দেহা শীতল পৰাই নহয়, মাটি কলহত পানী খোৱাৰ আছে বহু উপকাৰিতা

মাটি কলহত পানী খোৱাৰ আছে বহু উপকাৰিতা

মাটিৰ পাত্ৰৰ পৰা পানী খালে আপোনাৰ স্বাস্থ্যৰ যথেষ্ঠ লাভ হয়। মাটিৰ পাত্ৰত পানী প্ৰাকৃতিকভাৱে ঠাণ্ডা হৈ থকাই নহয়, তাৰ পৰা পানী খালে স্বাস্থ্যৰ আন কেইবাটাও উপকাৰো হয়। বিশেষকৈ গ্ৰীষ্মকাল অহাৰ লগে লগে বেছিভাগ ঘৰতে মানুহে তীখা আৰু তামৰ পাত্ৰ আঁতৰাই মাটিৰ পাত্ৰত পানী জমা কৰিবলৈ আৰম্ভ কৰে। গৰমৰ দিনত ঠাণ্ডা পানীৰ প্ৰয়োজন বেছি। মাটিৰে তৈয়াৰী পাত্ৰ বা কলহত মাটিৰ বিশেষ গুণ থাকে, যাৰ ফলত পানীৰ পৰা বেয়া পদাৰ্থ আঁতৰাই শৰীৰত উপকাৰী খনিজ পদাৰ্থ যোগান ধৰে। ইয়াৰ পানীয়ে আমাৰ শৰীৰক বিষাক্ত মৌলৰ পৰা মুক্ত কৰি ৰোগ প্ৰতিৰোধ ক্ষমতা উন্নত কৰাত উপকাৰী বুলি প্ৰমাণিত হয়।

মাটিৰ পাত্ৰক আটাইতকৈ বিশুদ্ধ বুলি গণ্য কৰা হৈছিল আৰু আয়ুৰ্বেদতো মাটিৰ পাত্ৰত ৰখা খোৱাপানীক ভাল বুলি গণ্য কৰা হয়। মাটি, পানী, জুই আদিৰ সহায়ত পাত্ৰ বা কলহ প্ৰস্তুত কৰা হয়। গ্ৰীষ্মকালত পাত্ৰৰ পানীয়ে কেৱল শীতলতা প্ৰদান কৰাই নহয়, পিত্তৰ ভাৰসাম্য ৰক্ষা কৰাত সহায় কৰে।

মাটিৰ পাত্ৰত ৰখা পানী খোৱাৰ ফলত পাচনতন্ত্ৰৰ কোনো ক্ষতি নহয়। যাৰ ফলত হিট ষ্ট্ৰোকৰ সম্ভাৱনা কম হয়। মাটিৰ পাত্ৰত ৰখা খোৱাপানীয়েও খনিজ পদাৰ্থ লাভ কৰে যিবোৰ স্বাস্থ্যৰ বাবে উপকাৰী। কিন্তু যদি আপুনি মাটিৰ পাত্ৰত ৰখা পানী খাই আছে তেন্তে পৰিষ্কাৰ-পৰিচ্ছন্নতাৰ বিশেষ যত্ন লোৱা উচিত।

মাটিৰ পাত্ৰত পানী খোৱাৰ ফলত ৰোগ প্ৰতিৰোধ ক্ষমতা বৃদ্ধি কৰে। কলহত পানী জমা কৰিলে শৰীৰত টেষ্টষ্টেৰন হৰম’নৰ মাত্ৰা বৃদ্ধি পায়। মাটিৰ পাত্ৰটোৰ পানী বেছি ঠাণ্ডা নহয়, সেয়েহে ই হজম শক্তি সুস্থ কৰি ৰাখে। ইয়াক সেৱন কৰিলে তৃপ্তি পোৱা যায়।