ৰক্তহীনতা, দুৰ্বল হৃদযন্ত্ৰ…এবিধ ফলে দিব সকলো সমস্যাৰ সমাধান, জানক…
যদি আপুনি কলক সাধাৰণ ফল বুলি ভাবে তেন্তে এই ভুল নকৰিব। কলত ভিটামিন চি, ডায়েটাৰী ফাইবাৰ, মেংগানিজ আদি উপাদান থাকে, যিবোৰ স্বাস্থ্যৰ বাবে অতি উপকাৰী বুলি গণ্য কৰা হয়। দৈনন্দিন খাদ্য তালিকাত দুটা কল অন্তৰ্ভুক্ত কৰিলে বহু উপকাৰ পোৱা যায়।
ৰক্তহীনতা
মানুহে সুস্বাস্থ্য বজাই ৰাখিবলৈ সকলো চেষ্টা কৰে। প্ৰায়ে শৰীৰৰ পুষ্টিৰ অভাৱ দূৰ কৰিবলৈ বিভিন্ন পৰিপূৰক সেৱন কৰে। কিন্তু আপুনি জানেনে যে আপোনাৰ খাদ্য তালিকাত মাত্ৰ দুটা কল অন্তৰ্ভুক্ত কৰিলে আপুনি আপোনাৰ সামগ্ৰিক স্বাস্থ্যৰ উন্নতি সাধন কৰিব পাৰে?
গুৰুগ্ৰামৰ মেক্স হাস্পতালৰ কনচালটেণ্ট ক্লিনিকেল এণ্ড ফাংচনেল নিউট্ৰিচন ডাঃ মঞ্জৰী চন্দ্ৰৰ মতে, কলত পটাছিয়াম আৰু ছডিয়ামৰ দৰে ইলেক্ট্ৰলাইট থাকে, যিয়ে ৰক্তচাপ নিয়ন্ত্ৰণৰ পৰা আৰম্ভ কৰি হৃদযন্ত্ৰৰ স্বাস্থ্য উন্নত কৰালৈকে সকলো কামতে সহায় কৰে। ইয়াৰ উপৰিও ইয়াত ভিটামিন চি, ডায়েটাৰী ফাইবাৰ, মেংগানিজৰ দৰে মৌল থাকে। যদি আপুনি দুৰ্বল অনুভৱ কৰে বা ৰক্তহীনতাত ভুগিছে তেন্তে দৈনিক দুটাকৈ কল খাব লাগে। জানো আহক দৈনিক দুটাকৈ কল খালে কি কি উপকাৰ হয়?
কলৰ উপকাৰিতা
- পাচনতন্ত্ৰৰ বাবে কল গুৰুত্বপূৰ্ণ। দৈনিক দুটা মজলীয়া আকাৰৰ কলে আপোনাৰ দৈনিক প্ৰয়োজনীয় আঁহৰ প্ৰায় ১৮-২০% যোগান ধৰে। ছিংগাপুৰৰ স্বাস্থ্য প্ৰসাৰ ব’ৰ্ডে মহিলাৰ বাবে প্ৰতিদিনে ২০ গ্ৰাম আৰু পুৰুষৰ বাবে ২৬ গ্ৰাম আঁহ খাবলৈ পৰামৰ্শ দিয়ে। আঁহৰ পৰিমাণে তেজৰ চুগাৰৰ মাত্ৰা নিয়ন্ত্ৰণ কৰাত সহায় কৰে আৰু শৰীৰৰ পৰা কলেষ্টেৰল আঁতৰাই পেলায়।
- তদুপৰি আধা পকা কলত পোৱা প্ৰতিৰোধী ষ্টাৰচ ক্ষুদ্ৰান্ত্ৰত হজম নহয় আৰু পোনে পোনে বৃহদান্ত্ৰলৈ যায়। এই ষ্টাৰচিযুক্ত কলে আপোনাক অধিক সময় ভৰপূৰ অনুভৱ কৰিও ওজন নিয়ন্ত্ৰণত সহায় কৰে। ইয়াৰ দ্বাৰা আপোনাৰ ওজন কমোৱাত সহায়ক হ’ব পাৰে।
- কল প্ৰাকৃতিক শক্তিৰ এক উৎকৃষ্ট উৎস। ইয়াত চুক্ৰ’জ, ফ্ৰুক্ট’জ, গ্লুক’জ থাকে, যিয়ে অতিৰিক্ত চৰ্বি আৰু কলেষ্টেৰল নোহোৱাকৈ শৰীৰক তৎক্ষণাত শক্তি প্ৰদান কৰে। এই কাৰণেই শিশু, খেলুৱৈ, আৰু ব্ৰেকফাষ্টৰ আগতে আৰু পিছত খোৱাৰ বাবে কল উপকাৰী হিচাপে গণ্য কৰা হয়।
- কলত প্ৰচুৰ পৰিমাণে মেংগানিজ পোৱা যায়। দুটা মজলীয়া আকাৰৰ কলে আপোনাৰ দৈনিক প্ৰয়োজনীয় মেংগানিজৰ প্ৰায় ২৬% যোগান ধৰে। এই মেংগানিজে আপোনাৰ শৰীৰে কলাজেন তৈয়াৰ কৰাত সহায় কৰে, যিটো ছালৰ স্বাস্থ্যৰ বাবে অতি প্ৰয়োজনীয়। তদুপৰি ই আপোনাৰ ছাল আৰু শৰীৰৰ কোষক ফ্ৰী ৰেডিকেলৰ দ্বাৰা হোৱা ক্ষতিৰ পৰা ৰক্ষা কৰে।
- কল পটাছিয়ামৰ এক উৎকৃষ্ট উৎস। দুটা মজলীয়া আকাৰৰ কলে প্ৰায় ৭৭০–৮০০ মিলিগ্ৰাম পটাছিয়াম প্ৰদান কৰে, যিটো আপোনাৰ দৈনিক প্ৰয়োজনৰ প্ৰায় ২০%। হৃদযন্ত্ৰ সুস্থ আৰু স্বাভাৱিক ৰক্তচাপ বজাই ৰখাত পটাছিয়ামে গুৰুত্বপূৰ্ণ ভূমিকা পালন কৰে।
- ৰক্তহীনতা বা তেজৰ অভাৱ মূলতঃ শৰীৰত আইৰণৰ অভাৱৰ বাবেই হয়। কলে এই সমস্যা ৰোধ কৰাত সহায় কৰে কাৰণ ইয়াত আইৰণৰ ভাল উৎস, যিয়ে হিম’গ্লবিন উৎপাদনত সহায় কৰে। ইয়াৰ উপৰিও কলত থকা ভিটামিন বি ৬ য়েও শৰীৰৰ হিম’গ্লবিন উৎপাদন প্ৰক্ৰিয়াত গুৰুত্বপূৰ্ণ ভূমিকা পালন কৰে।