ORS Controversy: আপুনি ‘ORS’ বুলি ভুল পানীয় খাইছে নেকি?
WHO ৰ অনুমোদন লাভ কৰাৰ পিছতহে এই পানীয়ক ‘ORS’ বুলি চিহ্নিত কৰা হ’ব। দেখা গৈছে যে বজাৰত এনে বহু পানীয় পোৱা যায় যাৰ ওপৰত ‘ORS’ বুলি লিখা থাকে। যিবোৰে কেতিয়াও ‘ORS’ৰ দৰে কাম নকৰে। বহু সময়ত এনাৰ্জি ড্ৰিংকত ‘ORS’ বুলিও লিখা দেখা যায়। এই ভুৱা বিষয়টো শেহতীয়াকৈ খাদ্য সুৰক্ষা আৰু গুণগত মান বিভাগৰ দৃষ্টিগোচৰ হৈছে।
Ors
ভুৱা ‘ORS’ৰ বিক্ৰী বন্ধ কৰাৰ বাবে ভাৰতীয় খাদ্য সুৰক্ষা আৰু গুণগত মান বিভাগে হস্তক্ষেপ কৰিছে। এই বিভাগে জাৰি কৰা নতুন নিৰ্দেশনা অনুসৰি বিশ্ব স্বাস্থ্য সংস্থাৰ অনুমোদন অবিহনে কোনো খাদ্য সামগ্ৰীৰ নামত ORS শব্দটো লিখিব নোৱাৰিব। অৰ্থাৎ WHO ৰ অনুমোদন পোৱাৰ পিছতহে সেই খাদ্য সামগ্ৰীক ‘ORS’ বুলি চিহ্নিত কৰা হ’ব। দেখা গৈছে যে বজাৰত এনে বহু পানীয় পোৱা যায় যাৰ ওপৰত ‘ORS’ বুলি লিখা থাকে। যিবোৰে কেতিয়াও ‘ORS’ৰ দৰে কাম নকৰে। এই ভুৱা বিষয়টো শেহতীয়াকৈ ভাৰতীয় খাদ্য সুৰক্ষা আৰু গুণগত মান বিভাগৰ দৃষ্টিগোচৰ হৈছে।
‘ORS’ কি?
‘ORS’ ৰ সম্পূৰ্ণ অৰ্থ হ’ল Oral Rehydration Solution। শৰীৰত পানী আৰু খনিজ লৱণৰ ভাৰসাম্য ৰক্ষাৰ বাবে ৰোগীক ‘ORS’ দিয়া হয়। বিশেষকৈ অন্ত্ৰৰ সমস্যা বা ডিহাইড্ৰেচন হোৱা ৰোগীক ‘ORS’ প্ৰেছক্ৰিপচন কৰা হয়। কিন্তু ডায়েবেটিছ, বৃক্কৰ সমস্যা, উচ্চ ৰক্তচাপ বা হৃদযন্ত্ৰৰ সমস্যা থকা লোকে ‘ORS’ সেৱন কৰাৰ বিশেষ নিয়ম আছে। ভুল ‘ORS’ সেৱন কৰিলে শৰীৰত চেনিৰ পৰিমাণ বৃদ্ধি পায় আৰু ইয়াৰ বিপৰীতমুখী হ’ব পাৰে।
বজাৰত কিছুমান মিঠা পানীয়ৰ বিক্ৰী কৰা হয়, য’ত লিখা থাকে ‘ORS’। কিন্তু সেইবোৰ আচলতে ‘ORS’ নহয়। কাৰণ, ‘ORS’ কেৱল WHO অনুমোদিত নিয়ম অনুসৰিহে তৈয়াৰ কৰা হয়। বজাৰত উপলব্ধ মিঠা পানীয় কেতিয়াও WHO ৰ অনুমোদন নিদিয়ে বা একে সূত্ৰতে তৈয়াৰ কৰা নহয়। গতিকে, কিনাৰ আগতে লেবেলটো চাই সচেতন হ’ব লাগে।
‘ORS’ বুলি ভবা যিকোনো বস্তু নিকিনিব
বহুতে এনাৰ্জি স্প’ৰ্টছ ড্ৰিংকছক ‘ORS’ বুলি ভুল কৰে। সেইবোৰ একেবাৰে ‘ORS’ নহয়। এই পানীয়বোৰত চেনিৰ পৰিমাণ বেছি থাকে। ‘ORS’ বুলি ভাবি সেইবোৰ পান কৰিলে ডায়েৰিয়াৰ সমস্যা আৰু বেছি হ’ব পাৰে।
ফলৰ ৰসৰ টেট্ৰাপেক
বহুতে ভাবে যে ফলৰ ৰসে শৰীৰৰ ডিহাইড্ৰেচন অতি সোনকালে হ্ৰাস কৰে। আচলতে কেইবাটাও ব্ৰেণ্ডৰ ফলৰ ৰসত ‘ORS’ লিখা থাকে। কিন্তু ই একেবাৰে ‘ORS’ নহয়। এই পেকেটত থকা ফলৰ ৰসত সংৰক্ষক পদাৰ্থ থাকে, যিয়ে ফলৰ ৰস নষ্ট হ’বলৈ নিদিয়ে। যিটো শৰীৰৰ বাবে যথেষ্ট ক্ষতিকাৰক।
শেহতীয়াকৈ বজাৰৰ সেই বটলত নিমখ-চেনিৰ পানী পোৱা গৈছে। যিটো ‘ORS’ একেবাৰেই নহয়। এইবোৰ প্ৰস্তুতত WHOৰ নিয়ম-নীতি মানি চলা হোৱা নাই। জনা যায় যে এই ধৰণৰ পানীয়ত অতিৰিক্ত নিমখ মিহলাই সোৱাদ বৃদ্ধি কৰা হয়। যিটোৱে কেতিয়াও ‘ORS’ৰ দৰে কাম নকৰে আৰু ইয়াৰ বিপৰীতে শৰীৰৰ বিপদ বৃদ্ধি কৰে। সেয়েহে চিকিৎসকৰ মতে কেৱল WHO অনুমোদিত ‘ORS’ সেৱন কৰিব লাগে। যদি পেকেটটোত WHOৰ অনুমোদনৰ চিন নাথাকে তেন্তে সেই পানীয় ব্যৱহাৰ কৰাটো বিপজ্জনক হ’ব পাৰে।