষণবোৰ জানক।
বেয়া খাদ্যাভ্যাস আৰু জীৱনশৈলীৰ বাবে বৰ্তমান মানুহৰ মাজত উচ্চ ৰক্তচাপৰ সমস্যা বৃদ্ধি পাবলৈ ধৰিছে। শীতকালত উচ্চ ৰক্তচাপ থকা ব্যক্তিৰ বাবে এক বিশেষ সমস্যাৰ সৃষ্টি হয়। শীতকালত কেৱল ঠাণ্ডা অনুভৱ কৰাই নহয়, শৰীৰত বহু দিশত ইয়াৰ প্ৰভাৱ পৰে। শীতকালত ৰক্তবাহী নলীবোৰ টান হৈ পৰে, যাৰ ফলত ৰক্তচাপৰ মাত্ৰা বৃদ্ধি পায় আৰু হৃদযন্ত্ৰৰ ওপৰত অতিৰিক্ত চাপ বৃদ্ধি পায়। শীতকালত উচ্চ ৰক্তচাপৰ লক্ষণ চিনাক্ত কৰাটো অতি প্ৰয়োজন, যাতে হাৰ্ট এটেক, ষ্ট্ৰোক, বৃক্কৰ সমস্যাৰ দৰে জটিলতাৰ পৰা হাত সাৰিব পাৰি।
শীতকালত দেখা উচ্চ ৰক্তচাপৰ প্ৰাৰম্ভিক লক্ষণবোৰ
মূৰৰ বিষ আৰু মূৰ ঘূৰোৱা
উচ্চ ৰক্তচাপৰ এটা সাধাৰণ লক্ষণ হ’ল স্থায়ী মূৰৰ বিষ, বিশেষকৈ মূৰৰ পিছফাল এই বিষ অনুভৱ কৰিব পাৰে। অত্যধিক ঠাণ্ডাৰ ফলত হোৱা ৰক্তবাহী নলীৰ পৰিৱৰ্তনৰ ফলত মূৰ ঘূৰোৱা হয়, যাৰ ফলত ৰক্তচাপৰ উঠা-নমা হয়।
হাত ভৰি ঠাণ্ডা হোৱা
শীতকালত ৰক্তবাহী নলীলৈ তেজৰ যোগান কমি গ’লে হাত-ভৰি জিনজিনাব পাৰে। যদিও বেছিভাগ ব্যক্তিৰ ক্ষেত্ৰত এইটো সাধাৰণ কথা, তথাপিও ই ৰক্তচাপ বৃদ্ধিৰ লক্ষণ হ’ব পাৰে।
উশাহ লোৱাত কষ্ট পোৱা
উচ্চ ৰক্তচাপে হৃদযন্ত্ৰৰ ওপৰত চাপ বৃদ্ধি কৰে, যাৰ ফলত তেজ ফলপ্ৰসূভাৱে চলাচল কৰাত অসুবিধা হয়। বিশেষকৈ শীতকালত ঠাণ্ডা বতাহে এই সমস্যা আৰু বৃদ্ধি কৰিব পাৰে, যাৰ ফলত উশাহ লোৱাত কষ্ট অনুভৱ হয়।
ভাগৰ
উষ্ণতা বা বতৰৰ অভাৱনীয় পৰিৱৰ্তনে উচ্চ ৰক্তচাপ থকা লোকৰ ভাগৰ বৃদ্ধি কৰিব পাৰে। মাজে মাজে ভাগৰুৱা হোৱাটো বেলেগ এটা কথা, কিন্তু দুৰ্বল অনুভৱ কৰাটো ঠাণ্ডাই আপোনাৰ হৃদযন্ত্ৰৰ ওপৰত অতিৰিক্ত চাপ বৃদ্ধি কৰাৰ লক্ষণ হ’ব পাৰে।
বুকুৰ বিষ বা ধপধপনি
বুকুৰ অভাৱনীয় বিষ বা হৃদস্পন্দনৰ অস্বাভাৱিকতা উচ্চ ৰক্তচাপৰ ফলত হোৱা জটিলতাৰ সতৰ্কবাণী হ’ব পাৰে। ঠাণ্ডা জলবায়ুৱে হৃদযন্ত্ৰৰ জটিলতাৰ সম্ভাৱনা বৃদ্ধি কৰে, গতিকে এই লক্ষণসমূহ ভালদৰে নিৰীক্ষণ কৰাটো গুৰুত্বপূৰ্ণ।
শীতকালত উচ্চ ৰক্তচাপ নিয়ন্ত্ৰণ কৰাৰ উপায়
এই সময়ছোৱাত যোগাসনৰ কৰি তেজৰ সোঁত বৃদ্ধি কৰিব পাৰে আৰু ৰক্তচাপ হ্ৰাস কৰিব পাৰে।
অত্যধিক নিমখ পৰিহাৰ কৰক আৰু ফল-মূল, শাক-পাচলি আৰু শস্য জাতীয় খাদ্য গ্ৰহণ কৰক।
এই সময়ছোৱাত গৰম সাজ-পোছাক পৰিধান কৰক আৰু বেছিকৈ ঠাণ্ডা অনুভৱ হ’বলৈ নিদিব।
মানসিক চাপৰ সৈতে মোকাবিলা কৰক। হতাশাই ৰক্তচাপ বৃদ্ধি কৰিব পাৰে। ধ্যান, গভীৰ উশাহ লোৱা প্ৰাণায়মৰ দ্বাৰা মানসিক চাপ নিয়ন্ত্ৰণ কৰিব পাৰে।
নিয়মিতভাৱে নিৰ্ধাৰিত ঔষধ ব্যৱহাৰ কৰক আৰু চিকিৎসকৰ সৈতে পৰামৰ্শ লওক। যদি আপুনি তীব্ৰ মূৰৰ বিষ, বুকুৰ বিষ, উশাহ-নিশাহৰ কষ্ট, দৃষ্টিশক্তিৰ পৰিৱৰ্তন, নাকৰ পৰা তেজ ওলোৱা অনুভৱ কৰে, তেন্তে লগে লগে চিকিৎসকৰ ওচৰলৈ যাওক।