মই সহ্য কৰিব পৰা নাছিলো, বমি আহি গৈছিল…কি হৈছিল ৰবীনা টেণ্ডনৰ লগত?

ৰবীনা টেণ্ডন

এসময়ৰ এগৰাকী জনপ্ৰিয় অভিনেত্ৰী ৰবীনা টেণ্ডন। সৌন্দৰ্যৰ লগতে তেওঁৰ অভিনয়ে বিভিন্নজনৰ মন কাঢ়িবলৈ সক্ষম হৈছে। দীৰ্ঘদিন ছবি জগতৰ পৰা ৰবীনা আঁতৰি থাকিলেও তেওঁৰ অনুৰাগী কম হোৱা নাই। বিশেষকৈ ‘টিপ টিপ বৰছা পানী’ শীৰ্ষক গীতটিৰ পৰা জনপ্ৰিয় হৈ উঠা ৰবীনাৰ জনপ্ৰিয়তা আজিও অব্যাহত আছে।

বলীউডত জগতত কেইবাবছৰ ধৰি কেইবাখন ছবিত অভিনয় কৰিছে ৰবীনাই। কিন্তু বলীউডত ভালৰ দৰে সকলোৰে লগত কিছুমান তিক্ত ঘটনা ঘটে। সেয়া লাগিলে ডাঙৰ কোনো চেলিব্ৰেটী হওক বা আন কোনো। সকলোৱে কম বেছি পৰিমাণে কিছুমান অশান্তিকৰ অভিজ্ঞতাৰ সন্মুখীন হ’বলগীয়া হয়। ৰবীনাৰ লগতো এনে এক ঘটনা সংঘটিত হৈছিল যিয়ে তেওঁক আজিও যেন অস্বস্তি কৰে।

এবাৰ ৰবীনাই এই বিষয়ে এক সাক্ষাৎকাৰত জনাইছিল। ৰবীনাই কৈছিল যে, এবাৰ শ্বুটিঙৰ সময়ত তেওঁ অতি বেয়া অভিজ্ঞতাৰ সন্মুখীন হৈছিল। তাৰ পাছত তেওঁ কেইবাবাৰো মুখ ধুবলগীয়া হৈছিল। পিছে কি কৈছিল ৰবীনাৰ লগত?

এবাৰ এজন পুৰুষৰ সৈতে এটা দৃশ্য শ্বুটিঙত ব্যস্ত আছিল ৰবীনাই। হঠাতে ৰবীনাৰ ওঁঠ দুটা অভিনেতাজনৰ ওঁঠত স্পৰ্শ হয়। ইমানেই কেৱল, লগে লগে ৰবীনাৰ অশান্তি লাগিবলৈ আৰম্ভ কৰে। ৰবীনাই কয় যে, “মোৰ আজিও মনত আছে যে এবাৰ এজন অভিনেতাৰ সৈতে কাজিয়াৰ এটা দৃশ্য শ্বুটিং কৰি আছিলো। মোৰ মনত আছে, সেই সময়ত মোৰ ওঁঠ সেই অভিনেতাজনৰ ওঁঠত লাগি গৈছিল। ভুল মোৰেই আছিল। মোৰ অশান্তি লাগিছিল। লগে লগে মই মোৰ কোঠালৈ গৈছিলো। মোৰ বমি আহি আছিল। মই বহুত অসহায় অনুভৱ কৰিছিলো। মই এয়া সহ্য কৰিব পৰা নাছিলো। মোৰ কেৱল এনে লাগিছিল যে মই এতিয়াই দাঁত ব্ৰাছ কৰিম আৰু ১০০ বাৰ মান মুখ ধুম”।

অৱশ্যে ৰবীনাই সেই অভিনেতাজনৰ নাম প্ৰকাশ নকৰিলে। নাম নোলোৱাকৈ তেওঁ সেই অসহায় সময়ৰ কথা প্ৰকাশ কৰিছিল। পৰ্দাত ‘নো কিচিং পলিচি’ৰ বাবে তেওঁ বহু অস্বস্তিৰ পৰিস্থিতিৰ সন্মুখীন হ’বলগীয়া হৈছিল।

উল্লেখ্য যে, ছবিৰ পৰা বিৰতি লোৱাৰ পাছত এখন ৱেব ছিৰিজৰ জৰিয়তে বলীউডত পুনৰ প্ৰত্যাৱৰ্তন কৰিছিল ৰবীনাই। ‘অৰন্য’ক নামৰ ছবিখনত তেওঁ এজন আৰক্ষী বিষয়াৰ অভিনয় কৰিছিল। ছিৰিজখনত তেওঁ কৰা অভিনয়ৰ প্ৰশংসা বহুতে কৰিছিল। ইয়াৰোপৰি তেওঁক ‘কৰ্মা কলিং’ত দেখা যাব। কেৱল ৰবীনাই নহয়, তেওঁৰ কন্যা ৰাছা থাদানীও অতি শীঘ্ৰে বলীউডত প্ৰৱেশ কৰিব। তেওঁ অজয় দেৱগনৰ ভতিজাকৰ সৈতে ‘বালীপাৰা’ত ডেব্যু কৰিব।

অন্য খবৰ পঢ়কঃ নিৰ্মাণ সম্পূৰ্ণ! ৰণবীৰ-আলিয়াৰ নতুন ঘৰৰ দাম কিমান জানেনে? শুনিলে চকু উঠিব কপালত…