ঘৰতে থকা এইসমূহ খাদ্যবস্তুৰে নিয়ন্ত্ৰণ কৰিব পাৰিব এচিডিটিঃ জানিলে হ’ব উপকৃত

প্ৰতিনিধিত্বমূলক ছবি

এচিডিটি বৰ্তমান সময়ত অধিকাংশ লোকেই সন্মুখীন হোৱা এটা সমস্যা। এই সমস্যাৰ বাবে বুকু জ্বলা-পোৰা কৰা, বদহজম, পেট ফুলা, বমি আদি অস্বস্তিকৰ পৰিস্থিতিৰ উদ্ভৱ হয়। এনে অৱস্থাত বাৰে বাৰে ঔষধ সেৱন কৰাৰ পৰিৱৰ্তে এচিডিটিৰ পৰা পৰিত্ৰাণ পাবলৈ ঘৰুৱা উপায় চেষ্টা কৰাটো ভাল। এচিডিটি নিয়ন্ত্ৰণৰ বাবে আয়ুৰ্বেদত বহু বিধানৰ বিষয়ে উল্লেখ আছে। আয়ুৰ্বেদিক বিশেষজ্ঞ ডাঃ কিৰণ গুপ্তাই ঘৰত উপলব্ধ বস্তুৰ সহায়ত আমি কিদৰে এচিডিটিৰ পৰা মুক্তি পাব পাৰো, সেই বিষয়ে পৰামৰ্শ আগবঢ়াইছে।

ডাঃ কিৰণ গুপ্তাই উল্লেখ কৰা মতে এচিডিটিৰ পৰা মুক্তি পাবলৈ বহুতো ঘৰুৱা উপায় আছে। ধনীয়াৰ পানীয়, ইলাচি, আদা, কল, চফ, নাৰিকলৰ পানী আৰু জিৰা আদিৰ ব্যৱহাৰ কৰি এচিডিটিৰ পাৰে সকাহ লাভ কৰিব পাৰি বুলি ডাঃ গুপ্তাই জানিবলৈ দিছে। এচিডিটিৰ পৰা সকাহ লাভ কৰাত উপযোগী এনে কিছু বিধানৰ বিষয়ে জানো আহক-

ধনীয়াৰ পানীয়ঃ ধনীয়াৰ গুটিত প্ৰদাহ নিবাৰণকাৰী গুণ থাকে, যাৰ ফলত এচিডিটিৰ বাবে হোৱা সমস্যা হ্ৰাস পায়। ধনীয়াৰ পানীয় খালে লগতে হজম শক্তিও উন্নত হয়।

ইলাচিঃ ইলাচিৰ সহায়ত এচিডিটিৰ পৰা উপশম পাব পাৰি। ইলাচিত থকা মৌলবোৰে পাচনতন্ত্ৰৰ কাৰ্যকলাপ উন্নত কৰে আৰু এচিডিটিৰ পৰা সকাহ দিয়ে। ইলাচিৰ সহায়ত পেটৰ আন কিছুমান সমস্যাৰ পৰাও সকাহ পোৱা যায়।

আদাঃ আদাত প্ৰদাহ নিবাৰণকাৰী গুণ আছে আৰু সেয়ে আদাই এচিডিটিৰ ফলত সন্মুখীন হোৱা অস্বস্তিকৰ পৰিস্থিতিৰ পৰা সকাহ লাভ কৰাত সহায় কৰিব পাৰে। এনে সুফল লাভৰ বাবে আদাৰ সৰু টুকুৰা কৰি চোবাই খাব পাৰে বা আদা চাহত দিও খাব পাৰে।

কলঃ কলত প্ৰাকৃতিক এন্টাচিড প্ৰভাৱ থাকে আৰু এচিডিটি হ্ৰাস কৰাত সহায় কৰিব পাৰে। এচিডিটিৰ পৰা সকাহ পাবলৈ সেইবাবে কল খাব পাৰে।

চফঃ চফত এনেথ’ল নামৰ এবিধ যৌগ থাকে। এই যৌগই প্ৰদাহ নিবাৰণত সহায় কৰে আৰু পেটৰ সমস্যা দূৰ কৰে। সেয়ে খাদ্য খোৱাৰ পিছত চফ খাব পাৰে বা চাহত চাহ দি খাব পাৰে।

নাৰিকল পানীঃ নাৰিকল পানীয়েও এচিডিটি হ্ৰাস কৰাত সহায় কৰে। এচিডিটিৰ পৰা সকাহৰ বাবে দিনটোত দুবাৰ এগিলাচকৈ নাৰিকল পানী খাব লাগে।

জিৰাঃ জিৰাত থকা ঔষধি গুণে পেট শান্ত কৰি ৰখাত সহায় কৰে আৰু এচিডিটিৰ পৰা সকাহ দিয়ে। এনে ফল লাভৰ বাবে জিৰাৰ চৰবত বনাই চাহ বনাই খাব পাৰে।