Blood Sugar: ঔষধ নোখোৱাকৈ নিয়ন্ত্ৰণত থাকিব ব্লাড চুগাৰ, এই টিপছ অনুসৰণ কৰক…
চিকিৎসকে কয় যে, বেছিভাগ মানুহেই ডায়েবেটিছৰ সমস্যাত ভুগিছে মূলতঃ অনিয়ন্ত্ৰিত জীৱনশৈলী বিশেষকৈ বেছিকৈ ফাষ্ট ফুড খোৱাৰ বাবে। কিন্তু আৰম্ভণিৰে পৰা অলপ সচেতন হ’লে ঔষধ নোখোৱাকৈয়ে চুগাৰৰ মাত্ৰা নিয়ন্ত্ৰণ কৰিব পাৰিব। কি কৰিব?
ব্লাড চুগাৰ
শেহতীয়াকৈ দেখা গৈছে যে যিকোনো বয়সৰ লোকৰ ব্লাড চুগাৰৰ সমস্যাই দেখা দিছে। চিকিৎসকে কয় যে, বেছিভাগ মানুহেই ডায়েবেটিছৰ সমস্যাত ভুগিছে মূলতঃ অনিয়ন্ত্ৰিত জীৱনশৈলী বিশেষকৈ বেছিকৈ ফাষ্ট ফুড খোৱাৰ বাবে। কিন্তু আৰম্ভণিৰে পৰা অলপ সচেতন হ’লে ঔষধ নোখোৱাকৈয়ে চুগাৰৰ মাত্ৰা নিয়ন্ত্ৰণ কৰিব পাৰিব। কি কৰিব?
চিকিৎসকৰ মতে, সঠিক খাদ্যাভ্যাস আৰু জীৱনশৈলী ব্লাড চুগাৰৰ মাত্ৰা নিয়ন্ত্ৰণৰ মূল চাবিকাঠি। নিয়মিত ব্যায়াম, স্বাস্থ্যসন্মত খাদ্য আৰু পৰ্যাপ্ত টোপনি – এই তিনিটা অভ্যাসে ডায়েবেটিছকে ধৰি বিভিন্ন জটিল ৰোগৰ সম্ভাৱনা হ্ৰাস কৰিব পাৰে।
ইয়াৰ উপৰিও ব্লাড চুগাৰ নিয়ন্ত্ৰণৰ বাবে প্ৰথমে খাদ্যত গুৰুত্ব দিব লাগে। শাক-পাচলি যেনে- বন্ধাকবি, পালেং, কেপচিকাম আৰু বিলাহী বেছিকৈ খাব লাগে। ইয়াত প্ৰচুৰ পৰিমাণে আঁহ আৰু কম কেলৰি থাকে। আনহাতে, চেনি আৰু প্ৰচেছড খাদ্য যেনে শীতল পানীয়, বগা ৰুটি, পাস্তা আৰু পেষ্ট্ৰি আদি যিমান পাৰি পৰিহাৰ কৰাটো বাঞ্ছনীয়। এই খাদ্যসমূহে তেজত শৰ্কৰাৰ মাত্ৰা সোনকালে বৃদ্ধি কৰে।
কম গ্লাইচেমিক ইনডেক্স (GI) সমৃদ্ধ খাদ্য—যেনে আপেল আৰু বাদাম—এইবোৰে লাহে লাহে চেনি নিৰ্গত কৰে, যাৰ ফলত তেজ সুস্থিৰ কৰি ৰখাত সহায় কৰে। স্বাস্থ্যকৰ চৰ্বি আৰু প্ৰটিনযুক্ত খাদ্য যেনে মাছ, বাদাম, অলিভ অইল আদিও তেজৰ চেনিৰ ভাৰসাম্য ৰক্ষা কৰাত ফলপ্ৰসূ।
ব্লাড চুগাৰ নিয়ন্ত্ৰণৰ বাবে নিয়মীয়াকৈ আহাৰ খোৱাটো অতি প্ৰয়োজনীয়। খাদ্য এৰি দিলে তেজৰ চেনিৰ উঠা-নমা বৃদ্ধি পাব পাৰে। ইয়াৰ উপৰিও পৰ্যাপ্ত পৰিমাণৰ পানী খোৱাটোও অতি প্ৰয়োজনীয়। যেতিয়া শৰীৰত ডিহাইড্ৰেচন হয় তেতিয়া তেজত গ্লুক’জৰ পৰিমাণ বৃদ্ধি পায়, গতিকে বিশেষজ্ঞসকলে গোটেই দিনটো পৰ্যাপ্ত পৰিমাণৰ পানী খোৱাৰ পৰামৰ্শ দিয়ে।
নিয়মিত ব্যায়ামে শৰীৰৰ পেশীবোৰে গ্লুক’জ ব্যৱহাৰ কৰাত সহায় কৰে, যাৰ ফলত ব্লাড চুগাৰৰ মাত্ৰা হ্ৰাস পায়। স্বাস্থ্য বিশেষজ্ঞসকলে সপ্তাহত কমেও ১৫০ মিনিট মধ্যমীয়া ব্যায়ামৰ পৰামৰ্শ দিয়ে, যেনে দ্ৰুত গতিত খোজ কঢ়া, সাঁতোৰ বা চাইকেল চলোৱা। একে সময়তে পৰ্যাপ্ত টোপনিও গুৰুত্বপূৰ্ণ। টোপনিৰ অভাৱে ইনচুলিনৰ ফলপ্ৰসূতা হ্ৰাস কৰিব পাৰে, যিয়ে ব্লাড চুগাৰৰ ভাৰসাম্যত ব্যাঘাত জন্মায়।
সুস্থ ওজন বজাই ৰখাটোৱে ডায়েবেটিছ নিয়ন্ত্ৰণত ডাঙৰ ভূমিকা পালন কৰে। ইয়াৰ উপৰিও নিয়মিতভাৱে ব্লাড চুগাৰৰ পৰিমাণ পৰীক্ষা কৰাটো গুৰুত্বপূৰ্ণ, যাতে যিকোনো খাদ্য বা অভ্যাসে ইয়াক কেনেদৰে প্ৰভাৱিত কৰিছে সেয়া বুজিব পাৰে। বিশেষজ্ঞসকলে মদ্যপান সীমিত কৰাৰ পৰামৰ্শও দিয়ে, কিয়নো অতিৰিক্ত মদ্যপানে তেজৰ চেনিৰ মাত্ৰা অস্থিৰ কৰি তুলিব পাৰে।