শিশুৰ আইচক্ৰীমত হুইস্কি মিহলাই বিক্ৰী! আৰক্ষীৰ অভিযানত ২৩ কাৰ্টন আইচক্ৰীম জব্দ

আইচক্ৰীমত হুইস্কি মিহলাই বিক্ৰী!

আপোনাৰ শিশুটিৱেও  আইচক্ৰীম খাবলৈ ভাল পায় নেকি? তেন্তে সাৱধান হওক। যদিও সকলো বয়সৰ লোকসকলেও আইচক্ৰীম খাবলৈ ভাল পায়, কিন্তু শিশুৰ ক্ষেত্ৰত ই অধিক প্ৰিয়। কিন্তু আইচক্ৰীম খোৱাৰ আগত এবাৰ ভালদৰে পৰীক্ষা কৰক। কাৰণ তেলেংগানাৰ হায়দৰাবাদৰ জুবিলী হিলছত সংঘটিত হৈছে এক ভয়ংকৰ ঘটনা। য’ত সুৰা (হুইস্কি) মিহলি কৰি আইচক্ৰীম তৈয়াৰ কৰা হৈছিল।  আইচক্ৰীম কিয় এনেদৰে বনোৱা হৈছিল? সকলোৱে ইয়াৰ উত্তৰ বিচাৰিছে…

এনে ক্ষেত্ৰত শিশুসকলক এই আইচক্ৰীম খুৱাই আসক্ত কৰিবলৈ চেষ্টা কৰা হৈছিল নেকি? এয়া এক অনুসন্ধানৰ বিষয়।এই আইচক্ৰীমৰ সৰ্বাধিক বিক্ৰীৰ বাবে ফেচবুকত প্ৰচাৰো চলোৱা হৈছিল। যিসকলে আইচক্ৰীম এই কিনিছিল তেওঁলোকে এই সম্পৰ্কে অজ্ঞাত আছিল যে আইচক্ৰীমত হুইস্কি মিহলি কৰা হৈছে। এই বিষয়ত অজ্ঞাত লোকসকলে সৰু ল’ৰা-ছোৱালীক এই আইচক্ৰীম খুৱাইছিল।

আইচক্ৰীমত নিচাযুক্ত দ্ৰব্য মিহলি কৰা তথ্য পোৱাৰ পাছত, বিষয়াসকলৰ এটা দলে তালাচী চলাবলৈ ঘটনাস্থলীত উপস্থিত হয় আৰু ঘটনাস্থলীৰ পৰা ২৩ কাৰ্টন হুইস্কি আইচক্ৰীম জব্দ কৰে।
কৰ্তৃপক্ষই এই ক্ষেত্ৰত তদন্ত কৰি দয়াকৰ ৰেড্ডীৰ লগতে আইচক্ৰীম তৈয়াৰ কৰা লোকসকল গ্ৰেপ্তাৰ কৰিছে। নিচাযুক্ত দ্ৰব্য মিহলি আইচক্ৰীমৰ দোকানখন শৰৎ চন্দ্ৰ ৰেড্ডী নামৰ এজন ব্যক্তিক বিক্ৰী কৰা হৈছিল। য’ৰ পৰা ১১ কিলোগ্ৰাম এনে সামগ্ৰী জব্দ কৰা হৈছিল, যিবোৰ আইচক্ৰীমৰ সৈতে মিহলি বিক্ৰী কৰাটো এক অপৰাধ। এই আইচক্ৰীমসমূহ এৰিক’ কেফেত বিক্ৰী কৰা হৈছিল। একাংশ লোকে এই আইচক্ৰীম নিৰ্মাতাৰ বিৰুদ্ধে অভিযোগ উত্থাপন কৰিছিল।

আইচক্ৰীমত হুইস্কি মিহলি কৰাৰ বিষয়ে খবৰ কৰাৰ পাছত শিশুসকলৰ পৰিয়ালৰ লোক চিন্তিত হৈ পৰিছে। এই কাম কৰা অভিযুক্তসকলক বিচাৰি থকা হৈছে। একে সময়তে বিষয়াসকলে কৈছে যে যিসকলে এনে কৰিছে তেওঁলোকৰ বিৰুদ্ধে কঠোৰ ব্যৱস্থা গ্ৰহণ কৰা হ’ব। যিসকলে শিশুৰ জীৱনৰ সৈতে খেলা কৰিছিল তেওঁলোকক সতৰ্ক কৰি দিয়া হৈছে।