‘অদৃশ্য’ হৈ শত্ৰুক কৰিব পাৰিব নিৰ্মূল ! ভাৰতৰ সীমান্তৰক্ষী বাহিনীয়ে লাভ কৰিব বিশেষ ডিজিটেল ইউনিফৰ্ম…
বিএছএফৰ নতুন ইউনিফৰ্ম এই বাবে বিশেষ হ’ব যে ইয়াক কপি কৰাটো প্ৰায় অসম্ভৱ হৈ পৰিব। কেৱল সেয়াই নহয়, এই পোছাকৰ বাবে সীমান্তত বি এছ এফ জোৱানৰ উপস্থিতি কোনো উমান নাপাব শত্ৰু পক্ষই । জংঘল অঞ্চলত শত্ৰুৰ চকুত ধূলি দিব পৰাকৈ তৈয়াৰ কৰা হৈছে এই পোছাক ।
বিএছএফ
নতুন ডিজিটেল ছদ্মবেশ ইউনিফৰ্ম লাভ কৰিব ভাৰতৰ সীমান্তৰক্ষী বাহিনীয়ে । এই নতুন ইউনিফৰ্ম এই বাবে বিশেষ হ’ব যে ইয়াক কপি কৰাটো প্ৰায় অসম্ভৱ হৈ পৰিব। কেৱল সেয়াই নহয়, এই পোছাকৰ বাবে সীমান্তত বি এছ এফ জোৱানৰ উপস্থিতি কোনো উমান নাপাব শত্ৰু পক্ষই । জংঘল অঞ্চলত শত্ৰুৰ চকুত ধূলি দিব পৰাকৈ তৈয়াৰ কৰা হৈছে এই পোছাক ।
পহলগাম আক্ৰমণৰ পূৰ্বে বহুবাৰ দেখা গৈছে যে, সন্ত্ৰাসবাদীয়ে প্ৰায়ে বি এছ এফৰ ভুৱা ইউনিফৰ্ম পিন্ধি নিৰাপত্তাৰক্ষীৰ চকুত ধূলি দি বিভিন্ন কাৰ্যকলাপ সম্পাদন কৰি আছে । আনকি বহু সময়ত বি এছ এফৰ দৰে ইউনিফৰ্মৰ ভুৱা কপি মুকলিকৈ বিক্ৰী কৰাও দেখা যায় ।
এনে ক্ষেত্ৰত কেন্দ্ৰীয় গৃহ মন্ত্ৰালয়ে বিএছএফৰ বাবে নতুন পোছাক প্ৰস্তুত কৰাৰ সিদ্ধান্ত লৈছে । এই পোছাকত ডিজিটেল প্ৰিন্টৰ কাম্পলেক্স পিক্সেল আৰু বহু ৰং ব্যৱহাৰ কৰা হৈছে। গৃহ মন্ত্ৰালয়ৰ দাবী, এই নতুন পোছাক যোৰ নকল কৰাটো কঠিন। কাৰণ ইয়াত এনে কাপোৰ, ৰং, ডিজিটেল প্ৰিন্ট আৰু গোপন এমব্ৰডাৰী ব্যৱহাৰ কৰা হৈছে যে উগ্ৰপন্থীয়ে বা কোনো শত্ৰুৱে ইয়াক নকল কৰাটো অসম্ভৱ।
ইতিমধ্যে সীমান্ত সুৰক্ষা বাহিনীৰ প্ৰায় ১২ লাখ জোৱানৰ বাবে নতুন ইউনিফৰ্মৰ ডেলিভাৰী আৰম্ভ হৈছে। এই পোছাক বিশেষভাৱে প্ৰস্তুত কৰিছে নেশ্যনেল ইনষ্টিটিউট অৱ ফেশ্বন টেকন’লজি (NIFT)য়ে। কোৱা হৈছে যে, এই নতুন পোছাক আগৰ তুলনাত পাতল, সেউজীয়া আৰু অলিভ ৰং ব্যৱহাৰ কৰা হৈছে ।
জোৱানসকলে যাতে সকলো বতৰৰ লগত খাপ খাব পাৰে তাৰ বাবে বিশেষভাৱে ডিজাইন কৰা হৈছে এই পোছাক । সেনাই এই নতুন পোছাকৰ কপিৰাইটৰ ব্যৱস্থা কৰিছে। এই পোছাক সেনাবাহিনীৰ কেন্টিনৰ বাহিৰে আন ক’তো উপলব্ধ নহ’ব। যদি কোনো কোম্পানীয়ে এই বি এছ এফৰ পোছাকৰ দৰে কাপোৰ বিক্ৰী কৰে তেন্তে সেনাই সেই কোম্পানীৰ বিৰুদ্ধে ৰুজু কৰিব গোচৰ ।