সঘনাই প্ৰস্ৰাৱৰ অনুভৱ হোৱাটো কি ৰোগৰ লক্ষণ জানো আহক

সঘনাই প্ৰস্ৰাৱৰ অনুভৱ হোৱাটো কি ৰোগৰ লক্ষণ

বাৰে বাৰে বাথৰুমলৈ যোৱাটো যথেষ্ট বিৰক্তিকৰ। বিশেষকৈ যেতিয়া কোনো কাম বা যাত্ৰা কৰি থাকে, তেতিয়া ইয়াৰ ফলত বহুত অসুবিধাৰ সৃষ্টি হয়। বাৰে বাৰে প্ৰস্ৰাৱ কৰিবলৈ যোৱাৰ প্ৰৱণতা কেইবাটাও ৰোগৰ জড়িত হ’ব পাৰে।

প্ৰস্ৰাৱৰ ওপৰত নিয়ন্ত্ৰণ হেৰুৱাই পেলোৱাটো বহুতো গুৰুতৰ ৰোগৰ লক্ষণ হ’ব পাৰে। প্ৰস্ৰাৱ নিয়ন্ত্ৰণ কৰিব নোৱাৰা সমস্যাটো প্ৰায়ে বৃদ্ধকালত দেখা দিয়ে যদিও কিছুমান ৰোগৰ বাবে এই সমস্যা যিকোনো বয়সতে দেখা দিব পাৰে। বিশেষকৈ শিশুৱে শুই থকাৰ সময়ত প্ৰস্ৰাৱৰ ওপৰত নিয়ন্ত্ৰণ নাথাকে।

ডাঃ জীৱন অধিকাৰীয়ে বুজাইছে যে প্ৰস্ৰাৱৰ ওপৰত নিয়ন্ত্ৰণ হেৰুৱাই পেলোৱাটো বহু ৰোগৰ প্ৰাৰম্ভিক লক্ষণ হ’ব পাৰে। ইয়াৰ ভিতৰত মূত্ৰাশয়ৰ প্ৰদাহ (চিষ্টাইটিছ), প্ৰস্ৰাৱ নলীৰ সংক্ৰমণ (UTI) আনকি মূত্ৰাশয়ৰ কৰ্কট ৰোগও অন্যতম। ইয়াৰ উপৰিও পেলভিক ফ্ল’ৰৰ পেশী দুৰ্বল, মানসিক চাপ আৰু কিছুমান চিকিৎসাজনিত অৱস্থাৰ বাবেও এই সমস্যা হ’ব পাৰে। ইয়াৰ ভিতৰত ডায়েবেটিছ, পাৰ্কিনছন ৰোগ আৰু মাল্টিপল স্ক্লেৰচিছ (MS), লগতে ষ্ট্ৰোক আৰু কিছুমান অস্ত্ৰোপচাৰ যিবোৰে প্ৰস্ৰাৱ নিয়ন্ত্ৰণ হেৰুৱাব পাৰে।