ঘৰতে থকা এইকেইবিধ সামগ্ৰীয়ে পৰিষ্কাৰ কৰে তেজ

এক সুস্থ দেহৰ বাবে তেজ পৰিষ্কাৰ কৰি ৰখাটো অতি প্ৰয়োজনীয়। তেজত বিষাক্ত পদাৰ্থ থাকিলে দেহত ভিন্ন সমস্যাই দেখা দিব পাৰে।

বিশেষ অপৰিষ্কাৰ তেজৰ বাবে ছালৰ বহু সমস্যা হয়। লগতে ইয়াৰ ফলত ৰোগ প্ৰতিৰোধ ক্ষমতা দুৰ্বল হৈ পৰাৰ বাবে আন কিছুমান সমস্যাও হয়।

তুলসীৰ বহু গুণৰ কথা আয়ুৰ্বেদত উল্লেখ আছে। ই তেজো পৰিষ্কাৰ কৰি ৰাখে। পুৱা কেইখিলামান তুলসী পাত পানীত সিজাই খালে বহু ফল পাব।

কেঁচা হালধি গাখীৰ বা পানীত মিহলাই খালে বহু ফল পায়। বহু ঔষধি গুণেৰে ভৰপূৰ হালধিত থকা মৌলসমূহে প্ৰাকৃতিকভাৱে তেজ পৰিষ্কাৰ কৰাত সহায় কৰে।

খাদ্যৰ সোৱাদ বৃদ্ধি কৰা মচলা নহৰুৱে তেজো পৰিষ্কাৰ কৰি ৰাখে। দৈনিক এফুটা বা দুফুটা কেঁচা নহৰু খালে দেহৰ আন বহুদিশত উপকাৰিতা লাভ কৰিব।

নিম পাতেও তেজ পৰিষ্কাৰ কৰিব পাৰে। দৈনিক ৪-৫ খিলা নিমপাত চোবাই খালে বহু সুবিধা লাভ কৰিব। অৱশ্যে ডায়েবেটিছ ল’ হ’লে নিমপাত নাখাব।