পানী কমকৈ খাই নেকি? হ’ব পাৰে শৰীৰৰ এই ডাঙৰ সমস্যা, জানক চিকিৎসকৰ পৰা…

পানী

বহুতৰে কম পানী খোৱাৰ অভ্যাস আছে। বিশেষকৈ শীতকালত বহুতে কম পানী খোৱা দেখা যায়। ব্যস্ত জীৱন, কামৰ চাপ, এলাহ আদি বিভিন্ন কাৰণত মানুহে কমকৈ পানী খায়। মানুহে পানী খোৱাতো সহজভাৱ লয়। কিন্তু পানীৰ অভাৱে গুৰুতৰ সমস্যা সৃষ্টি কৰিব পাৰে। পানীয়ে শৰীৰৰ পৰা বিষাক্ত পদাৰ্থ বাহিৰ কৰাত সহায় কৰে। যেতিয়া পানী কমকৈ খোৱা যায় তেতিয়া শৰীৰত বিভিন্ন সমস্যা হয়। আনকি ই বৃক্কৰ পাথৰ (Kidney Stone) ৰ সৃষ্টি কৰিব পাৰে।

বৃক্কত পাথৰ

এই সন্দৰ্ভত সবিশেষ জনাইছে ছফদাৰজং হাস্পতালৰ নেফ্ৰ’লজী বিভাগৰ ডাঃ হিমাংশু বাৰ্মাই। তেওঁ কয় যে, যেতিয়া শৰীৰে পৰ্যাপ্ত পৰিমাণৰ পানী লাঊ নকৰে তেতিয়া প্ৰস্ৰাৱৰ পৰিমাণ কমি যায়। এনে অৱস্থাত বৃক্কত থকা খনিজ পদাৰ্থ আৰু নিমখ ভালদৰে নিৰ্গত নহয়। ই জমা হ’বলৈ ধৰে। এনে অৱস্থাত ই বৃক্কত পাথৰৰ সৃষ্টি কৰিব পাৰে।

দীৰ্ঘদিন কম পানী খালে প্ৰস্ৰাৱ গাঢ় হৈ যায়, যাৰ ফলত বৃক্কত পাথৰৰ সম্ভাৱনা বৃদ্ধি পায়। যিসকল লোকৰ ঘাম বেছি ওলাই, অতি কম পৰিমাণে তৰল পদাৰ্থ সেৱন কৰে, বা নিমখ আৰু প্ৰটিনযুক্ত খাদ্য খোৱা লোকৰ এই সমস্যা হোৱাৰ সম্ভাৱনা বেছি। ইয়াৰোপৰি প্ৰস্ৰাৱ বহু সময় ধৰি ৰাখিলেও বৃক্কত পাথৰ হ’ব পাৰে।

পানীৰ অভাৱৰ লক্ষণ

শৰীৰত পানীৰ অভাৱ হ’লে বিভিন্ন লক্ষণে দেখা দিয়ে। ভাগৰুৱা, মুখ শুকাই যোৱা, মূৰৰ বিষ আদি সাধাৰণ লক্ষণ। ইয়াৰোপৰি প্ৰস্ৰাৱ গাঢ় হালধীয়া হ’ব পাৰে। কিছুমান মানুহৰ মূৰ ঘূৰাই, কোষ্ঠকাঠিন্য আৰু ছাল শুকান হোৱাও দেখা যায়। দীৰ্ঘদিন পানীৰ অভাৱ হ’লে বৃক্কৰ সমস্যাৰ সম্ভাৱনা বৃদ্ধি পায়। ইয়াৰোপৰি পেটৰ তলৰ অংশত বিষ হ’ব পাৰে।

প্ৰতিৰোধৰ উপায়

• পৰ্যাপ্ত পৰিমাণৰ পানী খাওক।
• অতিৰিক্ত নিমখ আৰু জাংক ফুড পৰিহাৰ কৰক।
• তেলযুক্ত খাদ্য নাখাব।
• প্ৰস্ৰাৱ ধৰি নাৰাখিব।
• অধিক জানিবলৈ বিশেষজ্ঞৰ পৰামৰ্শ লওক।

অন্য খবৰ পঢ়কঃ শীতকালত ছাল শুকান হৈ পৰিলে কি কৰিব? জানক বিশেষজ্ঞৰ পৰা…