Dharmendra: নিৰৱে সম্পন্ন হ’ল ধৰ্মেন্দ্ৰৰ অন্ত্যেষ্টিক্ৰিয়া, শেষ বিদায় জনালে এইসকল তাৰকাই…

ধৰ্মেন্দ্ৰৰ অন্ত্যেষ্টিক্ৰিয়া সম্পন্ন

৮৯ বছৰ বয়সত শেষ নিশ্বাস ত্যাগ কৰে বলীউডৰ ছুপাৰষ্টাৰ ধৰ্মেন্দ্ৰই।  তেওঁৰ শেষ ৰীতি-নীতি মুম্বাইৰ ভিলে পাৰ্লেত সম্পন্ন কৰা হৈছিল। য’ত তেওঁৰ জ্যেষ্ট পুত্ৰ ছানী দেউলে চিতাত জুই দিয়ে। ছয় দশক ধৰি চলচ্চিত্ৰ জগতত সক্ৰিয় ধৰ্মেন্দ্ৰই অসংখ্য ছবিত অভিনয় কৰি অনুৰাগীক মনোৰঞ্জন দিছিল। কিছুদিন ধৰি অসুস্থ হৈ থকা অভিনেতাজন জুহুৰ ঘৰত চিকিৎসাধীন হৈ আছিল।

সোমবাৰে এখন এম্বুলেন্স ছানি ভিলাত উপস্থিত হয়, তাৰ পিছত অভিনেতাজনৰ মৃতদেহ পৱন হান্সৰ ভিলে পাৰ্লেলৈ লৈ যোৱা হয়। য’ত অভিনেতাজনক পৰিয়ালৰ উপস্থিতিত অন্ত্যেষ্টিক্ৰিয়া সম্পন্ন কৰা হয়। অনুষ্ঠানৰ সময়ত পৰিয়ালৰ লোকে মৌনতা অৱলম্বন কৰিছিল আৰু কটকটীয়া নিৰাপত্তাৰ  মাজেৰে অভিনেতাজনৰ শেষ অনুষ্ঠানসমূহ সম্পন্ন কৰা হৈছিল। পৰৱৰ্তী সময়ত অমিতাভ বচ্চন আৰু আমিৰ খানকে ধৰি বলীউডৰ তাৰকা ক্ৰমান্বয়ে ভিলে পাৰ্লেৰ শ্মশানত উপস্থিত হোৱা দেখা গ’ল।

বলীউডৰ চিৰসেউজ অভিনেতা ধৰ্মেন্দ্ৰ জুহুৰ ঘৰত চিকিৎসাধীন হৈ আছিল। ইফালে সোমবাৰে বিয়লি তেওঁৰ বাংলো “ছানি ভিলা”ত হঠাতে দৌৰা-দৌৰী আৰম্ভ হয়। সূত্ৰই টিভি9ক জনোৱা মতে, তেওঁৰ ঘৰৰ চৌহদত এখন এম্বুলেন্স প্ৰৱেশ কৰা দেখা গৈছিল, তাৰ পিছত মুম্বাই আৰক্ষীয়ে লগে লগে নিৰাপত্তাজনিত কাৰণত বাংলোটোত বেৰিকেড স্থাপন কৰিবলৈ আৰম্ভ কৰে।

আৰক্ষী বাহিনীৰ উপৰিও প্ৰায় ৫০ জনীয়া ব্যক্তিগত নিৰাপত্তাৰক্ষীৰ এটা দলো সেই স্থানত উপস্থিত আছিল। দেওল পৰিয়ালে অন্ত্যেষ্টিক্ৰিয়াৰ প্ৰক্ৰিয়া পৰ্যন্ত ধৰ্মেন্দ্ৰৰ মৃত্যু নিশ্চিত কৰা নাছিল আৰু পিছত এই দুখজনক খবৰ অনুৰাগীৰ সৈতে শ্বেয়াৰ কৰা হয়।

কোনে অন্ত্যেষ্টিক্ৰিয়াত অংশগ্ৰহণ কৰিছিল?

ধৰ্মেন্দ্ৰৰ মৃত্যুৰ খবৰ শুনি সমগ্ৰ বলীউড উদ্যোগে শ্মশানত উপস্থিত তেওঁক অন্তিম বিদায় দিয়ে। প্ৰথম অৱস্থাত অমিতাভ বচ্চন আৰু আমিৰ খানে অন্ত্যেষ্টিক্ৰিয়াত অংশ লৈছিল। ইফালে কৰণ জোহৰে ছ’চিয়েল মিডিয়াত পোষ্ট কৰে, তাৰ পিছত ইজনৰ পিছত সিজনকৈ অসংখ্য চেলিব্ৰিটি ভিলে পাৰ্লেত উপস্থিত হ’বলৈ আৰম্ভ কৰে। অন্ত্যেষ্টিক্ৰিয়াত গৌৰী খান, ছলমান খান, ৰাজকুমাৰ সন্তোষী, চেলিম খান, সঞ্জয় দত্ত, অনিল শৰ্মাৰ দৰে অভিনেতাকো উপস্থিত হোৱা দেখা গৈছিল।

ইয়াৰ পূৰ্বে অভিনেতাগৰাকীৰ মৃত্যুৰ ভুৱা খবৰ ওলাইছিল। যাৰ বাবে ইছা দেওল আৰু হেমা মালিনীয়ে ছ’চিয়েল মিডিয়াত অসন্তুষ্টি প্ৰকাশ কৰাৰ লগতে তেওঁৰ আৰোগ্যৰ বিষয়ে আপডেট প্ৰদান কৰিছিল। এতিয়া অভিনেতাগৰাকীৰ মৃত্যুৰ খবৰ নিশ্চিত হৈছে, আৰু বিশ্ববাসীক বিদায় দিছে বলীউডৰ হি-মেনে।

লগতে পঢ়ক: ধৰ্মেন্দ্ৰক কোনে “হি-মেন” নাম দিছিল? আঁৰত আছে এখন বিশেষ চিনেমাৰ কাহিনী…