আপোনাৰ মুখেৰে উশাহ লোৱাৰ অভ্যাস আছে নেকি ? ইয়াৰ ফলত কি হয় ?

বহুতে মাজে মাজে মুখেৰে উশাহ লয়। নাকেৰে উশাহ ল’ব লাগে যদিও কেতিয়াবা মানুহে নাকৰ সলনি মুখেৰে উশাহ লয়। নাক বন্ধ হৈ গ’লে বা চৰ্দি, এলাৰ্জী বা চাইনাছৰ বাবে বায়ুপথ বন্ধ হৈ গ’লে এনে হয়। কিছুমান মানুহৰ এই অভ্যাস সৰুৰে পৰাই গঢ় লৈ উঠে। যেতিয়া নাকে পৰ্যাপ্ত উশাহ ল’ব নোৱাৰে তেতিয়া মুখেৰে উশাহ ল’বলগীয়া হয়। যদি এই অভ্যাস হয় বা স্থায়ী হয় তেন্তে ই স্বাভাৱিক নহয়।

যদি মাজে মাজে মুখেৰে উশাহ লয়, তেন্তে ইয়াক ডাঙৰ বিপদ বুলি গণ্য কৰা নহয়, কিয়নো ই শৰীৰৰ তাৎক্ষণিক প্ৰয়োজনীয়তাৰ প্ৰতি সঁহাৰি জনায়। কিন্তু যদি কোনো ব্যক্তিয়ে গোটেই দিনটো বা আনকি ৰাতিও মুখেৰে উশাহ লৈ থাকে, আনকি শুই থকাৰ সময়তো তেন্তে সেয়া শৰীৰৰ বাবে উপযোগী নহয়। ইয়াৰ কিছুমান লক্ষণ ক্ৰমান্বয়ে দেখা দিবলৈ আৰম্ভ কৰে, যেনে- সঘনাই ডিঙি শুকান হোৱা, ভাগৰুৱা, মুখৰ দুৰ্গন্ধ, টোপনিৰ ধৰণত ব্যাঘাত জন্মা, শিশুৰ মুখৰ বৈশিষ্ট্যৰ পৰিৱৰ্তন আৰু সাৰ পোৱাৰ লগে লগে গধুৰ বা মূৰৰ বিষ অনুভৱ কৰা। বহুতে ৰাতি মুখেৰে উশাহ লোৱাৰ কথাও গম নাপায়। যদি এই সমস্যা দৈনিক হৈ থাকে তেন্তে ইয়াক আওকাণ কৰা উচিত নহয়।

মুখেৰে উশাহ-নিশাহ লোৱাৰ ফলত হাওঁফাওঁত প্ৰভাৱ পৰে নেকি?

দিল্লীৰ ৰাজীৱ গান্ধী চিকিৎসালয়ৰ হৃদৰোগ বিভাগৰ সহযোগী অধ্যাপক ডাঃ অজিত কুমাৰে কয় যে,মুখেৰে উশাহ-নিশাহ ল’লে হাওঁফাওঁত প্ৰভাৱ পৰিব পাৰে। নাকে প্ৰাকৃতিক ফিল্টাৰ হিচাপে কাম কৰে, বায়ু ফিল্টাৰ কৰে, গৰম কৰে আৰু হাওঁফাওঁলৈ প্ৰেৰণ কৰাৰ আগতে পৰ্যাপ্ত আৰ্দ্ৰতা প্ৰদান কৰে। কিন্তু কোনোবাই মুখেৰে উশাহ ল’লে ফিল্টাৰ নকৰাকৈ, গৰম নোহোৱাৰৈ বা আৰ্দ্ৰ নকৰাকৈ হাওঁফাওঁত প্ৰৱেশ কৰে।

ধূলি, কণা, ৰোগ সৃষ্টিকাৰী বীজাণু এনে বতাহত পোনপটীয়াকৈ উশাহৰ মাজেৰে শৰীৰত প্ৰৱেশ কৰিব পাৰে। ফলত স্থায়ী কাহ, ডিঙিৰ বিষ, উশাহ-নিশাহ লোৱাত অসুবিধা আৰু সঘনাই সংক্ৰমণৰ আশংকা বৃদ্ধি পাব পাৰে। হাঁপানী বা এলাৰ্জী থকাসকলৰ বাবে মুখেৰে উশাহ-নিশাহ লোৱা আৰু অধিক ক্ষতিকাৰক হ’ব পাৰে।

ইয়াক কেনেকৈ প্ৰতিৰোধ কৰিব পাৰি?

নাক বন্ধ হৈ গ’লে গৰম পানীৰ বাষ্প উশাহ লওক।

যদি আপোনাৰ এলাৰ্জী বা চাইনাছৰ সমস্যা আছে তেন্তে নিশ্চয়কৈ চিকিৎসকৰ পৰামৰ্শ লওক।

পৰ্যাপ্ত পৰিমাণৰ পানী খাব লাগে যাতে ডিঙি শুকাই নাযায়।