কেন্দ্ৰই আজি লোকসভাত উত্থাপন কৰিব তিনিখন বিধেয়ক, এইলৈ গুৰুতৰ অভিযোগ সাংসদ গৌৰৱ গগৈৰ
তিনিখন বিধেয়ক উত্থাপনকলৈ ডাঙৰ অভিযোগ উত্থাপন কৰিছে কংগ্ৰেছৰ সাংসদ গৌৰৱ গগৈয়ে। তেওঁ অভিযোগ কৰিছে যে,বিহাৰত ৰাহুল গান্ধীৰ “ভোট অধিকাৰ যাত্ৰা”ৰ পৰা জনসাধাৰণৰ দৃষ্টি আঁতৰাবলৈ সংসদত তিনিখন বিধেয়ক উত্থাপনৰ পদক্ষেপ গ্ৰহণ কৰিছে কেন্দ্ৰয়।
সাংসদ গৌৰৱ গগৈ
আজি বুধবাৰে কেন্দ্ৰীয় গৃহমন্ত্ৰী অমিত শ্বাহে সংসদত উত্থাপন কৰিব তিনিখনকৈ বিধেয়ক। এই তিনিখন বিধেয়ক উত্থাপনকলৈ ডাঙৰ অভিযোগ উত্থাপন কৰিছে কংগ্ৰেছৰ সাংসদ গৌৰৱ গগৈয়ে। তেওঁ অভিযোগ কৰিছে যে,বিহাৰত ৰাহুল গান্ধীৰ “ভোট অধিকাৰ যাত্ৰা”ৰ পৰা জনসাধাৰণৰ দৃষ্টি আঁতৰাবলৈ সংসদত তিনিখন বিধেয়ক উত্থাপনৰ পদক্ষেপ গ্ৰহণ কৰিছে কেন্দ্ৰয়। তেওঁ কয় যে, ১৬ দিনত ১৩০০ কিলোমিটাৰ দৈৰ্ঘ্যৰ এই যাত্ৰাৰ লক্ষ্য হৈছে বিহাৰৰ বিধানসভা নিৰ্বাচনৰ পূৰ্বে ভোটাৰ তালিকাৰ বিকৃতকৰণৰ অভিযোগক আলোকপাত কৰা আৰু গণতান্ত্ৰিক অধিকাৰ সুৰক্ষিত কৰা।
“গৃহমন্ত্ৰী অমিত শ্বাহৰ বিধেয়কসমূহ ৰাহুল গান্ধীৰ ভোট অধিকাৰ যাত্ৰাৰ পৰা জনসাধাৰণৰ দৃষ্টি আঁতৰাই নিয়াৰ এক প্ৰচেষ্টাৰ বাহিৰে আন একো নহয়। প্ৰথমে চি এছ ডি এছ – বিজেপি আই টি চেলৰ নাটক আৰু এতিয়া এই বিধেয়কসমূহ। স্পষ্টভাৱে বিহাৰত পৰিৱৰ্তনৰ বতাহ বলিছে।” এক্স হেণ্ডেলৰ এটা পোষ্টত এইদৰে কয় সাংসদ গৌৰৱ গগৈয়ে।
The bills of Home Minister Amit Shah are nothing but a desperate attempt to divert the attention of the public away from the blistering Vote Adhikar Yatra of Shri Rahul Gandhi.
First CSDS – BJP IT cell drama and now these bills.
Clearly the winds of change are blowing in…
— Gaurav Gogoi (@GauravGogoiAsm) August 19, 2025
বুধবাৰে উত্থাপন হ’বলগীয়া তিনিখন বিধেয়ক হৈছে কেন্দ্ৰীয় শাসিত অঞ্চল প্ৰশাসনিক (সংশোধনী) বিধেয়ক ২০২৫, সংবিধান (১৩০ সংখ্যক সংশোধনী) বিধেয়ক ২০২৫, আৰু জম্মু-কাশ্মীৰ পুনৰ্গঠন (সংশোধনী) বিধেয়ক ২০২৫।
বিৰোধী নেতাসকলে যুক্তি আগবঢ়ায় যে, এই পদক্ষেপৰ উদ্দেশ্য হৈছে বিহাৰৰ নিৰ্বাচনৰ পূৰ্বে ভোটাৰ তালিকা পুনৰীক্ষণ(SIR)ক লৈ হোৱা প্ৰতিবাদৰ পৰা মনোযোগ আঁতৰাই পেলোৱা, যিটোৱে পিছপৰা সম্প্ৰদায়, সংখ্যালঘু আৰু প্ৰব্ৰজিত শ্ৰমিকসকলক অসমতাপূৰ্ণভাৱে প্ৰভাৱিত কৰাৰ অভিযোগ উত্থাপন কৰিছে। গান্ধীয়ে এই যাত্ৰাক বিহাৰৰ মাটিৰ পৰা “ভোট চুৰিৰ বিৰুদ্ধে প্ৰত্যক্ষ যুঁজ” বুলি অভিহিত কৰিছে।
চৰকাৰে কয় যে, SIR ৰ প্ৰক্ৰিয়াটো নিৰ্বাচনী অখণ্ডতা নিশ্চিত কৰাৰ এক স্বচ্ছ ব্যৱস্থা। ভোটাৰক বিপথে পৰিচালিত কৰাৰ প্ৰয়াস বুলি বিহাৰৰ উপ-মুখ্যমন্ত্ৰী সম্ৰাট চৌধুৰীয়ে এই যাত্ৰাক খাৰিজ কৰে।
কংগ্ৰেছৰ জ্যেষ্ঠ মুখপাত্ৰ অভিষেক মনু সিংভীয়ে লগতে কয়,”পক্ষপাতদুষ্ট কেন্দ্ৰীয় সংস্থাৰ জৰিয়তে বিৰোধী মুখ্যমন্ত্ৰীক গ্ৰেপ্তাৰ কৰি চৰকাৰক অস্থিৰ কৰাৰ সৰ্বোত্তম উপায়। নিৰ্বাচনী প্ৰক্ৰিয়াত জিকিলে মুক্তভাৱে গ্ৰেপ্তাৰ কৰক আৰু অপসাৰণ কৰক। শাসকীয় দলৰ বৰ্তমানৰ মুখ্যমন্ত্ৰীক কেতিয়াও স্পৰ্শ নকৰিব!”