অফিচৰ কামৰ বাবে মানসিক চাপ বাঢ়িছে নেকি? যোগ বিশেষজ্ঞৰ পৰা জানি লওক কেনেকৈ হ্ৰাস কৰিব পাৰি…

যোগাসন অভ্যাস কৰক

ব্যস্ততাপূৰ্ণ জীৱনে অধিকাংশ লোকৰ মানসিক চাপ বৃদ্ধি কৰে । ইয়াৰ ফলত মানসিক আৰু শাৰীৰিক স্বাস্থ্যৰ ওপৰত নেতিবাচক প্ৰভাৱ পৰে। পেছাদাৰী লোকসকলে প্ৰায়ে মানসিক চাপ অনুভৱ কৰে। কিন্তু কৰ্ম আৰু ব্যক্তিগত জীৱনৰ মাজত ভাৰসাম্য গঢ়ি তোলাটো গুৰুত্বপূৰ্ণ। মানসিক চাপ হ্ৰাস কৰাৰ বাবে যোগাসন অভ্যাস কৰাটো অতি প্ৰয়োজন।

মোৰাৰজী দেশাই নেচনেল যোগ ইনষ্টিটিউটৰ যোগ থেৰাপিষ্ট তথা সহকাৰী অধ্যাপক ডাঃ লক্ষ্মীকান্ধনে কয় যে, সম্ভৱপৰ কৰ্প’ৰেট জগতখনত কৰ্মৰত লোকসকলে ভ্ৰমণৰ পৰা আৰম্ভ কৰি নিৰ্ধাৰিত সময়সীমাত কাম সম্পাদন কৰা আৰু দীৰ্ঘদিন ধৰি ছুটী অবিহনে কাম কৰালৈকে অহৰহ প্ৰত্যাহ্বানৰ সন্মুখীন হ’বলগীয়া হয়। ইয়াৰ বাবেই টোপনি হ্ৰাস, বদহজম, ডায়েবেটিছকে ধৰি বহুতো গুৰুতৰ ৰোগৰ আশংকা থাকে।

ড° লক্ষ্মীকান্ধনে কয় যে, কৰ্মৰত লোকসকলে নিজৰ দৈনন্দিন জীৱনত যোগাসন অন্তৰ্ভুক্ত কৰি মানসিক চাপ নিয়ন্ত্ৰণ কৰিব পাৰে। ইয়াৰ ফলত কৰ্মজীৱনৰ ভাৰসাম্য ৰক্ষা হয়। ইয়াৰ উপৰিও যোগাভ্যাস কৰিলে মনোযোগ বৃদ্ধি পায়, যাৰ ফলত কৰ্ম শক্তিও বৃদ্ধি পায়।

যোগে স্বয়ংক্ৰিয় স্নায়ুতন্ত্ৰৰ ভাৰসাম্য ৰক্ষা কৰাত সহায় কৰে আৰু শৰীৰত মানসিক চাপ সৃষ্টিকাৰী হৰম’ন কৰ্টিছলৰ মাত্ৰা হ্ৰাস কৰে। যোগাসনৰ অভ্যাস কৰিলে চেৰ’টনিন হৰম’ন বৃদ্ধি পায়, যাৰ ফলত মানসিক শক্তি উন্নত হয়।

যোগাসনে পেশী শক্তিশালী কৰে। ইয়াৰ লগতে যোগাভ্যাস কৰিলে হজম শক্তি উন্নত হয় আৰু উশাহ-নিশাহৰ সমস্যা নাইকীয়া হয়। প্ৰাণায়াম আৰু ধ্যান নিয়মিতভাৱে কৰিলে স্নায়ুতন্ত্ৰৰ কাৰ্যক্ষমতা বৃদ্ধি পায়। বিশেষজ্ঞসকলৰ মতে প্ৰাণায়ামে চিষ্টোলিক আৰু ডায়েষ্টোলিক ৰক্তচাপ হ্ৰাস কৰাৰ লগতে হাওঁফাওঁৰ কাৰ্যক্ষমতা উন্নত কৰে। মোৰাৰজী দেশাই নেচনেল ইনষ্টিটিউট অৱ যোগে, কৰ্মচাৰী সকলৰ বাবে বিশেষভাৱে যোগ প্ৰট’কল ডিজাইন কৰিছে।

গতিকে কৰ্ম জীৱনত মানসিক চাপ নিয়ন্ত্ৰণ কৰি ৰাখিবলৈ নিয়মিতভাৱে যোগাসন অভ্যাস কৰক । ই আপোনাক সুস্থ জীৱন যাপন কৰাত সহায় কৰিব ।