ছেপ্টেম্বৰ মাহত ১৫টা দিনেই বন্ধ থাকিব বেংক! ৰিজাৰ্ভ বেংকে প্ৰকাশ কৰিলে তালিকা, এতিয়াই চাওক

সাধাৰণতে প্ৰতিটো মাহতে সাপ্তাহিক বন্ধৰ লগতে উৎসৱ–পাৰ্বন বা আন কোনো কাৰণত কিছুদিন বেংক বন্ধ থাকে। বেংকৰ এই বন্ধ তালিকা আগতীয়াকৈ প্ৰকাশ কৰা হয়। ইয়াৰ দ্বাৰা গ্ৰাহকসকলে বেংকত কোনো কাম থাকিলে আগতীয়াকৈ পৰিকল্পনা কৰি ল’ব পাৰে। বেংকৰ বন্ধ তালিকাৰ বিষয়ে অৱগত নহ’লে সময়ত যথেষ্ট সমস্যাৰ সন্মুখীন হ’বলগা হ’ব পাৰে। ভাৰতীয় ৰিজাৰ্ভ বেংকে এতিয়া প্ৰকাশ কৰিছে আগন্তুক ছেপ্টেম্বৰ মাহৰ বেংকৰ বন্ধৰ তালিকা। এই তালিকা অনুসৰি ছেপ্টেম্বৰ মাহত দেশজুৰি বহুদিন বেংক বন্ধ থাকিব।

ভাৰতীয় ৰিজাৰ্ভ বেংকৰ ছেপ্টেম্বৰ মাহৰ বেংক বন্ধৰ আনুষ্ঠানিক তালিকা অনুসৰি উৎসৱ–পাৰ্বন আৰু সাপ্তাহিক ছুটিৰ দিনকে ধৰি মুঠ ১৫ দিন বেংক বন্ধ থাকিব। অৱশ্যে আৰ বি আইৰ নিয়ম অনুসৰি সকলো ৰাজ্যতে বেংক বন্ধৰ দিন একে নহয়। স্থানীয় উৎসৱ আৰু আঞ্চলিক অনুষ্ঠানৰ ভিত্তিত প্ৰতিখন ৰাজ্যতে বন্ধৰ দিন নিৰ্ধাৰণ কৰা হয়।

অৰ্থাৎ এটা দিনত এখন ৰাজ্যত খোলা থকা বেংকসমূহ আন এখন ৰাজ্যত বন্ধও হ’ব পাৰে। সেয়ে নিজ নিজৰ ৰাজ্যৰ বন্ধৰ তালিকা ভালদৰে প্ৰত্যক্ষ কৰিহে গ্ৰাহকসকলে বেংকলৈ যোৱা উচিত। আন মাহৰ দৰে ছেপ্টেম্বৰ মাহৰ প্ৰতি দেওবাৰে আৰু মাহৰ দ্বিতীয় তথা চতুৰ্থ শনিবাৰে বেংক বন্ধ থাকিব।

ছেপ্টেম্বৰ মাহৰ প্ৰথমটো দেওবাৰ ৭ তাৰিখে পৰিব। ইয়াৰ পিছত ১৩ ছেপ্টেম্বৰত দ্বিতীয় শনিবাৰ আৰু ১৪ ছেপ্টেম্বৰত দেওবাৰৰ বাবে একেলগে দুদিন বেংক বন্ধ থাকিব। একেদৰে ২৭ ছেপ্টেম্বৰত মাহৰ চতুৰ্থ শনিবাৰ আৰু ২৮ ছেপ্টেম্বৰত দেওবাৰ হোৱাৰ বাবে পুনৰ বেংকৰ বন্ধ থাকিব। এইদৰে সাপ্তাহিক বন্ধৰ বাবে ছেপ্টেম্বৰ মাহত দেশত ৬ দিন বেংক বন্ধ থাকিব।

ইফালে ছেপ্টেম্বৰ মাহত ওনাম, কৰম পূজা, ঈদ-ই-মিলাদ, দুৰ্গা পূজাৰ দৰে বহু উৎসৱ পালন কৰা হ’ব। এই উপলক্ষে বিভিন্ন ৰাজ্যত বেংক বন্ধ থাকিব। অসমত সাপ্তাহিক বন্ধৰ নিৰ্ধাৰিত ৬টা দিনৰ লগতে দুৰ্গা পূৰ্জাৰ বাবে ২৯ আৰু ৩০ ছেপ্টেম্বৰত বেংক বন্ধ থাকিব। অৰ্থাৎ অসমত অহা মাহত মুঠ ৮ দিন বন্ধ থাকিব বেংক।

অৱশ্যে এই বন্ধৰ দিনকেইটাত বেংকৰ শাখা বন্ধ থাকিব যদিও নেট বেংকিং, ম’বাইল বেংকিং, UPI আৰু ATMৰ দৰে সেৱা স্বাভাৱিকভাৱে চলি থাকিব। কেৱল মাত্ৰ অফ লাইনৰ জৰিয়তে বেংকত উপস্থিত হৈ কোনো কাম কৰিবলগা থাকিলে গ্ৰাহকসকলে এই দিনকেইটাত বেংকৰ সেৱা লাভ নকৰে।