শুই উঠাৰ পিছত ভাগৰুৱা অনুভৱ হয় নেকি? এয়া কি ৰোগৰ লক্ষণ জানক
টোপনিৰ সময়ত যেতিয়া বাৰে বাৰে উশাহ বন্ধ হৈ যায় তেতিয়া মগজুৱে বাৰে বাৰে সাৰ পায়, যিটো আমি উপলব্ধি নকৰো। ফলত সাৰ পোৱাৰ পিছতো ভাগৰ লাগি থাকে। কিন্তু কেতিয়াবা অন্য কাৰণো হ'ব পাৰে!
গোটেই নিশা টোপনি যোৱাৰ পিছতো বহুতে ৰাতিপুৱা ভাগৰুৱা শৰীৰ আৰু গধুৰ গধুৰ অনুভৱ কৰে। এইটো স্বাভাৱিক নেকি? শুই থকাৰ পিছতো ভাগৰুৱা অনুভৱ কৰাৰ মূল কাৰণ কি? চিকিৎসকে কি কয়?
বেয়া টোপনি
নেচনেল স্লিপ ফাউণ্ডেচনৰ তথ্য অনুসৰি প্ৰাপ্তবয়স্কৰ বাবে গভীৰ টোপনি অতি প্ৰয়োজনীয়। যদি আপুনি ঘণ্টাৰ পিছত ঘণ্টা শুই থাকে কিন্তু তথাপিও সঘনাই সাৰ পায় আৰু গভীৰ টোপনি নাহে, তেন্তে আপোনাৰ শৰীৰে সঠিকভাৱে ৰিচাৰ্জ হোৱা নাই। আপোনাৰ ফোনটো স্ক্ৰল কৰিলে, দেৰিলৈকে শুই থাকিলে, বা উজ্জ্বল লাইট আৰু শব্দ থকা কোঠাত শুলে এই সমস্যা আৰু বেছি বেয়া হয়।
টোপনিৰ এপনিয়া
টোপনিৰ সময়ত যেতিয়া বাৰে বাৰে উশাহ বন্ধ হৈ যায় তেতিয়া মগজুৱে বাৰে বাৰে সাৰ পায়, যিটো আমি উপলব্ধি নকৰো। ফলত ৰাতিপুৱা সাৰ পোৱাৰ পিছতো ভাগৰ লাগি থাকে। পৰামৰ্শদাতা পালমোন’লজিষ্ট ডাঃ সন্দীপ ঘোষৰ মতে, “বহুতে নাজানে যে তেওঁলোক স্লিপ এপনিয়াত আক্ৰান্ত হৈছে। নিয়মীয়াকৈ টোপনিৰ পিছতো ভাগৰুৱা অনুভৱ কৰাটো এটা প্ৰধান লক্ষণ।”
আইৰণৰ অভাৱ আৰু ৰক্তহীনতা
শৰীৰত হিম’গ্লবিন কম হ’লে অক্সিজেন পৰিবহণ সঠিকভাৱে নহয়। ফলত টোপনিৰ পাছতো শৰীৰ দুৰ্বল অনুভৱ হয়। টোপনি অহা।
থাইৰয়ডৰ সমস্যা
বিশেষকৈ হাইপ’থাইৰয়ডিজম হ’লে শৰীৰৰ বিপাকীয় ক্ৰিয়া লেহেমীয়া হয়, যাৰ ফলত অত্যধিক ভাগৰ আৰু টোপনি অহা হয়।
মানসিক চাপ আৰু হতাশা
নেচনেল ইনষ্টিটিউট অৱ মেন্টেল হেল্থৰ তথ্য অনুসৰি হতাশাই স্বাভাৱিক টোপনিৰ চক্ৰত ব্যাঘাত জন্মায়। এনে ক্ষেত্ৰত শুই থকাৰ সময়তো মগজুৱে জিৰণি নাপায়।