তেজ প্ৰতাপ যাদৱক দল, পৰিয়ালৰ পৰা বহিষ্কাৰ! পুত্ৰক কিয় এনে কঠোৰ শাস্তি দিলে লালু প্ৰসাদ যাদৱে?

লালু প্ৰসাদ যাদৱ, তেজ প্ৰতাপ যাদৱ

বিহাৰৰ প্ৰাক্তন মুখ্যমন্ত্ৰী তথা আৰজেডিৰ সুপ্ৰিম’ লালু প্ৰসাদৰ জ্যেষ্ঠ পুত্ৰ তেজ প্ৰতাপ যাদৱক লৈ সৃষ্টি হোৱা বিতৰ্ক কোনো নতুন কথা নহয়। ইয়াৰ পূৰ্বেও তেজ প্ৰতাপ যাদৱে নিজৰ এনে কাণ্ডৰ বাবে শিৰোনাম দখল কৰি আহিছে আৰু তেওঁৰ বক্তব্যৰ বাবে বিতৰ্কৰ সন্মুখীন হৈছে। নিজকে কৃষ্ণৰ ভক্ত বুলি কোৱা তেজ প্ৰতাপ যাদৱ কেতিয়াবা ধৰ্মীয় বিশ্বাসৰ বাবে, কেতিয়াবা পত্নী ঐশ্বৰ্যক এৰি যোৱাৰ বাবে আৰু তেওঁৰ লগত হোৱা বিবাদৰ বাবে আৰু কেতিয়াবা দলৰ জ্যেষ্ঠ নেতা জগদানন্দ সিঙৰ সৈতে হোৱা বিবাদে ৰাজনৈতিক আলোচনাৰ সূচনা কৰিছিল। এইবাৰ হোলী উপলক্ষে তেওঁ আৰক্ষীক নাচিব লাগিব নহ’লে নিলম্বিত কৰা হ’ব বুলি দিয়া বক্তব্যৰ বাবে বিৰোধীৰ লক্ষ্যত আছিল আৰু এই ভিডিঅ’টো ছ’চিয়েল মিডিয়াতো ভাইৰেল হৈ পৰিছিল।

মুঠৰ ওপৰত তেজ প্ৰতাপ যাদৱ আৰু বিতৰ্কৰ সৈতে দীৰ্ঘদিনীয়া সম্পৰ্ক আছে। ৰাষ্ট্ৰীয় জনতা দলৰ জ্যেষ্ঠ নেতা তথা প্ৰাক্তন স্বাস্থ্যমন্ত্ৰী তেজপ্ৰতাপ যাদৱে পুনৰবাৰ বাতৰিৰ শিৰোনাম দখল কৰিছে আৰু এইবাৰ কাৰণ কোনো ৰাজনৈতিক বক্তব্য নহয় তেওঁৰ ব্যক্তিগত জীৱন। তেজ প্ৰতাপে ফেচবুকত বিতৰ্কিত পোষ্ট দিয়াৰ অভিযোগত বিহাৰৰ ৰাজনীতিত আলোড়নৰ সৃষ্টি হয়। এই পোষ্টটোত তেওঁ নিজকে এগৰাকী ছোৱালীৰ সৈতে সম্পৰ্কত থকা বুলি বৰ্ণনা কৰিছে, যাৰ সৈতে জড়িত বিতৰ্কই তেওঁক সমালোচনাৰ সন্মুখীন কৰাই নহয় ৰাজনৈতিকভাৱেও বিচ্ছিন্ন কৰি পেলাইছিল, অৱশ্যে সন্ধিয়ালৈকে তেজ প্ৰতাপ যাদৱে সেই পোষ্টটো ডিলিট কৰি AIৰ জৰিয়তে নিজৰ আৰু পৰিয়ালৰ ভাবমূৰ্তি কলংকিত কৰাৰ ষড়যন্ত্ৰ বুলি অভিহিত কৰে। ইয়াৰ পিছত যেন বিষয়টো স্তব্ধ হৈ পৰিল।

কিয় ব্যৱস্থা গ্ৰহণ কৰিলে লালু প্ৰসাদে?

কিন্তু দেওবাৰে পৰিয়াল আৰু নৈতিকতাৰ উদ্ধৃতি দি আৰজেডিৰ মুৰব্বী লালু প্ৰসাদ যাদৱে পুনৰ সম্পৰ্ক বিতৰ্কত ইন্ধন যোগাই তেজ প্ৰতাপ যাদৱক দল আৰু পৰিয়ালৰ পৰা বহিষ্কাৰ কৰাৰ কথা ঘোষণা কৰে। উল্লেখ্য যে বিহাৰত আগন্তুক বিধানসভা নিৰ্বাচন থকা সময়ত এই সিদ্ধান্ত লোৱা হৈছে। যিকোনো ধৰণৰ বিতৰ্কই দলৰ ভাবমূর্তিৰ ক্ষতি কৰিব পাৰে, কিন্তু প্রশ্ন হ’ল বছৰ বছৰ ধৰি তেজ প্রতাপ যাদৱৰ কার্যকলাপক আওকাণ কৰা লালু প্রসাদ যাদৱে তেজ প্রতাপ যাদৱৰ বিৰুদ্ধে কিয় ইমান কঠোৰ ব্যৱস্থা ল’লে? ইয়াৰ কাৰণ কি?

জ্যেষ্ঠ সাংবাদিক তথা ৰাজনৈতিক বিশ্লেষক ওমপ্ৰকাশ আস্কে কয়, এ”য়া লালু প্ৰসাদৰ ক্ষতি নিয়ন্ত্ৰণৰ প্ৰয়াস। বিহাৰ নিৰ্বাচনৰ পূৰ্বে ৰাজ্যত তেজস্বী যাদৱৰ সপক্ষে বতাহ বলিছে। যোৱাবাৰৰ তুলনাত উন্নত প্ৰদৰ্শনৰ আশা কৰা হৈছে। এনে পৰিস্থিতিত তেজ প্ৰতাপ যাদৱৰ এই পোষ্টটো পৰিয়াল আৰু সমাজৰ বাবে এক উচটনিমূলক পদক্ষেপ বুলি অভিযোগ উঠিছে।” ফেচবুক পোষ্টটোত দাবী কৰা মতে যদি তেজ প্ৰতাপ যাদৱৰ সেই ছোৱালীজনীৰ সৈতে ১২ বছৰৰ পৰা সম্পৰ্ক আছিল, তেন্তে প্ৰশ্ন উত্থাপন হয় যে ২০১৮ চনত তেজপ্ৰতাপৰ ঐশ্বৰ্যৰ সৈতে কিয় বিবাহ হৈছিল?

তেওঁ কয়, “ইয়াৰ অৰ্থ এই কথিত সম্পৰ্ক বিবাহৰ পূৰ্বেই আছিল, যিটো পিছলৈ তেজ প্ৰতাপ যাদৱে নিজেই অস্বীকাৰ কৰিছিল। তেজ প্ৰতাপৰ অমতত বিয়া ঠিক হৈ গ’ল। ঐশ্বৰ্য শিক্ষিত আৰু তেজ প্ৰতাপ পঞ্চম শ্ৰেণীত উত্তীৰ্ণ আছিল। লালুৰ জ্যেষ্ঠ বোৱাৰীক কেনে ব্যৱহাৰ কৰা হৈছিল সেই সম্পৰ্কে সংবাদ মাধ্যমত ক্লিপিঙেৰে ভৰি পৰিছে। যাৰ কাজিয়া, গোচৰ সকলো হৈ গৈছে। আদালতত বিচাৰাধীন হৈ আছে বিবাহ বিচ্ছেদৰ গোচৰ।”

ওমপ্ৰকাশ আস্কে কয়, দ্বিতীয়তে, কথিত ফেচবুক পোষ্টৰ মতে, সম্পৰ্কৰ কথা ক’লে, যদি তেওঁৰ বিয়া নোহোৱাকৈয়ে সম্পৰ্কত আছিল। এয়াও অপৰাধ আৰু যাদৱ সমাজে কেতিয়াও মানি নলয়। কোনবোৰ প্ৰশ্নৰ উত্তৰ দিব লালু যাদৱৰ পৰিয়ালে? ইয়াৰ ফলত কথা বিষম হ’লহেতেন। গতিকে এই ক্ষতি নিয়ন্ত্ৰণৰ চেষ্টা কৰা হ’ল, কিন্তু বাৰ্তাটো ইতিমধ্যে প্ৰেৰণ কৰা হ’ল। গভীৰ নিশা তেজ প্ৰতাপে ডিলিট কৰি আপলোড কৰা এআইৰ অলৌকিকতা বুলি  কৈ অস্বীকাৰ কৰাৰ পিছত লালু যাদৱৰ এই কাৰ্যই গোটেই কাহিনীটো বৰ্ণনা কৰিছে।”