প্ৰতিদিনে খাওক এই জুচ! বৃদ্ধি হ’ব হজম শক্তি, জিলিকিব ছাল…

প্ৰতিদিনে খাওক এই জুচ

সকলোৱে জিলিকি থকা ছাল আৰু সুস্থ শৰীৰৰ সপোন দেখে। দামী প্ৰসাধন সামগ্ৰী আৰু চিকিৎসাৰ পৰিৱৰ্তে যদি আপুনি আপোনাৰ ছালখন প্ৰাকৃতিকভাৱে উন্নত কৰিব বিচাৰে তেন্তে জুচ আপোনাৰ প্ৰিয় বন্ধু হ’ব পাৰে।  সতেজ ফল-মূলৰ পৰা প্ৰস্তুত কৰা ৰসে আপোনাৰ ছালখন জিলিকাই তোলাই নহয়, পাচনতন্ত্ৰও সুস্থ কৰি ৰাখে। কাৰণ স্বাস্থ্যসন্মত হজম শক্তিয়ে হ’ল উজ্জ্বল ছালৰ ৰহস্য। এনে পাঁচটা যাদুকৰী জুচ (Juice for Healthy Skin)ৰ বিষয়ে জানো আহক যিবোৰ আপোনাৰ ছাল আৰু স্বাস্থ্য দুয়োটাৰে বাবে উপকাৰী।

গাজৰ আৰু কমলাৰ ৰস

এই জুচ সোৱাদ আৰু স্বাস্থ্য দুয়োটা দিশতে অতুলনীয়। গাজৰত প্ৰচুৰ পৰিমাণে বিটা-কেৰটিন থাকে, যিটো শৰীৰত ভিটামিন এলৈ ৰূপান্তৰিত হয়। ইয়াৰ ফলত ছালৰ কোষবোৰ মেৰামতি কৰাত সহায় কৰে আৰু ছালখন সুস্থ কৰি ৰাখে। কমলা ভিটামিন চিৰ এক উৎকৃষ্ট উৎস, যিয়ে কলাজেন উৎপাদনত সহায় কৰে আৰু ছালখনক যৌৱন আৰু দৃঢ় কৰি ৰাখে। এন্টিঅক্সিডেন্ট সমৃদ্ধ এই ৰসে বাৰ্ধক্যৰ লক্ষণ ৰোধ কৰে আৰু হজম শক্তি উন্নত কৰে।

বীট, ডালিম, আৰু আপেলৰ ৰস

বীটে প্ৰাকৃতিক তেজ বিশুদ্ধকৰণৰ কাম কৰে। তেজ বিশুদ্ধ হ’লে ছাল স্বাভাৱিকতে জিলিকি উঠিব। ইয়াৰ এন্টি-ইনফ্লেমেটৰী গুণে পিম্পল আৰু ব্ৰণ কমোৱাত সহায় কৰে। ডালিমত প্ৰচুৰ পৰিমাণে এন্টিঅক্সিডেন্ট থাকে, যিয়ে ছালখনক ফ্ৰী ৰেডিকেলৰ ক্ষতিৰ পৰা ৰক্ষা কৰে। আপেলত আঁহৰ উত্তম উৎস, যিয়ে শৰীৰৰ পৰা বিষাক্ত পদাৰ্থ বাহিৰ কৰি পেলোৱাত সহায় কৰে আৰু লগতে পাচনতন্ত্ৰ সুস্থ।

পালেং আৰু কিউইৰ জুচ

সেউজীয়া পাতৰ শাক-পাচলি সদায় স্বাস্থ্যৰ বাবে উপকাৰী। পালেঙত প্ৰচুৰ পৰিমাণে আইৰণ, ভিটামিন কে, আৰু ফ’লেট থাকে, যিয়ে ছালৰ ৰং উন্নত কৰে আৰু ছালখন সুস্থ কৰি ৰাখে। কিউই হৈছে ভিটামিন চিৰ ভঁৰাল, যিয়ে কলাজেন গঠনত সহায় কৰে আৰু ছালৰ স্থিতিস্থাপকতা বজাই ৰাখে। এই ৰস শৰীৰৰ বিষমুক্ত কৰাৰ লগতে কোষ্ঠকাঠিন্য দূৰ কৰাত অতি ফলপ্ৰসূ।

বিলাহী আৰু ধনীয়াৰ ৰস

বিলাহীত লাইকোপেন নামৰ এন্টিঅক্সিডেন্ট থাকে, যিয়ে ছালখনক ক্ষতিকাৰক সূৰ্যৰ ৰশ্মিৰ পৰা ৰক্ষা কৰাত সহায় কৰে আৰু বলিৰেখা ৰোধ কৰে। ইয়াৰ উপৰিও ই ছালৰ ৰং উন্নত কৰে। ধনীয়াৰ পাতত প্ৰচুৰ পৰিমাণে ভিটামিন চি আৰু ভিটামিন কে থাকে আৰু ইয়াৰ বিষমুক্তকৰণ গুণ আছে। ইয়াৰ উপৰিও এই ৰসে পাচন এনজাইম সক্ৰিয় কৰি হজম শক্তি উন্নত কৰে।

পানীলাউ, পদিনা, আৰু নেমুৰ ৰস

পানীলাউত প্ৰচুৰ পৰিমাণে পানী আৰু চিলিকা থাকে। যিয়ে ছালখনক ভিতৰৰ পৰা হাইড্ৰেট কৰি তাৰ আৰ্দ্ৰতা বজাই ৰাখে। ই ছালখন ঠাণ্ডা কৰি প্ৰদাহ আৰু বিষ কমায়। পদিনাই পাচনতন্ত্ৰক শান্ত কৰে আৰু গেছ আৰু এচিডিটিৰ পৰা সকাহ দিয়ে। নেমু ভিটামিন চিৰ উৎস আৰু শৰীৰৰ পৰা বিষাক্ত পদাৰ্থ আঁতৰাই তেজ বিশুদ্ধ কৰে। এই ৰসে শৰীৰৰ বাবে প্ৰাকৃতিক পৰিষ্কাৰক হিচাপে কাম কৰে।

লগতে পঢ়ক: বয়সৰ আগতেই বুঢ়া হ’ব ধৰিছে নেকি? সদায় খাওক এইবিধ বস্তু…