Hydrogen train coach: দেশৰ প্ৰথমটো হাইড্ৰ’জেন চালিত ৰে’লৰ ডবাৰ পক্ষীৰণ সম্পন্ন
Hydrogen train coach: দেশৰ প্ৰথমটো হাইড্ৰ'জেন চালিত ৰে'লৰ ডবাৰ পৰীক্ষণ সম্পন্ন। এই পৰীক্ষা ভাৰতৰ স্বচ্ছ আৰু সেউজ পৰিবহনৰ বিকল্পৰ দিশত পৰিৱৰ্তনৰ প্ৰচেষ্টাত এক ডাঙৰ মাইলৰ খুঁটি হিচাপে চিহ্নিত হৈছে।
হাইড্ৰ'জেন চালিত ৰে'ল ডবাৰ পৰীক্ষণ সম্পন্ন
কেন্দ্ৰীয় ৰে’ল মন্ত্ৰী অশ্বিনী বৈষ্ণৱে শুকুৰবাৰে ঘোষণা কৰে যে চেন্নাইৰ ইন্টিগ্ৰেল ক’চ ফেক্টৰী (আইচিএফ)ত দেশৰ প্ৰথমটো হাইড্ৰ’জেন চালিত ডবা সফলতাৰে পৰীক্ষণ সম্পন্ন কৰি ভাৰতীয় ৰে’লৱেই এক ডাঙৰ মাইলৰ খুঁটি অৰ্জন কৰিছে।
‘‘চেন্নাইৰ আইচিএফত প্ৰথম হাইড্ৰ’জেন চালিত ডবা (ড্ৰাইভিং পাৱাৰ কাৰ) সফলতাৰে পৰীক্ষা কৰা হৈছে। ভাৰতে ১২০০ HP হাইড্ৰ’জেন ৰে’ল নিৰ্মাণ কৰি আছে। ইয়াৰ ফলত হাইড্ৰ’জেন চালিত ৰে’ল প্ৰযুক্তিৰ ক্ষেত্ৰত ভাৰতক আগশাৰীৰ স্থানত স্থান দিয়া হ’ব।‘’ এক্সত এক পোষ্টত বৈষ্ণৱে কয়।
এই পৰীক্ষা ভাৰতৰ স্বচ্ছ আৰু সেউজ পৰিবহনৰ বিকল্পৰ দিশত পৰিৱৰ্তনৰ প্ৰচেষ্টাত এক ডাঙৰ মাইলৰ খুঁটি হিচাপে চিহ্নিত হৈছে। “হাইড্ৰ’জেন ফৰ হেৰিটেজ” পদক্ষেপৰ অধীনত ৩৫খন হাইড্ৰ’জেন চালিত ৰে’ল নিয়োগ কৰাৰ বাবে ভাৰতীয় ৰে’লৱেৰ বহল দৃষ্টিভংগীৰ অংশ হৈছে এই হাইড্ৰ’জেন ডবা।
First Hydrogen powered coach (Driving Power Car) successfully tested at ICF, Chennai.
India is developing 1,200 HP Hydrogen train. This will place India among the leaders in Hydrogen powered train technology. pic.twitter.com/2tDClkGBx0
— Ashwini Vaishnaw (@AshwiniVaishnaw) July 25, 2025
এই ৰে’লসমূহে সমগ্ৰ দেশৰ ঐতিহ্য। পাহাৰীয়া পথত চলাচল কৰাৰ উদ্দেশ্যেৰে প্ৰতিখন ৰে’লৰ বাবে আনুমানিক খৰচ ৮০ কোটি টকা আৰু প্ৰতিটো পথৰ বাবে স্থল আন্তঃগাঁথনি সমৰ্থনৰ বাবে অতিৰিক্ত খৰচ ৭০ কোটি টকা।
ভাৰতীয় ৰে’লৱেই বৰ্তমানৰ ডিজেল ইলেক্ট্ৰিক মাল্টিপল ইউনিট (DEMU)ত হাইড্ৰ’জেন ইন্ধন কোষ ৰেট্ৰ’ফিট কৰাৰ বাবেও পাইলট প্ৰজেক্ট আৰম্ভ কৰিছে। স্থল আন্তঃগাঁথনি স্থাপনকে ধৰি এই প্ৰকল্পটো ১১১.৮৩ কোটি টকা ব্যয় সাপেক্ষে ৰূপায়ণ কৰা হৈছে আৰু উত্তৰ মণ্ডল ৰে’লৱেৰ জিন্দ–শোনিপাট অংশত চলোৱাৰ পৰিকল্পনা কৰা হৈছে।
যদিও ভাৰতীয় প্ৰেক্ষাপটত হাইড্ৰ’জেন ভিত্তিক ৰে’লৰ পৰিচালনা ব্যয় এতিয়াও নিশ্চিতভাৱে প্ৰতিষ্ঠা হোৱা নাই, প্ৰাৰম্ভিক অনুমান অনুসৰি পৰিচালনা ব্যয় অধিক হ’ব, আৰু হাইড্ৰ’জেন ৰে’লৰ সংখ্যা বৃদ্ধিৰ লগে লগে ই হ্ৰাস পোৱাৰ আশা কৰা হৈছে। অৰ্থনৈতিক বিবেচনাৰ বাহিৰেও হাইড্ৰ’জেন ইন্ধনক শূন্য কাৰ্বন নিৰ্গমনকে ধৰি পৰিৱেশগত উপকাৰিতাৰ বাবে ব্যাপকভাৱে স্বীকৃতি দিয়া হৈছে, যাৰ ফলত ই ভাৰতৰ স্বচ্ছ শক্তি পৰিৱৰ্তন কৌশলৰ এক মূল উপাদান।
হাইড্ৰ’জেন গতিশীলতাৰ দিশত ভাৰতৰ প্ৰয়াস ৰে’ল খণ্ডৰ বাহিৰলৈও বিস্তৃত। ২০২৪ চনত কেন্দ্ৰীয় পেট্ৰ’লিয়াম আৰু প্ৰাকৃতিক গেছ মন্ত্ৰী হৰদীপ সিং পুৰীয়ে ভূটানৰ প্ৰধানমন্ত্ৰী শ্বেৰিং টবগেৰ আনুষ্ঠানিক ভ্ৰমণৰ সময়ত ইণ্ডিয়ান অইলে নিৰ্মাণ কৰা হাইড্ৰ’জেন ইন্ধন চালিত বাছ এখন উপহাৰ দি সেউজ হাইড্ৰ’জেন শক্তিৰ পদক্ষেপৰ ক্ষেত্ৰত দেশৰ অগ্ৰগতি প্ৰদৰ্শন কৰিছিল।