ডাটা শেষ হ’লেও আৰু এতিয়া নাই চিন্তা, গ্ৰাহকৰ বাবে Jio-ই আগবঢ়াইছে বাম্পাৰ অফাৰ
বৰ্তমান সময়ত সকলো টেলিকম কোম্পানীয়েই আনলিমিটেড কলিঙৰ সুবিধা প্ৰদান কৰে। লগতে ৰিচাৰ্জ প্লেন অনুসাৰে থাকে ডাটাৰ সুবিধা। কিন্তু অতি কম সংখ্যক টেলিকম কোম্পানীয়েহে ১০০ টকাতকৈ কম মূল্যত ৰিচাৰ্জ প্লেন আগবঢ়ায়।

হাতৰ মোবাইল ফোন অবিহনেই যেন এতিয়া প্ৰায় অচল দৈনন্দিন জীৱন। প্ৰয়োজনীয় বহু কাম সম্পাদনৰ লগতে আজৰি সময় কটোৱাৰ ক্ষেত্ৰতো মোবাইলটো এতিয়া প্ৰায় নহ’লেই নহয়। অৱশ্যে হাতত কেৱল মোবাইলটো থাকিলেই নহ’ব, থাকিব লাগিব ইণ্টাৰনেট সংযোগো। পিছে মোবাইল ৰিচাৰ্জৰ খৰচ দিনক দিনে বৃদ্ধি পাইছে। এনে পৰিস্থিতিত গ্ৰাহকসকলে ডাটাৰ সুবিধাৰ লগতে মোবাইল ৰিচাৰ্জৰ দামৰ প্ৰতিও গুৰুত্ব দিবলগা হয়। কিন্তু কম খৰচী ৰিচাৰ্জ প্লেনত ডাটাৰ সুবিধা কিছু কম।
সেয়ে ধাৰাবাহিকভাৱে মোবাইল ব্যৱহাৰ কৰি থাকিলে ডাটা শেষ হৈ যোৱাৰ শংকা থাকে। গ্ৰাহকৰ এই সমস্যাৰ প্ৰতি লক্ষ্য ৰাখি ৰিলায়েঞ্চ জিঅ’ই এতিয়া আগবঢ়াইছে এক বাম্পাৰ অফাৰ। অধিক ডাটাৰ সুবিধাৰে কোম্পানীটোৱে এতিয়া আনিছে মাত্ৰ ১০০ টকাৰ এক ৰিচাৰ্জ প্লেন। জানো আহক জিঅ’ৰ এই ৰিচাৰ্জ প্লেনটোৰ সুবিধাৰ বিষয়ে।
বৰ্তমান সময়ত সকলো টেলিকম কোম্পানীয়েই আনলিমিটেড কলিঙৰ সুবিধা প্ৰদান কৰে। লগতে ৰিচাৰ্জ প্লেন অনুসাৰে থাকে ডাটাৰ সুবিধা। কিন্তু অতি কম সংখ্যক টেলিকম কোম্পানীয়েহে ১০০ টকাতকৈ কম মূল্যত ৰিচাৰ্জ প্লেন আগবঢ়ায়। ৰিলায়েন্স জিঅ’ই গ্ৰাহকৰ সুবিধাৰ বাবে আনিছে এনে এক ৰিচাৰ্জ প্লেন।
কোম্পানীটোৰ এই ১০০ টকীয়া ৰিচাৰ্জ প্লেনত ৯০ দিনৰ বৈধতা প্ৰদান কৰা হ’ব। এই প্লেনত ৫ জিবি আনলিমিটেড 5G ডাটা উপলব্ধ হ’ব। এই ৫ জিবি ইণ্টাৰনেট ব্যৱহাৰ কৰাৰ পিছতো গ্ৰাহকসকলে কম গতিৰে ইণ্টাৰনেট ব্যৱহাৰ কৰিব পাৰিব। ইয়াৰ উপৰিও এই ৰিচাৰ্জ পেকত জিঅ’ হটষ্টাৰ অ’টিটি চাবস্ক্ৰিপচনো অন্তৰ্ভুক্ত।
ইয়াৰ উপৰিও ৯১ টকাত এক সুকীয়া ৰিচাৰ্জ প্লেন প্ৰৱৰ্তন কৰা হৈছে। এই প্লেনৰ বৈধতা ২৮ দিনৰ। এই ৰিচাৰ্জত প্ৰতিদিনে ১০০ এম বি হাই স্পীড ডাটা, ২০০ এম বি বোনাছ ডাটা, ৫০ এছ এম এছ আৰু আনলিমিটেড কলিঙৰ সুবিধা আছে। মুঠ ৩ জিবি ডাটা ব্যৱহাৰ কৰাৰ পিছত ইণ্টাৰনেটৰ গতি প্ৰতি ছেকেণ্ডত ৬৪ কেবিলৈ হ্ৰাস পাব।
ৰিলায়েঞ্চ জিঅ’ও গ্ৰাহকৰ সুবিধাৰ বাবে আন এক সস্তীয়া ৰিচাৰ্জ প্লেনো আগবঢ়াইছে। মাত্ৰ ৭৫ টকীয়া এই ৰিচাৰ্জ প্লেনৰ বৈধতা ২৩ দিনৰ। এই প্লেনতো ১০০ এম বি হাই স্পীড ডাটা, ২০০ এম বি বোনাছ ডাটা, ৫০ এছ এম এছ আৰু আনলিমিটেড কলিং উপলব্ধ হ’ব। জিঅ’ টিভি আৰু জিঅ’ এআই ক্লাউডো উপলব্ধ হ’ব এই প্লেনত।