ৰাজ্যপাল আৰু ৰাষ্ট্ৰপতিৰ বিৰোধিতা কৰিব নোৱাৰে ৰাজ্য চৰকাৰেঃ কেন্দ্ৰ

ৰাজ্যৰ ক্ষমতাক লৈ উচ্চতম ন্যায়ালয়ত প্ৰশ্ন উত্থাপন ছলিচিটৰ জেনেৰেল তুষাৰ মেহতাৰ। তেওঁ দাবী কৰে যে কোনো ৰাজ্য চৰকাৰে ৰাষ্ট্ৰপতি আৰু ৰাজ্যপালৰ সিদ্ধান্তৰ বিৰুদ্ধে আদালতত গোচৰ ৰুজু কৰিব নোৱাৰে। মুখ্য ন্যায়াধীশ বি আৰ গভাই, ন্যায়াধীশ সূৰ্য কান্ত, ন্যায়াধীশ বিক্ৰম নাথ, ন্যায়াধীশ পি এছ নৰসিংহ, ন্যায়াধীশ অতুল এছ চন্দুৰকাৰকে ধৰি ৫ জনীয়া বিচাৰপীঠত এই শুনানি অনুষ্ঠিত হয়।

তুষাৰ মেহতাই কয় যে, ৩২ নং অনুচ্ছেদ অনুসৰি এজন ব্যক্তিয়ে আদালতত গোচৰ ৰুজু কৰিব পাৰে। কিন্তু এই ক্ষেত্ৰত ৰাজ্য চৰকাৰৰ অধিকাৰ নাই। এনে কৰিলে ৰাজ্য চৰকাৰে ব্যক্তিৰ মৌলিক অধিকাৰ খৰ্ব কৰাৰ দৰে হয়। বিধেয়ক অনুমোদন জনোৱাৰ পাছত ৰাজ্যপাল আৰু ৰাষ্ট্ৰপতিৰ সিদ্ধান্তৰ বিৰোধিতা কৰাৰ মৌলিক অধিকাৰ ৰাজ্যৰ নাই।