ডাঙৰ সুযোগ, ডাকঘৰৰ এই আঁচনিত ৪১১ টকা জমা কৰি লাভ কৰক ৪৩ লাখ টকা !

প্ৰায় সংখ্যক লোকে নিৰাপদ বিনিয়োগ কৰিবলৈ ইচ্ছা প্ৰকাশ কৰে। সেয়েহে যদি আপুনি ডাকঘৰত নিৰাপদে বিনিয়োগ কৰি কম সময়ৰ ভিতৰতে ভাল ৰিটাৰ্ণ পাব বিচাৰে তেন্তে পাব্লিক প্ৰভিডেণ্ট ফাণ্ড (PPF) আঁচনি আপোনাৰ বাবে এক উত্তম বিকল্প হ’ব পাৰে। বিশেষকৈ যিসকলে কম বিনিয়োগেৰে এটা ডাঙৰ পুঁজি লাভ কৰিব বিচাৰে আৰু লগতে কৰ ৰাহি কৰিব বিচাৰে তেওঁলোকৰ বাবে এই আঁচনিখন উপকাৰী হ’ব পাৰে।

৪১১ টকা জমা কৰি লাভ কৰক ৪৩ লাখ টকা

পিপিএফ একাউণ্ট ১৫ বছৰৰ বাবে খোলা হয় আৰু বৰ্তমান ইয়াৰ বাৰ্ষিক সুত ৭.৯ শতাংশ। এই আঁচনিখনত প্ৰতি বছৰে নূন্যতম ৫০০ টকাৰ পৰা সৰ্বাধিক ১.৫ লাখ টকা জমা কৰিব পাৰিব। যদি আপুনি প্ৰতিমাহে ১২,৫০০ টকা অৰ্থাৎ দৈনিক প্ৰায় ৪১১ টকা সঞ্চয় কৰে, তেন্তে এবছৰত মুঠ ১.৫ লাখ টকা জমা হ’ব। ১৫ বছৰৰ পাছত প্ৰায় ৪৩.৬০ লাখ টকা পাব পাৰিব।

ইয়াৰে প্ৰায় ২১ লাখ টকা সুত হিচাপে লাভ কৰিব। বিশেষ কথাটো হ’ল, জমা ধন আৰু সুত দুয়োটাতে কৰ আৰোপ কৰা নহয়। এই কৰ ৰেহাই আয়কৰৰ ধাৰা 80Cৰ অধীনত উপলব্ধ।

১০০ শতাংশ টকা নিৰাপদ

এই আঁচনিখন চৰকাৰৰ সম্পূৰ্ণ সমৰ্থিত, গতিকে আপোনাৰ ধন সম্পূৰ্ণ সুৰক্ষিত। পিপিএফৰ সুতৰ হাৰো বেংকৰ FD তকৈ বেছি, গতিকে দীৰ্ঘদিন বিনিয়োগ কৰাসকলৰ ইয়াক প্ৰথম পছন্দ বুলি গণ্য কৰা হয়। ইয়াত টকা জমা কৰাটোও অতি সহজ। ইচ্ছা কৰিলে গোটেই টকাখিনি একেলগে জমা দিব পাৰে বা ১২টা কিস্তিতো বিনিয়োগ কৰিব পাৰে।

PPF একাউণ্টত ঋণ ল’ব পাৰিব

প্ৰয়োজন হ’লে পিপিএফ একাউণ্টৰ পৰাও ঋণ ল’ব পাৰে, যিটো একাউণ্ট খোলাৰ প্ৰথম পাঁচ বছৰত উপলব্ধ হয়। এই সুবিধা জৰুৰীকালীন পৰিস্থিতিত অতি সহায়ক বুলি প্ৰমাণিত হয়। ডাকঘৰৰ পিপিএফত অনলাইনযোগে ধন জমা কৰাৰ সুবিধাও প্ৰদান কৰিছে। ইণ্ডিয়া পোষ্ট পেমেণ্টছ বেংক (FD) বা ডাকপে এপৰ সহায়ত আপুনি সহজেই আপোনাৰ বেংক একাউণ্টৰ পৰা পি পি এফ একাউণ্টলৈ ধন ট্ৰেন্সফাৰ কৰিব পাৰিব। ইয়াৰ বাবে আইপিপিবি একাউণ্ট আপোনাৰ বেংক একাউণ্টৰ সৈতে সংযোগ কৰিব লাগিব। তাৰ পিছত এপটোত PPF বিকল্পটো নিৰ্বাচন কৰি একাউণ্ট নম্বৰ আৰু কাষ্টমাৰ আইডি দিব লাগিব।