গুপ্তাংগৰ নোম আঁতৰাবলৈ ভুলতেও ব্যৱহাৰ নকৰিব এইবোৰ বস্তু, ডাঙৰ বিপদত পৰিব আপুনি!

পুৰুষেই হওক বা মহিলাই হওক সকলোৱে শৰীৰৰ পৰিষ্কাৰ-পৰিচ্ছন্নতাৰ যত্ন লোৱা উচিত। বহুতে প্ৰায়ে নিজৰ ব্যক্তিগত অংশৰ পৰা নোম আঁতৰাই ছালখন কোমল কৰি ৰাখিবলৈ, পৰিষ্কাৰ দেখাবলৈ, সংক্ৰমণ ৰোধ কৰিবলৈ,নোম আঁতৰাই পেলায়। মহিলাসকলে বিকিনিৰ অংশ আৰু বাহুৰ তলৰ পৰা নোম আঁতৰাই থাকে। কিন্তু এই কাম কৰাৰ পূৰ্বে কিছুমান বস্তুত গুৰুত্ব দিয়াটো প্ৰয়োজন।

বহুলোকে আমাৰ শৰীৰৰ ব্যক্তিগত অংশৰ কথা ক’বলৈ লাজ কৰে। শৰীৰৰ ব্যক্তিগত অংশত নোম বা চুলি থকাটো এক স্বাভাৱিক জৈৱিক প্ৰক্ৰিয়া, যিটো “Pubic hair” বা যৌনাঙ্গৰ নোম হিচাপে জনা যায়। বহুতে এই নোম আঁতৰোৱাটো সঠিক বুলি গণ্য কৰে, আনহাতে আন কিছুমানে ইয়াক শৰীৰৰ প্ৰাকৃতিক সুৰক্ষা বুলি বিবেচনা কৰে।

আপুনি জানেনে যদি এই নোম দীঘল হয় আৰু পৰিস্কাৰ নহয়, তেন্তে এই অংশত দুৰ্গন্ধ, খজুৱতি, ফোহা আৰু সংক্ৰমণৰ সম্ভাৱনা বৃদ্ধি পায়। গ্ৰীষ্ম আৰু বাৰিষা কালত এই বিপদ আৰু বৃদ্ধি পায় কাৰণ ঘাম চুলিত আবদ্ধ হৈ পৰে আৰু বেক্টেৰিয়াক প্ৰসাৰিত কৰে। নোম আঁতৰালে অতি সাৱধান হোৱাটো গুৰুত্বপূৰ্ণ। ভুল পদ্ধতিৰে নোম আঁতৰাই দিলে ছাল কটা বা ফোহা ওলাব পাৰে। যাৰ ফলত পিছত ঘাৰ স্ষ্টি হৈ সংক্ৰমণ হ’ব পাৰে। বিশেষকৈ শৰীৰৰ কোমল অংশত সংক্ৰমণৰ সম্ভাৱনা বৃদ্ধি পায়। নোম আঁতৰোৱাৰ পূৰ্বে চুলি ট্ৰিম কৰক। তাৰ পিছত কুহুমীয়া পানীৰে গা ধুই ভাল মানৰ শ্বেভিং ক্ৰীম বা জেল ব্যৱহাৰ কৰক। যিসকল লোকৰ ছাল অধিক সংবেদনশীল, তেওঁলোকে শ্বেভিং বা ৱেক্সিং কৰাৰ আগতে চিকিৎসকৰ পৰামৰ্শ ল’ব লাগে। ভুল প্ৰডাক্ট ব্যৱহাৰ কৰিলে বা ভুল পদ্ধতিৰে নোম আঁতৰালে ছালৰ এলাৰ্জী, জ্বলন আৰু ভেঁকুৰৰ সংক্ৰমণ হ’ব পাৰে।

কিদৰে ব্যক্তিগত অংশ সুস্থ কৰি ৰাখিব

খাদ্যত ফল-মূল, শাক-পাচলি, দৈ আদি স্বাস্থ্যকৰ খাদ্য অন্তৰ্ভুক্ত কৰক। ধূমপান বা টাইট কাপোৰ পিন্ধাৰ দৰে অস্বাস্থ্যকৰ জীৱনশৈলীৰ অভ্যাস পৰিহাৰ কৰক। ঘৰুৱা উপাদান হিচাপে মুলতানি মাটি, এলোভেৰা, বা দৈ আৰু মৌৰ পেষ্ট ব্যৱহাৰ কৰিব পাৰে।