হঠাৎ মেঘালয় মন্ত্ৰীসভাৰ পৰা পদত্যাগ ৮ গৰাকীকৈ মন্ত্ৰীৰ, আঁৰত আছে এই বিশেষ কাৰণ
হঠাৎ সলনি হ'ল মেঘালয়ৰ ৰাজনৈতিক পট। আজি পদত্যাগ কৰিলে মেঘালয় চৰকাৰৰ ৮ গৰাকীকৈ মন্ত্ৰীয়ে। কেবিনেট সম্প্ৰসাৰণৰ পূৰ্বেই ৮ গৰাকীকৈ মন্ত্ৰীয়ে একেলগে পদত্যাগ কৰে। ইয়াৰ আঁৰত আছে এক বিশেষ কাৰণ।
মেঘালয় কেবিনেট (ফাইল ফটো)
মেঘালয়ত তীব্ৰতৰ হৈ পৰিছে ৰাজনৈতিক অস্থিৰতা। বিজেপি নেতৃত্বাধীন এই ৰাজ্যখনত ১২ জন মন্ত্ৰীৰ ভিতৰত ৮ জন মন্ত্ৰীয়ে হঠাৎ পদত্যাগ কৰিছে। পদত্যাগ কৰা মন্ত্ৰীসকলৰ ভিতৰত আছে এনপিপি, ইউডিপি, এইচএছপিডিপি আৰু বিজেপিৰ মন্ত্ৰীসকল।
পদত্যাগ কৰা মন্ত্ৰীসকলৰ ভিতৰত আছে এন পি পিৰ আম্পাৰিন লিংডো, কমিংগন ইয়াম্বন, ৰক্কাম এ চাংমা আৰু আবু তাহিৰ মণ্ডল, ইউ ডি পিৰ পল লিংডো আৰু কিৰমেন শ্বাইলা, এইচ এছ পি ডি পিৰ শকলিয়াৰ ৱাৰজৰি আৰু বিজেপিৰ এ এল হেক। মেঘালয়ৰ মন্ত্ৰীসভাৰ সালসলনিৰ পূৰ্বেই সৃষ্টি হৈছে এই অস্থিৰতা।
বৰ্তমান মেঘালয়ত নেচনেল পিপলছ পাৰ্টিৰ চৰকাৰ আছে, যাৰ নেতৃত্বত আছে মুখ্যমন্ত্ৰী কনৰাড চাংমা। বহু দল এই চৰকাৰত অন্তৰ্ভুক্ত। এই চৰকাৰখন মেঘালয় ডেম’ক্ৰেটিক এলায়েন্স নামৰ মিত্ৰজোঁটৰ ওপৰত ভিত্তি কৰি গঠন কৰা হৈছিল।
২০২৩ চনৰ বিধানসভা নিৰ্বাচনৰ পিছত এই মিত্ৰজোঁট গঠন হৈছিল। ৬০ জনীয়া বিধানসভাত মুঠ ১২ জন মন্ত্ৰী আছিল আৰু ইয়াতকৈ বেছি থাকিব নোৱাৰে। ইয়াৰে ৮ গৰাকী মন্ত্ৰীয়ে পদত্যাগ কৰিছে।
মেঘালয়ত কিয় পদত্যাগ কৰিলে ৮জন মন্ত্ৰীয়ে?
কেবিনেট সম্প্ৰসাৰণৰ পূৰ্বে এই কাম কৰা হৈছিল যাতে কেবিনেটত কিছু নতুন মুখ অন্তৰ্ভুক্ত কৰিব পৰা যায়। মেঘালয়ত কেবিনেট সালসলনিৰ আঁৰত বহু কাৰণ। সূত্ৰ অনুসৰি এই সালসলনি মিত্ৰ দলসমূহক সন্তুষ্ট কৰিবলৈ কৰা হৈছে, যাতে মেঘালয় গণতান্ত্ৰিক মিত্ৰজোঁটত ভাৰসাম্যতা থাকে আৰু সকলো শ্ৰেণীয়ে প্ৰতিনিধিত্ব লাভ কৰিব পাৰে।
৮ জন নতুন মন্ত্ৰীয়ে শপত গ্ৰহণ কৰে
এন পি পিৰ টিমোথি ডি শ্বিৰা, ভেলাডমিকি শ্বাইলা, ছষ্টেনেছ ছ’হটুন, ব্ৰেনিং এ চাংমা, বিজেপিৰ ছানব’ৰ শ্বুল্লাই, ইউডিপিৰ এম লিংডো, লাহকমেন ৰিম্বুই আৰু এইচ এছ পি ডি পিৰ মেথ’ডিয়াছ ড্খাৰক মন্ত্ৰী পৰিষদত অন্তৰ্ভুক্ত কৰা হয়। ৰাজ্যপাল চি এইচ বিজয়শংকৰে সকলো বিধায়কক মন্ত্ৰিত্বৰ শপত গ্ৰহণ কৰে।
At the swearing-in ceremony of the newly appointed Cabinet Ministers, presided over by Hon’ble Governor Shri C.H. Vijayashankar ji at Raj Bhavan, Shillong.
Heartfelt congratulations to Shri T.D. Shira, Shri Metbah Lyngdoh, Shri Lahkmen Rymbui, Shri Wailadmiki Shylla, Shri… pic.twitter.com/gQusgVuzId
— Conrad K Sangma (@SangmaConrad) September 16, 2025
বৰ্তমান মেঘালয় বিধানসভাত কাৰ কিমান জোৰ?
মুঠ আসনৰ সংখ্যা- ৬০ খন
- মেঘালয় ডেম’ক্ৰেটিক এলায়েন্স (এমডিএ) -৫১
- সৰ্বভাৰতীয় তৃণমূল কংগ্ৰেছ (AITC) -৫
- ভইচ অৱ দ্য পিপল পাৰ্টি (ভিপিপি) -৪
মেঘালয় ডেম’ক্ৰেটিক এলায়েন্স (এমডিএ) -৫১
- নেচনেল পিপলছ পাৰ্টি (এন পি পি)-৩৩
- ইউনাইটেড ডেম’ক্ৰেটিক পাৰ্টি (ইউডিপি)-১২
- বিজেপি-২
- হিল ষ্টেট পিপলছ ডেম’ক্ৰেটিক পাৰ্টি (এইচ এছ পি ডি পি)-২
- অন্যান্য -২