শৰীৰত টেটু কৰাৰ মন নেকি? সাৱধান, এনে অংশত ভুলতো নকৰিব টেটু…

প্ৰতিনিধিত্বমূলক ছবি

বৰ্তমান সময়ত দেহত টেটু কৰাটো এটা ফেশ্বন ট্ৰেণ্ডত পৰিণত হৈছে। যুৱ প্ৰজন্মৰ পৰা বৃদ্ধ অৱস্থাৰ ব্যক্তিলৈকে চখ পূৰ কৰিবলৈকে হওক বা নিজৰ ব্যক্তিত্বক উজ্জ্বল কৰি তুলিবলৈকে হওক টেটু কৰি ভাল পায়। মানুহৰ শৰীৰৰ বহু অংশত টেটু কৰা হয়। কোনো লোকে যদি ডিঙিত, কোনোবাই আকৌ কঁকালত, আন কোনোবাই আকৌ হাতত। কিন্তু আপুনি জানেনে যে শৰীৰৰ কিছুমান অংশত টেটু কৰাটো আপোনাৰ স্বাস্থ্যৰ বাবেও ক্ষতিকাৰক বুলি প্ৰমাণিত হ’ব পাৰে? শৰীৰৰ সেই অংগবোৰৰ বিষয়ে জানি লওক।

টেটু কৰাৰ আগতে শৰীৰৰ কোনবোৰ অংশ সংবেদনশীল আৰু এনে কাৰ্যৰ বাবে বিপজ্জনক বুলি গণ্য কৰা হয়, সেয়া জনাটো অতি প্ৰয়োজনীয়। ভুল ঠাইত টেটু কৰিলে স্নায়ুৰ ক্ষতি, সংক্ৰমণ, বা ছালৰ এলাৰ্জী আদি গুৰুতৰ সমস্যাৰ সৃষ্টি হ’ব পাৰে। গতিকে শৰীৰৰ ৫ টা এনে স্থানৰ বিষয়ে জানো আহক, যিসমূহ স্থানত কেতিয়াও টেটু কৰিব নালাগে-

হাতত টেটুঃ হাত আমাৰ দৈনন্দিন জীৱনৰ আটাইতকৈ বেছি ব্যৱহৃত অংশ। সঘনাই হাত ধোৱা, ৰ’দত থকা, ঘঁহি লোৱাৰ বাবে টেটু সোনকালে ম্লান হ’বলৈ আৰম্ভ কৰে। তদুপৰি হাতৰ হাড়বোৰ ছালৰ বহুত ওচৰত থাকে, সেয়ে হাতত টেটু কৰাটো কষ্টকৰো।

বাইচেপ তলৰ অংশ বা কাষলতিঃ এই অংশটোক শৰীৰৰ আটাইতকৈ সংবেদনশীল অংশ বুলি গণ্য কৰা হয়। টেটু কৰিলে বহুত বিষ হব পাৰে। কাষলতিত অত্যধিক ঘাম ওলোৱাৰ ফলত টেটু সোনকালে নষ্ট হ’ব পাৰে। এই অংশৰ ছালখনতো সংক্ৰমণৰ সম্ভাৱনা বেছি।

কঁকালত টেটুঃ কঁকালৰ ছাল ডাঠ আৰু কঠিন। অৱশ্যে ইয়াত আৰ্দ্ৰতাৰ অভাৱ। সেয়ে এই অংশত টেটুৰ চিয়াঁহী ভালদৰে নাথাকে আৰু সঘনাই পুনৰাই কৰাৰ প্ৰয়োজন হয়। ইয়াৰ উপৰিও টেটু কৰাৰ সময়ত কঁকালত যথেষ্ট বিষ হয়, কাৰণ ছালৰ পোনে পোনে তলত হাড় থাকে।

ভৰিৰ তলুৱাঃ ভৰিৰ তলুৱা মাটিৰ সৈতে প্ৰত্যক্ষ সংস্পৰ্শত থাকে। ইয়াৰ ছালখন ডাঠ আৰু বহুত ঘাম ওলায়। ইয়াৰ ফলত চিয়াঁহী সোনকালে বিয়পিব পাৰে বা টেটুত দাগ পৰিব পাৰে। খোজ কঢ়াৰ বাবে ইয়াত টেটু বেছি দিন নাথাকে।

হাতৰ তলুৱাঃ অবিৰত কঠোৰ পৰিশ্ৰমৰ বাবে হাতৰ তলুৱাত থকা ছালখন অনবৰতে ক্ষয় থাকে। সেইবাবেই হাতৰ তলুৱাত থকা টেটুবোৰ অতি সোনকালে ম্লান হৈ পৰে। ইয়াৰ উপৰিও এই অংশত টেটু কৰাটো অতি কষ্টদায়ক হ’ব পাৰে।