ভৰিৰ ফটা গোৰোহাই সমস্য়াত পেলাইছে নেকি? এই যাদুকৰী টিপচে দূৰ কৰিব সমস্যা

শীতকালত গোৰোহা ফাটি যোৱাৰ সমস্যাই যথেষ্ঠ অশান্তি কৰে। শুকান ছালৰ বাবে গোৰোহাত ফাট মেলিব পাৰে আৰু গোৰোহাৰ পৰা তেজো ওলাব পাৰে। এইটো কেৱল বেয়া দেখাই নহয়, ইয়াৰ ফলত সংক্ৰমণো হ’ব পাৰে। যদি আপুনিও ফটা গোৰোহাৰ পৰা অশান্তি পাইছে, তেন্তে বেনাৰ-ইউনিভাৰ্চিটি মেডিচিনৰ ছালৰ বিশেষজ্ঞ ডাঃ ৰেবেকা থিডে (Dr. Rebecca Thiede, MD) , আপোনাৰ ভৰি দুখন কেনেকৈ ঠিক কৰিব পাৰি পৰামৰ্শ আগবঢ়াইছে।

কিহৰ বাবে গোৰোহা শুকান হোৱাৰ লগতে ফাটে? সাধাৰণতে শীতকাল আৰু শুকান জলবায়ুত গোৰোহা ফটাৰ সমস্যা বেছি দেখা যায়, কিন্তু ইয়াৰ কেইবাটাও ভিন্ন কাৰণ আছে – ইয়াৰে কিছুমান জিনীয় আৰু কিছুমান জীৱনশৈলীৰ কাৰকৰ বাবে আৰু বেছি বেয়া হ’ব পাৰে।

ডাঃ থেইডে কয়, “আমি সাধাৰণতে ‘কেৰাটোডাৰ্মা ক্লাইমেক্টেৰিকাম’ (Haxthausen’s disease) নামৰ অৱস্থাত গোৰোহা ফাটি যোৱা দেখিবলৈ পাওঁ। এই ক্ষেত্ৰত সঘনাই ভৰিত চেণ্ডেল আৰু ফ্লিপ-ফ্লপ পিন্ধা লোকৰ গোৰোহাৰ ছালখন ডাঠ হৈ ফাটি যায়।”

বয়স আৰু কিছুমান চিকিৎসাজনিত অৱস্থাৰ বাবেও ছাল শুকান হ’ব পাৰে। আপোনাৰ শুকান, ফাটি যোৱা ভৰি দুখন একজিমাৰ ফলত হ’ব পাৰে, যিটো সাধাৰণতে বংশগতভাৱে হয়। যদিও হাত-ভৰি একজিমা দেখা দিয়াৰ আটাইতকৈ সাধাৰণ ঠাই। ভৰি শুকান হোৱাৰ আন কাৰণসমূহ হ’ল ডায়েবেটিছ, চ’ৰিয়াচিছ, হাইপ’থাইৰয়ডিজম, শ্ব’গ্ৰেন’ছ চিনড্ৰম, এথলীটৰ ভৰিৰ দৰে সংক্ৰমণ। ইয়াৰ উপৰিও কঠিন মজিয়াত খালী ভৰিৰে খোজ কাঢ়িলেও গোৰোহা শুকান, ফাটি যাব পাৰে।

ঘৰতে ফটা গোৰোহা কেনেকৈ চিকিৎসা কৰিব? ডাঃ থাইডে তলত দিয়া টিপছসমূহ আগবঢ়াইছে:-

• কঠিন গোৰোহাৰ বাবে দিনটোত কেইবাবাৰো মইশ্ব’ৰাইজ ব্যৱহাৰ কৰাটো অতি গুৰুত্বপূৰ্ণ। ৰাতি ডাঠ তৰপ এটা লগাই তাৰ পিছত কপাহী মোজা পিন্ধি থৈ দিব।
• ভৰি দুখন তিয়াই ধুই পেলাওক সপ্তাহত এবাৰকৈ ভৰি দুখন গৰম পানীত ১০ৰ পৰা ১৫ মিনিট তিয়াই ৰাখিবলৈ সময় নিৰ্ধাৰণ কৰক। আপুনি আপোনাৰ প্ৰিয় আৱশ্যকীয় তেলৰ কেইটোপালমান বা ডাঃ টিলৰ পিউৰ এপচম ছল্টৰ দৰে ৰেডিমেড ফুট ছ’ক দিব পাৰে। ভৰি দুখন তিয়াই দিলে আপোনাৰ ছালখন আৰ্দ্ৰতা হ’ব আৰু পিউমিচ ষ্টোনটোৱে নিজৰ কাম কৰাত সহায় কৰিব।
• সঠিক জোতা কিনিব। আৰামদায়ক জোতা বিচাৰি উলিয়াওক আৰু গোৰোহাৰ বাবে অতিৰিক্ত সমৰ্থন প্ৰদান কৰক। খোলা ভৰিৰ চেণ্ডেল, হাই হিল, টাইট জোতা, ফ্লেট চেণ্ডেল পৰিহাৰ কৰিব।
• তৰল বেণ্ডেজ ব্যৱহাৰ কৰক। ফাটি যোৱা ঠাইত তৰল বেণ্ডেজ ব্যৱহাৰ কৰি ঘাঁটো বন্ধ কৰি সংক্ৰমণ বা অধিক ফাটি যোৱা ৰোধ কৰিব পাৰি।

গোৰোহা ফাটি যোৱা ৰোধ কৰাৰ আন উপায়সমূহ হ’ল-

• নিয়মিতভাৱে ভৰি আৰু গোৰোহা মলম আৰু ক্ৰীম (লোচন নহয়) দ্বাৰা মইশ্ব’ৰাইজ কৰক।
• হাইড্ৰেটেড হৈ থাকিবলৈ প্ৰচুৰ পৰিমাণে পানী খাব লাগে।
• বিশেষকৈ ডায়েবেটিছ বা ছাল শুকান হোৱা অন্যান্য অৱস্থাত ভৰি দুখন নিতৌ পৰীক্ষা কৰক।
• এই চিকিৎসকৰ পৰামৰ্শ মানি চলিলে আপুনি আপোনাৰ গোৰোহা ফাটি যোৱাৰ চিকিৎসা আৰু প্ৰতিৰোধ কৰিব পাৰে আৰু ভৰি দুখন সুস্থ আৰু আৰামদায়ক কৰি ৰাখিব পাৰে