মুম্বাইৰ তাজ হোটেল সন্ত্ৰাসবাদীৰ নিয়ন্ত্ৰণৰ পৰা মুক্ত হয়, চাওঁ আহক আজি দিনটোৰ ইতিহাস

২০০৮ চনৰ ২৯ নৱেম্বৰত এন এছ জিৰ কমাণ্ডোৱে মুম্বাইৰ তাজ হোটেল সন্ত্ৰাসবাদীৰ নিয়ন্ত্ৰণৰ পৰা মুক্ত কৰে। ২০০৮ চনৰ ২৬ নৱেম্বৰৰ নিশা মহানগৰখনৰ কেইবাটাও স্থানত সন্ত্ৰাসবাদীয়ে আক্ৰমণ কৰি বহু বিদেশীকে ধৰি বহু লোকক পণবন্দী কৰে। ১৫০ জনতকৈ অধিক লোকৰ মৃত্যু হয়। সেনাবাহিনী, মেৰিন কমাণ্ডো আৰু এন এছ জি কমাণ্ডোৰ প্ৰচেষ্টাত আক্ৰমণকাৰী সন্ত্ৰাসবাদীক হত্যা কৰা হয় আৰু এজন সন্ত্ৰাসবাদীক জীৱিত অৱস্থাত বন্দী কৰা হয়, যাক পিছত মৃত্যুদণ্ড দিয়া হয়। ২৯ নৱেম্বৰত ৰাষ্ট্ৰীয় আৰু আন্তঃৰাষ্ট্ৰীয় ইতিহাসত লিপিবদ্ধ হোৱা অন্যান্য ঘটনা পৰিঘটনা চাওঁ আহক।

দিনটোৰ ইতিহাস

1. ১৭৫৯ চনৰ আজিৰ দিনটোতে দিল্লীৰ সম্ৰাট আলমগীৰক হত্যা কৰা হয়।
2. ১৯৪৪ চনত আলবেনিয়া নাজী দখলৰ পৰা মুক্ত হয়।
3. ১৮৭০ চনত ব্ৰিটেইনত বাধ্যতামূলক শিক্ষা আইন প্ৰণয়ন কৰা হয়।
4. ১৯৬১ চনত বিশ্বৰ প্ৰথম মহাকাশচাৰী ৰাছিয়াৰ ইউৰি গাগাৰিনে ভাৰত ভ্ৰমণৰ বাবে নতুন দিল্লীত উপস্থিত হয়।
5. ১৯৪৭ চনত ৰাষ্ট্ৰসংঘই পেলেষ্টাইন বিভাজনৰ প্ৰস্তাৱ গ্ৰহণ কৰে। অৱশ্যে কাৰ্যকৰী নহ’ল।
6. ১৯৪৯ চনত পূব জাৰ্মানীৰ ইউৰেনিয়াম খনিৰ বৃহৎ বিস্ফোৰণত ৩৭০০ লোকৰ মৃত্যু হয়।
7. ১৯৭৫ চনত ব্ৰিটেইনৰ সৰ্বশ্ৰেষ্ঠ মটৰ ৰেচিং চালক গ্ৰেহাম হিলৰ দক্ষিণ-পূব ইংলেণ্ডত বিমান দুৰ্ঘটনাত মৃত্যু হয়।
8. ২০০৬ চনত পাকিস্তানে মিডিয়াম ৰেঞ্জ মিচাইলৰ সফল পৰীক্ষা কৰে। ইয়াৰ নাম আছিল হাটফ-৪ আৰু ইয়াক শ্বাহীন-১ বুলিও কোৱা হৈছিল।
9. ২০১২ চনত ৰাষ্ট্ৰসংঘৰ সাধাৰণ পৰিষদে পেলেষ্টাইনক অসদস্য পৰ্যবেক্ষকৰ মৰ্যাদা প্ৰদান কৰে।
10. ২০২৪ চনত ভাৰত পুনৰ ৰাষ্ট্ৰসংঘৰ শান্তি নিৰ্মাণ আয়োগৰ সদস্য নিৰ্বাচিত হয়।