কেৱল বুকুৰ বিষ মানে হাৰ্ট এটেক নহয় ! ইয়াৰ প্ৰথম লক্ষণবোৰ জানক

বেছি সংখ্যক লোকে বুকুৰ বিষক হাৰ্ট এটেকৰ প্ৰাৰম্ভিক বা প্ৰথম লক্ষণ হিচাপে গণ্য কৰে। বিশেষজ্ঞৰ মতে, হাৰ্ট এটেকৰ প্ৰাৰম্ভিক লক্ষণবোৰ প্ৰায়ে বহুত বেছি সূক্ষ্ম হয়। কোৱা হয় যে, দীৰ্ঘদিনীয়া ক্লান্তি, জিৰণি বা জীৱনশৈলীৰ পৰিৱৰ্তনৰ পাছতো যদি ভাগৰুৱা অনুভৱ কৰি থাকে, তেন্তে ই হৃদযন্ত্ৰৰ সমস্যাৰ প্ৰাৰম্ভিক লক্ষণ হ’ব পাৰে। যদি ভাগৰুৱা অনুভৱ কৰে, তেতিয়া বুজিব যে, হৃদযন্ত্ৰই পাম্প কৰিবলৈ অধিক কষ্ট কৰিবলগীয়া হৈছে। যাৰ ফলত শৰীৰত অক্সিজেনৰ যোগান কমি যায়।

বহুতে মানসিক চাপ, টোপনিৰ অভাৱৰ ফলত সৃষ্টি ভাগৰক আওকাণ কৰে। যেতিয়া পৰ্যাপ্ত জিৰণি লোৱাৰ পাছতো ভাগৰুৱা অনুভৱ কৰে, তেতিয়া ই হৃদযন্ত্ৰৰ সমস্যাৰ ইংগিত দিব পাৰে। বুজিব লাগিব যে, আপোনাৰ হৃদযন্ত্ৰৰ কাৰ্যক্ষমতা হ্ৰাস পাইছে বা হৃদযন্ত্ৰৰ ওপৰত চাপ বৃদ্ধি পাইছে। কিছুমান মানুহৰ আগতীয়া লক্ষণ অনুভৱ নকৰাকৈ হাৰ্ট এটেক আহিব পাৰে।

হাৰ্ট এটেকৰ প্ৰাৰম্ভিক লক্ষণ

যদি আপুনি অবিহৰতভাৱে ভাগৰ অনুভৱ কৰে, তেন্তে এই সমস্যাক গুৰুত্ব দিয়ক।

বুকু, বাহু বা পিঠিৰ ওপৰৰ অংশত সামান্য বিষ হ’ব পাৰে।

কান্ধত অস্বস্তি অনুভৱ কৰিব পাৰে।

বদহজম বা পেটৰ অস্বস্তি অনুভৱ কৰিব পাৰে।

নিয়মীয়া কামৰ সময়ত উশাহ লোৱাত কষ্ট অনুভৱ কৰিব পাৰে বা ভালদৰে উশাহ ল’ব নোৱাৰিব পাৰে।

বিশেষজ্ঞৰ মতে, এই লক্ষণবোৰ হাৰ্ট এটেকৰ কিছুদিন বা আনকি কেইবা সপ্তাহ আগতেও দেখা দিব পাৰে।

যদি এই সমস্যাবোৰ দীৰ্ঘদিন ধৰি থাকে বা স্থায়ী হয়, তেন্তে লগে লগে চিকিৎসকৰ পৰামৰ্শ গ্ৰহণ কৰক।