ৰাজনীতিৰ বলি হ’ল অৰিজিৎ সিং? পোহৰলৈ আহিছে ডাঙৰ তথ্য

অৰিজিৎ সিঙে প্লেবেক বা চলচ্চিত্ৰ জগতৰ পৰা চিৰদিনৰ বাবে বিদায় ল’ব বুলি ঘোষণা কৰাৰ লগে লগে অনুৰাগীৰ মনত প্ৰশ্নৰ উদয় হোৱাটো স্বাভাৱিক। অৰিজিতে নিজৰ বিবৃতিত কয় যে তেওঁ স্বতন্ত্ৰভাৱে সংগীতৰ অনুশীলন কৰিব বিচাৰে, কিন্তু বলীউডৰ ভিতৰৰ অন্য কথাৰ ইংগিত দিলে নেকি! নেটিজেনৰ এক বৃহৎ অংশই দাবী কৰে যে বছৰ বছৰ ধৰি বলীউডৰ দুই ফৈদ আৰু ৰাজনীতিৰ বলি হৈ ভাগৰি পৰিছে অৰজিত!

অৰিজিতৰ কেৰিয়াৰৰ মাজভাগত আটাইতকৈ ডাঙৰ বিতৰ্ক হৈছিল চলমান খান। ২০১৪ চনত বঁটা প্ৰদান অনুষ্ঠানত অৰিজিতে কৰা ধেমালিক ‘ভাইজানে’ সহজে ল’ব পৰা নাছিল। পৰৱৰ্তী পৰিণতি আছিল ভয়ংকৰ। ইটোৰ পিছত সিটো ডাঙৰ প্ৰজেক্টৰ পৰা অৰিজিতৰ গীতবোৰ আঁতৰাই দিয়া হ’ল। বিশেষকৈ ‘চুলতান’ ছবিত তেওঁ গোৱা ‘জগ ঘুমেয়া’ গীতটো বাদ দি গাইছিল ৰাহত ফাতেহ আলী খানে। কোৱা হয় যে এই ঘটনাত অৰিজিত অত্যন্ত হতাশ হৈছিল।

অৰিজিতে চলমানলৈ এখন দীঘলীয়া মুকলি চিঠি লিখি ৰাজহুৱাভাৱে ক্ষমা বিচাৰিছিল আৰু তেওঁৰ গীতটো ৰখাৰ বাবে অনুৰোধ জনাইছিল। কিন্তু চলমানে লৰচৰ কৰা নাছিল। যদিও যোৱা বছৰ ‘টাইগাৰ ৩’ ছবিখনত ছলমান আৰু অৰিজিতক দীঘলীয়া ৯ বছৰৰ পাছত একেলগে কাম কৰা দেখা গৈছিল, সমালোচকৰ মতে হয়তো এতিয়াও শীতল যুদ্ধ চলি আছে।

বলীউড মানেই নেপটিজিম আৰু লবী। বহুবাৰ দেখা গৈছে যে গীত ৰেকৰ্ডিং কৰা হৈছে যদিও শেষ মুহূৰ্তত আন এজন প্ৰভাৱশালী গায়ক বা লবীৰ প্ৰিয় কোনোবা এজনক গীত গোৱাৰ বাবে ব্যৱহাৰ কৰা হৈছে। সংগীত পৰিচালকৰ সৈতে অৰিজিতৰ সম্পৰ্ক মধুৰ হ’লেও প্ৰযোজকৰ অন্তৰ্নিহিততাৰ বাবে অৰিজিতৰ বহু গীত হেৰাই যোৱা বুলি চৰ্চা চলিছে। অৰিজিতৰ আকস্মিক সিদ্ধান্তত সুশান্ত সিং ৰাজপুতৰ মৃত্যুৰ পিছত চৰ্চালৈ অহা বলীউডৰ অন্ধকাৰ দিশৰ স্পৰ্শ নেটিজেনে দেখিবলৈ পাইছে।

চলমান খানৰ সৈতে দীৰ্ঘদিনীয়া কাজিয়া সমাধান হ’লেও বলীউডৰ ৰাজনীতিত আৰু কিমান প্ৰতিভা হেৰাই যাব সেই প্ৰশ্নটো ডাঙৰ হৈ পৰিছে, অৰিজিতৰ ঘোষণাই পুনৰ বিভিন্ন প্ৰশ্নৰ উত্থাপন কৰিছে।