কণী নে পনীৰ, হাই প্ৰটিন লাভ বাবে কোনটো ভাল? জানক…

কণী আৰু পনীৰ

কণী আৰু পনীৰ দুয়োবিধেই প্ৰটিনৰ উৎকৃষ্ট উৎস। কিন্তু উচ্চ প্ৰটিনযুক্ত খাদ্যৰ কথা আহিলে মানুহে প্ৰায়ে প্ৰশ্ন কৰে যে কোনটো খাদ্যত অন্তৰ্ভুক্ত কৰিব লাগে? কণীক প্ৰাকৃতিকভাৱে পোৱা সম্পূৰ্ণ প্ৰটিনৰ উৎস বুলি কোৱা হয় বা পনীৰ, যিটো ভাৰতীয় খাদ্যত ইয়াৰ পুষ্টিকৰ মূল্য আৰু সোৱাদৰ বাবে জনাজাত। আজিকালি মানুহ ক্ৰমান্বয়ে ফিটনেছ সচেতন হৈ পৰিছে।

ব্যস্ততাৰ দিনত শৰীৰক শক্তিৰ প্ৰয়োজন। গতিকে প্ৰটিন সমৃদ্ধ খাদ্য অতি উপকাৰী বুলি গণ্য কৰা হয়।জিমলৈ যোৱা লোকসকলে প্ৰটিনৰ বাবে প্ৰচুৰ পৰিমাণে কণী আৰু পনীৰ সেৱন কৰে। কিন্তু কোনটোৱে সৰ্বোত্তম প্ৰটিন যোগান ধৰে সেয়া জনাটো গুৰুত্বপূৰ্ণ।

কণীৰ পুষ্টি আৰু উপকাৰ

কণীক পুষ্টিকৰ খাদ্য বুলি গণ্য কৰা হয়। ইয়াত ভাল পৰিমাণৰ প্ৰটিন, ভিটামিন, খনিজ পদাৰ্থ, স্বাস্থ্যকৰ চৰ্বি থাকে। হেল্থলাইনৰ মতে এটা কণীত প্ৰায় সকলো প্ৰয়োজনীয় এমিনো এচিড থাকে, যিবোৰ পেশী বৃদ্ধি, শৰীৰ মেৰামতি, ৰোগ প্ৰতিৰোধ ক্ষমতা শক্তিশালী কৰাত সহায়ক। তদুপৰি কণীত ভিটামিন বি 12, ভিটামিন ডি, ভিটামিন এ, কলিন, চেলেনিয়াম, আইৰণ আদি উপাদান থাকে, যিয়ে মগজুৰ স্বাস্থ্য, হাড়ৰ শক্তি, আৰু হৰম’নৰ ভাৰসাম্যতাক সহায় কৰে।

পনীৰৰ পুষ্টি আৰু উপকাৰ

পনীৰ প্ৰটিনৰ এক উৎকৃষ্ট উৎস। প্ৰটিনৰ উপৰিও পনীৰত কেলচিয়াম, ফছফৰাছ, ভিটামিন বি১২ আদি পুষ্টিকৰ উপাদান থাকে, যিয়ে হাড় আৰু দাঁত শক্তিশালী কৰাৰ লগতে পেশী গঠন কৰাত সহায় কৰে। পনীৰত চেলেনিয়াম আৰু এন্টিঅক্সিডেন্ট পোৱা যায়, যিয়ে ৰোগ প্ৰতিৰোধ ক্ষমতা বৃদ্ধি কৰে। ওজন নিয়ন্ত্ৰণ কৰিবলৈ পনীৰ সেৱন কৰিব পাৰে।

কণী আৰু পনীৰ…ক’ত অধিক প্ৰটিন থাকে?

কণী আৰু পনীৰ দুয়োবিধেই প্ৰটিনৰ ভাল উৎস। কিন্তু ইহঁতৰ প্ৰটিনৰ মান বেলেগ বেলেগ। কণীৰ প্ৰটিনৰ সন্দৰ্ভত ১টা ডাঙৰ কণীত ৬.৩ গ্ৰাম প্ৰটিন থাকে। ইফালে ৫০ গ্ৰাম পনীৰত ৯ৰ পৰা ১২ গ্ৰাম প্ৰটিন থাকে। এইদৰে চাবলৈ গ’লে দুটা কণী খালেহে ৫০ গ্ৰাম পনীৰৰ সমান পৰিমাণৰ প্ৰটিন পোৱা যায়। কিন্তু যিসকলে আমিষ খাদ্য নাখায় তেওঁলোকৰ বাবে পনীৰ প্ৰটিনৰ এক উত্তম উৎস। যদি আপুনি কণী খায় তেন্তে দুয়োটাকে খাদ্য তালিকাত অন্তৰ্ভুক্ত কৰিব পাৰে।