TV9 ASSAM
ৰিয়ান পৰাগ নেতৃত্বাধীন ইষ্ট জ’নৰ বিৰুদ্ধে দুলীপ ট্ৰফীৰ মেচত নৰ্থ জ’নৰ পেচাৰ আকিব নবীয়ে হেট্ৰিক অৰ্জনেৰে ইতিহাস সৃষ্টি কৰে।
ইষ্ট জ’নৰ প্ৰথম ইনিংছৰ ৫৩ নং অভাৰৰ চতুৰ্থ, পঞ্চম আৰু ষষ্ঠ বলত আকিবে বিৰাট সিং, মণিষী আৰু মুখতাৰ হুছেইনক আউট কৰি হেট্ৰিক সম্পূৰ্ণ কৰে।
পৰৱৰ্তী অভাৰৰ প্ৰথম বলতো আকিবে এটা উইকেট লয় আৰু দুলীপ ট্ৰফীত একেৰাহে ৪টা বলত ৪টা উইকেট দখল কৰা প্ৰথমজন বলাৰ হিচাপে পৰিগণিত হয়।
দৰ্শনীয় প্ৰদৰ্শনেৰে আকিবে মেচৰ প্ৰথম ইনিংছত মাত্ৰ ২৮ ৰানত ৫টা উইকেট দখল কৰি ইষ্ট জ’নৰ স্ক’ৰ ব’ৰ্ড ২৩০ ৰানত বান্ধি ৰাখে।
দুলীপ ট্ৰফীত হেট্ৰিক লোৱা তৃতীয়জন বলাৰ আকিব। কিংবদন্তি ক্ৰিকেটাৰ কপিল দেৱে ১৯৭৮ চনত নৰ্থ জ’নৰ হৈ এই প্ৰথমবাৰ এই কৃতিত্ব অৰ্জন কৰিছিল।
তাৰ পিছত ২০০০ চনত ৱেষ্ট জ’নৰ স্পিনাৰ ছাইৰাজ বহুতুলে ইষ্ট জ’নৰ বিৰুদ্ধে হেট্ৰিক অৰ্জনেৰে এই কৃতিত্ব অৰ্জন কৰা দ্বিতীয়গৰাকী বলাৰ ৰূপে পৰিগণিত হৈছিল।
ঘৰুৱা ক্ৰিকেটত জম্মু-কাশ্মীৰৰ হৈ খেলা আকিবে এইপৰ্যন্ত দৰ্শনীয় প্ৰদৰ্শনেৰে ২৯খন প্ৰথম শ্ৰেণীৰ মেচত ২২ গড়েৰে ৯০টা উইকেট দখল কৰিছে।
পঢ়িবলৈ ক্লিক কৰক
ঘৰতে থকা এইকেইবিধ সামগ্ৰীয়ে পৰিষ্কাৰ কৰে তেজ