Bigg Boss 19 ৰ বিজয়ী গৌৰৱ খান্নাৰ সকলো শেষ! যাত্ৰাৰ আৰম্ভণিতেই ইউটিউবে বন্ধ কৰিলে একাউণ্ট

Gaurav Khanna And Youtube: ‘বিগ বছ ১৯’ শেষ হৈছে। তেতিয়াৰ পৰাই প্ৰতিযোগীসকলে পাৰ্টি কৰি আহিছে। ইফালে এই ছিজনৰ বিজয়ী গৌৰৱ খান্নাইও নিজৰ জয় উপভোগ কৰি আছে। মাত্ৰ দুদিন আগতে তেওঁ ইউটিুবৰ জৰিয়তে নতুন যাত্ৰা আৰম্ভ কৰাৰ কথা কৈছিল। কিন্তু এতিয়া তেওঁৰ ইউটিউব চেনেল মুকলি হোৱাৰ লগে লগে তেওঁ এক বৃহৎ বিপৰ্যয়ৰ সন্মুখীন হৈছে। ইউটিউবাৰসকল নিজেই তেওঁৰ পথত বাধা হৈ পৰিছে। গৌৰৱ খান্নাই কোনো ডাঙৰ নিয়ম ভংগ কৰিছে নেকি? কিয় হতাশ হৈছে গৌৰৱ খান্নাৰ অনুৰাগী?

গৌৰৱ খান্নাই তেওঁৰ ভিডিঅ’টোত কয়, “মই আজি য’ত আছো তাত টিভিৰ বাবেই আছো। মোক মিছফিট যেন লাগিছিল। মই কাৰ কথা কৈছো জানেনে: বিগ বছ। সদায় কোৱা হৈছিল যে ই কাজিয়া সম্পৰ্কীয় এটা শ্ব’ আৰু পৰিয়ালে হয়তো চাবলৈ ভাল নাপাব। কিন্তু মই শ্ব’টোত তেনেকুৱা একো কৰা নাছিলো। কিছুমান মানুহে ভাবিছিল যে মই ঘৰত একো কৰা নাই। মই ইয়াত ক’ব বিচাৰো যে বিগ বছত মোৰ দুজন সৰু ভাই আছে। যাক মই সঁচাকৈয়ে ভাইটি বুলি গণ্য কৰোঁ তেওঁলোক মৃদুল তিৱাৰী আৰু প্ৰণিত মোৰে। কিন্তু প্ৰথম ভিডিঅ’টো ওলোৱাৰ লগে লগে চেনেলটো বন্ধ হৈ গ’ল।

গৌৰৱ খান্নাৰ আঘাত

গৌৰৱ খান্নাই মুকলি কৰিলে তেওঁৰ নতুন ইউটিউব চেনেল। কিন্তু তেওঁৰ প্ৰথমটো ভিডিঅ’ লঞ্চ হোৱাৰ লগে লগে ইউটিউবে তেওঁৰ একাউণ্ট বন্ধ কৰি দিলে। অভিনেতাগৰাকীয়ে নিজৰ ইনষ্টাগ্ৰাম বায়’তো নিজৰ একাউণ্টৰ লিংক শ্বেয়াৰ কৰিছে। খোলাৰ লগে লগে ক’লা পৰ্দাত এটা বাৰ্তা জিলিকি উঠে: “এই ভিডিঅ’টো আৰু উপলব্ধ নহয়। এই ভিডিঅ’ৰ সৈতে জড়িত ইউটিউব একাউণ্টটো স্থগিত ৰখা হৈছে।” গৌৰৱ খান্নাৰ একাউণ্টৰ বিৰুদ্ধে গাইডলাইন উলংঘা কৰাৰ বাবেই ইউটিউবে ব্যৱস্থা গ্ৰহণ কৰা বুলি এতিয়া মানুহে বিশ্বাস কৰে।