ৰাছিয়াৰ ৰাষ্ট্ৰপতি পুটিনক দিয়া প্ৰধানমন্ত্ৰী মোদীৰ উপহাৰৰ টোপোলাত কি কি আছিল ?

ৰাছিয়াৰ ৰাষ্ট্ৰপতি ভ্লাদিমিৰ পুটিনক উপহাৰ হিচাপে অসমৰ চাহ দিলে প্ৰধানমন্ত্ৰী নৰেন্দ্ৰ মোদীয়ে। ইয়াৰ লগতে উপহাৰ হিচাপে দিলে কাশ্মীৰী চেফ্ৰন, হাতেৰে নিৰ্মিত ৰূপৰ ঘোঁৰা, এটা চাহৰ চেট আৰু ভাগৱতৰ ৰাছিয়ান সংস্কৰণ। উল্লেখ্য যে, দুদিনীয়া ভ্ৰমণসূচীৰে বৃহস্পতিবাৰে ভাৰতলৈ আহিছিল ৰাছিয়াৰ ৰাষ্ট্ৰপতি পুটিন। ইয়াৰ পাছতে কেইবাটাও গুৰুত্বপূৰ্ণ কাৰ্যসূচীত অংশগ্ৰহণ কৰে পুটিনে।

ৰাছিয়াৰ ৰাষ্ট্ৰপতি ভ্লাদিমিৰ পুটিনে ২৩ সংখ্যক ভাৰত–ৰাছিয়া বাৰ্ষিক সন্মিলন আৰু ৰাষ্ট্ৰপতি ভৱনত নৈশ আহাৰ গ্ৰহণ কৰি আজি পুনৰ ৰাছিয়ালৈ ৰাওনা হয়। উচ্চ পৰ্যায়ৰ আলোচনা, সাংস্কৃতিক বিনিময়, আৰু কৌশলগত ঘোষণাৰ দ্বাৰা চিহ্নিত পুটিনৰ এই ভ্ৰমণে প্ৰতিৰক্ষা, শক্তি, বাণিজ্য আৰু জনসাধাৰণৰ সহযোগিতাৰ ক্ষেত্ৰত ভাৰত-ৰাছিয়াৰ সম্পৰ্কৰ অবিৰত গতিক প্ৰতিফলিত কৰে।

উপহাৰ হিচাপে কি কি দিলে ?

পবিত্ৰ শ্ৰীমদ্ভাগৱতে কৰ্তব্য, নৈতিকতা আৰু আধ্যাত্মিক বিকাশৰ কালজয়ী অন্তৰ্দৃষ্টি আগবঢ়াইছে। একে সময়তে উৰ্বৰ ব্ৰহ্মপুত্ৰ সমভূমিত উৎপাদিত অসমৰ ক’লা চাহ পুটিনক উপহাৰ হিচাপে দিয়ে প্ৰধানমন্ত্ৰী মোদীয়ে। ২০০৭ চনত জি আই টেগেৰে স্বীকৃতি পোৱা ই ভূমি, জলবায়ু আৰু শিল্পকলাৰ দ্বাৰা গঢ় লৈ উঠা এক সমৃদ্ধ ঐতিহ্যক প্ৰতিনিধিত্ব কৰে। অসমৰ চাহে অসমৰ সাংস্কৃতিক ঐতিহ্যক প্ৰতিনিধিত্ব কৰাৰ লগতে স্বাস্থ্যৰ বাবেও উপকাৰী।

অলংকৃত মুৰ্ছিদাবাদত নিৰ্মিত ৰূপালী চাহৰ চেটটোৱে পশ্চিম বংগৰ চহকী শিল্পকলা আৰু ভাৰত আৰু ৰাছিয়া উভয়ৰে চাহৰ গভীৰ সাংস্কৃতিক গুৰুত্বক প্ৰতিফলিত কৰে। মহাৰাষ্ট্ৰত হাতেৰে নিৰ্মিত ৰূপৰ ঘোঁৰাটোৱে ভাৰতৰ ধাতু শিল্পক প্ৰতিনিধিত্ব কৰে। লগতে ই ভাৰত-ৰাছিয়াৰ স্থায়ী আৰু সদায় আগবাঢ়ি অহা অংশীদাৰিত্বৰ বাবে এক উপমা হিচাপে পৰিগণিত হয়।

প্ৰধানমন্ত্ৰী মোদীয়ে আগ্ৰাৰ পৰা হাতেৰে নিৰ্মিত মাৰ্বল দবা চেট উপহাৰ হিচাপে দিয়ে ৰাছিয়া ৰাষ্ট্ৰপতি পুটিনক। ইফালে, কাশ্মীৰত খেতি কৰা কাশ্মীৰী চেফ্ৰন (স্থানীয়ভাৱে কং বা জাফ্ৰান নামেৰে জনাজাত) উপহাৰ হিচাপে লাভ কৰে পুটিনে।