গেছৰ সমস্যাৰ পৰা কেনেকৈ হাত সাৰি থাকিব? জানক সহজ উপায়

আজিকালি প্ৰায় সকলোৱে গেছৰ সমস্যাত ভুগা দেখা যায়। গেছৰ সমস্যাৰ বাবে আপোনাৰ দিনটো ভালে নাযায়, কামবিলাক ভালদৰে কৰিব নোৱাৰে। মানুহৰ গেছৰ সমস্যা কিয় হয়? এই শাৰীৰিক সমস্যাৰ পৰা আপুনি হাত সাৰিবলৈ কি কৰিব? সহজতে ঘৰুৱা উপায়েৰে কেনেকৈ গেছৰ সমস্যা দূৰ কৰিব পাৰি জানক…

তুলসীৰ পানী

অতিমাত্ৰা খাদ্য আৰু এচিডিটিৰ পৰা সকাহ পোৱাত তুলসীৰ পানী অতি উপকাৰী হ’ব পাৰে। ইয়াত থকা গুণবোৰ হজমৰ বাবে উপকাৰী বুলি প্ৰমাণিত হ’ব পাৰে। তুলসীত এন্টি-ইনফ্লেমেটৰী গুণ আছে, যিয়ে পেটৰ বিষ কমোৱাত সহায় কৰিব পাৰে। তুলসীৰ পাত কেইটামান লৈ এগিলাচ পানীত উতলাই লওক। অলপ সময় ঠাণ্ডা কৰি তাৰ পিছত ফিল্টাৰ কৰি লওক। ইচ্ছা কৰিলে সোৱাদৰ বাবে কিছু মৌ দিব পাৰে।

জিৰা আৰু পানী

জিৰা পেটৰ এচিডৰ ভাৰসাম্য ৰক্ষা কৰাত সহায় কৰে, যিয়ে এচিডিটিৰ সমস্যা হ্ৰাস কৰাত সহায় কৰিব পাৰে। আধা চামুচ জিৰা এগিলাচ কুহুমীয়া পানীৰ লগত মিহলাই খালে এচিডিটি আৰু পেট জ্বলা-পূৰা কৰা সমস্যা কমোৱাত সহায়ক হয়।

নেমু ৰস

নেমুৰ পানীয়ে পাচনতন্ত্ৰ সক্ৰিয় কৰে, যাৰ বাবে খাদ্য সোনকালে হজম হয়। যদি আপুনি দীপাৱলীৰ সময়ত এচিডিটিৰ সমস্যাৰ সন্মুখীন হৈছে তেন্তে আপুনি নেমুৰ পানীও সেৱন কৰিব পাৰে। ইয়াৰ বাবে আধা নেমুৰ ৰস এগিলাচ পানীত চেপি লওক। ৰুচি অনুসৰি নিমখ বা মৌ দিব পাৰে। ৰাতিপুৱা খালী পেটত বা খাদ্য খোৱাৰ আগত পান কৰিলে উপকাৰী। কিন্তু যদি আপোনাৰ এই সমস্যা বেছি হয় তেন্তে বিশেষজ্ঞৰ পৰা পৰামৰ্শ লোৱাটো অধিক উপকাৰী হ’ব।

সু-স্বাস্থ্যবান কেনেকৈ হ’ব?

আমি সু স্বাস্থ্যকৰ হৈ থাকিবলৈ সুষম খাদ্য খাব লাগে। সুষম আহাৰত উপযুক্ত পৰিমাণে শৰীৰৰ পুষ্টিৰ কাৰণে প্ৰয়োজনীয় সকলো উপাদান থাকে। দৰাচলতে আমাৰ খাদ্য হ’ল কিছুমান বিশেষ বিশেষ শ্ৰেণীৰ ৰাসায়নিক যৌগ। ইয়াৰোপৰি আমি যথেষ্ঠ পৰিমানে পানী খাব লাগে। জীৱদেহত যথেষ্ট পৰিমাণে পানী থাকে।