Delicious Mutton Recipe : ঘৰতে জুতি লগাই ছাগলী মাংস খাবলৈ গ্ৰহণ কৰক পদ্ধতি…
ছাগলী মাংসৰ বিভিন্ন ৰেছিপি আছে । সাধাৰণতে আমাৰ অসমীয়া সমাজত ছাগলী মাংস ৰন্ধাৰ এক সহজ উপায় এই প্ৰতিবেদনৰ জৰিয়তে উল্লেখ কৰা হৈছে । যদি ঘৰতে ছাগলী মাংসৰ সোৱাদ ল'ব বিচাৰে তেন্তে এই প্ৰক্ৰিয়া অনুসৰণ কৰিব পাৰে ।
ছাগলী মাংসৰ ৰেছিপি
ছাগলী মাংস আমাৰ সকলোৰে প্ৰিয় । খাহীয়ে হওক বা পাঠাই হওক আমাৰ অসমীয়া সমাজত প্ৰায় সংখ্যক লোকেই ছাগলী মাংস খাই ভাল পায় । ইফালে বৰ্তমান সময়ত অসমীয়া বিবাহ অনুষ্ঠান সমূহতো অতিথিসকলৰ খোৱা-বোৱাৰ বাবে ছাগলী মাংসৰ আঞ্জাৰ ব্যৱস্থা কৰা দেখা যায় । উল্লেখ্য যে, ছাগলী মাংস যদি ভালদৰে ৰন্ধা নহয় তেনেহ’লে ইয়াৰ সোৱাদো ভালদৰে পোৱা নাযায় ।
ছাগলী মাংসৰ বিভিন্ন ৰেছিপি আছে । প্ৰতিটো ৰেছিপিৰে ৰন্ধাৰ প্ৰদ্ধতি বেলেগ বেলেগ । সাধাৰণতে আমাৰ অসমীয়া সমাজত ছাগলী মাংস ৰন্ধাৰ এক সহজ উপায় এই প্ৰতিবেদনৰ জৰিয়তে উল্লেখ কৰা হৈছে । এই পদ্ধতিটো একেবাৰে সহজ আৰু যদি ঘৰতে ছাগলী মাংসৰ সোৱাদ ল’ব বিচাৰে তেন্তে এই প্ৰক্ৰিয়া অনুসৰণ কৰিব পাৰে ।
এই পদ্ধতিৰে ছাগলী মাংস ৰান্ধিবলৈ কি কি লাগিব ?
প্ৰথমে আপোনা লাগিব ছাগলী মাংস আধা কেজি । প্ৰয়োজন অনুসৰি আপুনি ছাগলী মাংস ল’ব পাৰে আৰু সেই মতে আন আন সমাগ্ৰীখিনি যোগাৰ কৰিব পাৰে । ছাগলী মাংসৰ আধাৰ কেজি ৰান্ধিবৰ বাবে পিঁয়াজ মধ্যমীয়া আকাৰত টুকুৰা টুকুৰকৈ কাটি লওক। ইয়াৰ লগতে টেঙা দৈ লাগিব ৩ চামুচ,আদা ২ চামুচ, জিৰাৰ গুড়ি – ২ চামুচ, ধনীয়াৰ গুড়ি – ৪ চামুচ, গৰম মছলাৰ গুড়ি – ১ চামুচ, জলকীয়া গুড়ি – ১ চামুচ, ঘিউ – ২ চামুচ, নিমখ – সোৱাদ অনুসৰি ল’ব। একেদৰে ধনীয়া পান ১ কাপ মিহিকৈ কাটি ল’ব আৰু তেল পৰিমানৰ ওপৰত ভিত্তি কৰি ল’ব ।
ছাগলী মাংস ৰন্ধাৰ পদ্ধতি
- প্ৰথমে এবাটি পানী লওক। ধনীয়াৰ গুড়ি, গৰম মছলা গুড়ি, জলকীয়াৰ গুড়ি, জাইফলৰ গুড়ি একেলগে মিহলাই পেষ্ট বনাওক।
- এতিয়া কটা পিঁয়াজখিনি কেৰাহীত তেলত ভাজি ৰাখিব। কেৰাহীত ঘিঁউ গৰম কৰি তাত ছাগলী মাংস, দৈ, জলকীয়াৰ গুৰি আৰু আদা দিব।
- ইয়াৰ পাছতে প্ৰস্তুত কৰা মছলাৰ পেষ্ট দিব। ৩০ মিনিটৰ পিছত ওপৰত ভজা পিঁয়াজ দিব। এইবাৰ পৰ্যাপ্ত পৰিমাণৰ নিমখ দিব ।
- একেদৰে পানী দি শুকাই যোৱালৈকে উতলাই থাকিব । পানী শুকাই গ’লে ধনীয়াৰ পাত দিব । ইয়াৰ পাছতে আপুনি সহজ পদ্ধতিৰে ৰন্ধা ছাগলী মাংসৰ ৰেছিপি সোৱাদ ল’ব পাৰিব ।