ওলাইছে চাকৰি, পূৰ কৰা হ’ব ২৭৫৬টা পদ; এই দিনটোলৈকে আবেদনৰ বাবে হাতত আছে সময়

প্ৰতিনিধিত্বমূলক ছবি

ইণ্ডিয়ান অইল কৰ্পৰেশ্যন লিমিটেড, চমুকৈ IOCL- এ এপ্ৰেণ্টিছ পদত নিযুক্তিৰ বাবে এক অধিসূচনা প্ৰকাশ কৰিছে। ২৮ নৱেম্বৰ, অৰ্থাৎ শুকুৰবাৰৰ পৰা এই পদসমূহৰ বাবে আবেদন প্ৰক্ৰিয়া আৰম্ভ হৈছে। ইচ্ছুক প্ৰাৰ্থীসকলে এই পদসমূহৰ বাবে অহা ১৮ ডিচেম্বৰ পৰ্যন্ত আবেলি কৰিব পাৰিব। ১৮ ডিচেম্বৰৰ বিয়লি ৫ বজালৈকে এই নিযুক্তি প্ৰক্ৰিয়াৰ বাবে আবেদনৰ সময়সীমা নিৰ্ধাৰণ কৰা হৈছে। প্ৰতিষ্ঠানটোৰ অফিচিয়েল ৱেবছাইট iocl.com ত গৈ ইচ্ছুক প্ৰাৰ্থীসকলে আবেদন কৰিব লাগিব।

এই নিযুক্তি প্ৰক্ৰিয়াৰ জৰিয়তে প্ৰতিষ্ঠানটোৰ গুৱাহাটী, ডিগবৈ, বঙাইগাঁও শোধনাগাৰৰ লগতে বৰৌনী, গুজৰাট, হালদিয়া, মথুৰা, পানীপট আৰু পাৰাদীপ শোধনাগাৰত প্ৰেণ্টিছ পদত নিযুক্তি প্ৰদান কৰা হ’ব। প্ৰতিষ্ঠানটোৱে ITI, ডিপ্লমা আৰু ডিগ্ৰী এপ্ৰেণ্টিছ পদৰ বাবে ইচ্ছুক প্ৰাৰ্থীৰ পৰা আবেদন আহ্বান কৰিছে।

অধিসূচনা অনুসৰি এই পদসমূহৰ বাবে প্ৰাৰ্থীৰ যোগ্যতাৰ মাপকাঠী আৰু নিৰ্বাচিত কৰা হ’ব জানো আহক-

IOCL Apprentice Jobs 2025: কোনে আবেদন কৰিব পাৰে?

ITI এপ্ৰেণ্টিছ পদৰ বাবে আবেদনকাৰীৰ সংশ্লিষ্ট বিষয়ত ITIৰ প্ৰমাণ পত্ৰ থাকিব লাগিব। আনহাতে কিছুমান পদত B.Sc ডিগ্ৰী আৰু আন কিছুমান পদৰ বাবে B.Com ডিগ্ৰীৰ প্ৰয়োজন হ’ব। আবেদনকাৰীৰ বয়স ১৮ৰ পৰা ২৪ বছৰৰ ভিতৰত হ’ব লাগিব। অৱশ্যে OBC প্ৰাৰ্থীৰ বাবে ৩ বছৰ আৰু SC তথা ST প্ৰাৰ্থীৰ বাবে বয়সৰ সীমাত ৫ বছৰৰ ৰেহাই থাকিব।

কিদৰে আবেদন কৰিব

এই পদসমূহৰ বাবে IOCLৰ অফিচিয়েল ৱেবছাইট iocl.com চাওক।

Apprenticeships টেবলৈ যাওক।

এতিয়া নটিফিকেচন চাওক।

নিয়ম অনুসৰি প্ৰ-পত্ৰ পূৰণ কৰি চাবমিট কৰক।

কিদৰে নিৰ্বাচিত কৰা হ’ব প্ৰাৰ্থী?

এপ্ৰেণ্টিছ পদৰ বাবে আবেদনকাৰীক তিনিটা পৰ্যায়ত নিৰ্বাচিত কৰা হ’ব। তেওঁলোকৰ অৰ্হতাৰ ওপৰত ভিত্তি কৰি চৰ্টলিষ্ট কৰা প্ৰাৰ্থীসকল নথি পৰীক্ষণৰ বাবে উপস্থিত হ’ব লাগিব। নথি পৰীক্ষণ প্ৰক্ৰিয়াৰ সময়ত সকলো অৰিজিনেল প্ৰমাণপত্ৰ পৰীক্ষা কৰা হ’ব। ইয়াৰ পিছত চিকিৎসা পৰীক্ষা কৰা হ’ব। অধিক তথ্যৰ বাবে প্ৰাৰ্থীসকলে প্ৰতিষ্ঠানটোৰ অফিচিয়েল ৱেবছাইটত নিযুক্তিৰ বিজ্ঞাপন চাব পাৰে।