আলফাৰ বিৰুদ্ধে অপাৰেচন বজৰং আৰম্ভ, চাওঁ আহক আজি দিনটোৰ ইতিহাস

২৮ নৱেম্বৰৰ তাৰিখটো ইতিহাসৰ কেইবাটাও বৃহৎ পৰিঘটনাৰ সাক্ষী। ১৯৯০ চনৰ এই তাৰিখতে ব্ৰিটেইনৰ প্ৰথমগৰাকী মহিলা প্ৰধানমন্ত্ৰী মাৰ্গাৰেট থেচাৰে ক্ষমতাৰ পৰা পদত্যাগ কৰে। ২৮ নৱেম্বৰতো নৰৱেই দ্বিতীয়বাৰৰ বাবে ইউৰোপীয় ইউনিয়নৰ সদস্যপদ নাকচ কৰাৰ সিদ্ধান্ত লৈছিল। ইয়াৰ পূৰ্বে ১৯৭২ চনত নৰৱেই ইউৰোপীয় ইউনিয়নৰ সদস্যপদৰ বিৰুদ্ধে ভোটদান কৰিছিল।

১৯৯০ চনৰ ২৮ নৱেম্বৰ দিনটো অসমৰ ইতিহাসৰ বাবে বিশেষ। এই দিনটোতে নিষিদ্ধ ঘোষিত সংগঠন ইউনাইটেড লিবাৰেশ্যন ফ্ৰণ্ট অৱ আছম (আলফা)ৰ বিৰুদ্ধে “অপাৰেচন বজৰং” নামৰ এক বৃহৎ সামৰিক আক্ৰমণ আৰম্ভ কৰিছিল। ১৯৯০ চনৰ ২৮ নৱেম্বৰৰ পৰা ১৯৯১ চনৰ ২০ এপ্ৰিললৈ আলফাৰ বিৰুদ্ধে ভাৰতীয় সেনাই চলাইছিল এই অভিযান।

ব্ৰিটেইনৰ আইৰন লেডী হিচাপে খ্যাতি অৰ্জন কৰা থেচাৰে ৰাণীক পদত্যাগ পত্ৰ দাখিল কৰাৰ পিছত ডাউনিং ষ্ট্ৰীটৰ চৰকাৰী বাসগৃহ খালী কৰে। ১১ বছৰ ধৰি ব্ৰিটিছ প্ৰধানমন্ত্ৰী হিচাপে কাৰ্যনিৰ্বাহ কৰা তেখেতে ১৮২৭ চনৰ পিছত দেশৰ আটাইতকৈ দীৰ্ঘদিনীয়া প্ৰধানমন্ত্ৰী হিচাপে কাৰ্যনিৰ্বাহ কৰিছিল। ইতিহাসৰ পাতত লিপিবদ্ধ আজিৰ দিনটো ঘটনা পৰিঘটনা চাওঁ আহক।

দিনটোৰ ইতিহাস

• ১৮৭২ চনত উইলহেম ৰেইছ বিশ্বৰ সৰ্বোচ্চ সক্ৰিয় আগ্নেয়গিৰি ক’ট’পাক্সিৰ শিখৰত উপনীত হোৱা প্ৰথমজন পৰ্বতাৰোহী হিচাপে পৰিগণিত হয়।
• ১৮৯৩ চনত নিউজিলেণ্ডৰ ৰাষ্ট্ৰীয় নিৰ্বাচনত মহিলাসকলে প্ৰথমবাৰৰ বাবে ভোটদান কৰে।
• ১৯১২ চনত ইছমাইল কাদ্ৰীৰ নেতৃত্বত আলবেনিয়াই তুৰস্কৰ পৰা স্বাধীনতা ঘোষণা কৰে।
• ১৯৯০ চনত আলফাৰ বিৰুদ্ধে অপাৰেচন বজৰং আৰম্ভ।
• ১৯১৯ চনত লেডী এষ্টাৰ ব্ৰিটিছ হাউছ অৱ কমনছলৈ নিৰ্বাচিত হয় আৰু এই পদত অধিষ্ঠিত হোৱা প্ৰথমগৰাকী মহিলা হিচাপে পৰিগণিত হয়।
• ১৯৬৭ চনত ব্ৰিটেইনত ভৰি আৰু মুখৰ ৰোগ প্ৰতিৰোধৰ বাবে সকলো ধৰণৰ ঘোঁৰা দৌৰ অনিৰ্দিষ্টকাললৈ নিষিদ্ধ কৰা হয়।
• ১৯৯০ চনত ব্ৰিটেইনৰ আইৰন লেডী মাৰ্গাৰেট থেচাৰে আনুষ্ঠানিকভাৱে ৰাণীক পদত্যাগ পত্ৰ প্ৰদান কৰি ডাউনিং ষ্ট্ৰীট এৰি যায়।
• ১৯৯৪ চনত নৰৱেই দ্বিতীয়বাৰৰ বাবে ইউৰোপীয় ইউনিয়নৰ সদস্যপদ নাকচ কৰে।
• ১৯৯৭ চনত ভাৰতৰ প্ৰাক্তন প্ৰধানমন্ত্ৰী ইন্দৰ কুমাৰ গুজৰালে পদৰ পৰা পদত্যাগ কৰে।
• ২০০০ চনত নেদাৰলেণ্ডৰ সংসদে বিশেষ পৰিস্থিতিত ইউথেনাচিয়াৰ অনুমতি দিয়াৰ প্ৰস্তাৱ গৃহীত কৰে।